15.84C Vancouver 15.84C VancouverOct 8, 2021 4:47 PM -
ਪੁਲੀਸ ਦਾ ਕਹਿਣਾ ਹੈ ਕਿ ਲੰਘੇ ਮੰਗਲਵਾਰ ਸਰੀ ਵਿੱਚ ਹੋਈ ਗੋਲੀਬਾਰੀ ਦੀ ਘਟਨਾ ਮਿੱਥ ਕੀ ਕੀਤਾ ਗਿਆ ਕਤਲ ਸੀ ਅਤੇ ਗੈਂਗ ਨਾਲ ਜੁੜਿਆ ਹੋਇਆ ਸੀ।
ਇੰਟੀਗਰਟੇਡ ਹੋਮੀਸਾਇਡ ਇਨਵੇਸਟੀਗੇਸ਼ਨ ਟੀਮ ਦੇ ਮੁਤਾਬਿਕ ਮਾਰਿਆ ਗਿਆ ਵਿਅਕਤੀ 28 ਸਾਲਾਂ ਦਾ ਸ਼ਰਨਬੀਰ ਸਿੰਘ ਸੋਮਲ ਸੀ।
ਸੋਮਲ ਆਪਣੇ ਘਰ ਦੇ ਡਰਾਈਵ-ਵੇ ਤੇ ਮੌਜੂਦ ਸੀ ਜਦ ਉਸ ਨੂੰ ਗੋਲੀ ਮਾਰੀ ਗਈ।
ਪੁਲੀਸ ਉਸ ਨੂੰ ਪਹਿਲਾਂ ਤੋਂ ਜਾਣਦੀ ਸੀ ਅਤੇ ਉਸ ਦੀ ਮੌਤ ਮੌਕੇ ਤੇ ਹੀ ਹੋ ਗਈ ਸੀ।
ਗੋਲੀਬਾਰੀ ਦੀ ਇਸ ਘਟਨਾ ਤੋਂ ਥੋੜੀ ਦੇਰ ਬਾਅਦ ਅਤੇ ਥੋੜੀ ਦੂਰੀ ਤੇ ਇੱਕ ਜਲੀ ਹੋਈ ਗੱਡੀ ਵੀ ਬਰਾਮਦ ਹੋਈ ਸੀ ਜਿਸ ਦਾ ਤਾਲੁਕ ਸੋਮਲ ਦੀ ਮੌਤ ਨਾਲ ਮਨਿਆ ਜਾ ਰਿਹਾ ਹੈ।
ਸਾਰਜੇਂਟ ਡੇਵਿਡ ਲੀ ਨੇ ਦੱਸਿਆ ਕਿ ਫਿਲਹਾਲ ਇਸ ਕੇਸ ਵਿੱਚ ਕੋਈ ਗਿਰਫਤਾਰੀ ਨਹੀਂ ਹੋਈ।
ਗਵਾਹਾਂ ਨੂੰ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ, ਡੈਸ਼ ਕੈਮ ਫੁਟੇਜ ਲੱਭਣ ਦੀ ਕੋਸ਼ਿਸ਼ ਵੀ ਜਾਰੀ ਹੈ।
ਪੁਲੀਸ ਦਾ ਕਹਿਣਾ ਹੈ ਕਿ ਗੋਲੀਬਾਰੀ ਦੀ ਇਹ ਘਟਨਾ ਰੇਜ਼ਿਡੇਨਸ਼ਿਯਲ ਇਲਾਕੇ ਵਿੱਚ ਹੋਈ ਸੀ ਅਤੇ ਆਮ ਜਨਤਾ ਦੀ ਸੇਫਟੀ ਨੂੰ ਪੂਰੀ ਤਰ੍ਹਾਂ ਨਜ਼ਰਅੰਦਾਜ਼ ਕੀਤਾ ਗਿਆ ਸੀ।
