16.84C Vancouver 16.84C VancouverJan 12, 2021 11:28 PM -
ਵੈਨਕੂਵਰ 'ਚ ਇੱਕ ਬੇਘਰ ਔਰਤ ਦੇ ਕੰਬਲਾਂ ਨੂੰ ਅੱਗ ਲਗਾ ਦਿੱਤੀ ਗਈ।
ਸੁੱਤੀ ਪਈ ਔਰਤ ਦੇ ਜ਼ਖਮੀ ਹੋਣ ਤੋਂ ਵਾਲ-ਵਾਲ ਬਚਾਅ ਰਹਿ ਗਿਆ।
ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਨੇ ਮੰਗਲਵਾਰ ਨੂੰ ਜਾਰੀ ਇੱਕ ਬਿਆਨ 'ਚ ਦੱਸਿਆ ਕਿ ਇਸ ਜਾਣ ਬੁੱਝ ਕੇ ਲਗਾਈ ਗਈ ਅੱਗ ਦੀ ਘਟਨਾ ਨੂੰ 13 ਦਿਸੰਬਰ ਨੂੰ ਅੰਜਾਮ ਦਿੱਤਾ ਗਿਆ ਸੀ।
ਘਟਨਾ ਤੜਕੇ ਕਰੀਬ 4 ਵਜੇ ਵਾਪਰੀ ਸੀ।
ਸਾਰਜੈਂਟ ਸਟੀਵ ਐਡੀਸਨ ਨੇ ਦੱਸਿਆ ਕਿ 30 ਤੋਂ 40 ਸਾਲ ਦੇ ਦਰਮਿਆਨ ਦੀ ਉਮਰ ਦੀ ਔਰਤ, ਇੱਕ ਜੈਕਿਟ ਅਤੇ ਕੁਝ ਕੰਬਲਾਂ 'ਚ ਖੁਦ ਨੂੰ ਲਪੇਟ ਕੇ ਪਈ ਸੀ।
ਇਸੇ ਦੌਰਾਨ ਇੱਕ ਵਿਅਕਤੀ ਉਸ ਦੇ ਕੋਲ ਆਇਆ ਅਤੇ ਉਸ ਦੇ ਕੰਬਲ ਨੂੰ ਅੱਗ ਲਗਾ ਦਿੱਤੀ।
ਔਰਤ ਦੀ ਅੱਖ ਖੁੱਲ੍ਹੀ ਅਤੇ ਉਸ ਦਾ ਜ਼ਖਮੀ ਹੋਣ ਤੋਂ ਬਚਾਅ ਹੋ ਗਿਆ।
ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਉਹ ਮਾਮਲੇ 'ਚ ਸ਼ਾਮਿਲ ਸ਼ੱਕੀ ਤੱਕ ਪਹੁੰਚ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ ਅਤੇ ਜੇਕਰ ਕਿਸੇ ਕੋਲ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
