30.85C Vancouver 30.85C VancouverJan 27, 2021 4:37 PM -
ਮੈਟਰੋ ਵੈਨਕੂਵਰ ਦੀ ਹੋਮੀਸਾਈਡ ਟੀਮ ਦੇ ਮੈਂਬਰਾਂ ਵੱਲੋਂ ਲੈਂਗਲੀ ਵਿਖੇ ਬੁਲੇਟ ਕੇਸਾਂ ਨਾਲ ਭਰੀ ਇੱਕ ਸਟ੍ਰੀਟ ’ਤੇ ਵਾਪਰੇ ਜਾਨਲੇਵਾ ਹਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਇੰਟੈਗਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਵਲੋਂ ਆਨਲਾਈਨ ਸਾਂਝੀ ਕੀਤੀ ਗਈ ਜਾਣਕਾਰੀ ਮੁਤਾਬਕ ਟੀਮ ਦੇ ਮੈਂਬਰ ਲੈਂਗਲੀ ਆਰ.ਸੀ.ਐਮ.ਪੀ. ਅਫ਼ਸਰਾਂ ਨਾਲ ਮਿਲ ਕੇ ਸ਼ਹਿਰ ਦੇ ਇਸ ਰਿਹਾਇਸ਼ੀ ਇਲਾਕੇ ਵਿੱਚ ਇਸ ਵਾਰਦਾਤ ਦੀ ਤਫਤੀਸ਼ ਕਰ ਰਹੇ ਹਨ।
ਅਧਿਕਾਰੀਆਂ ਵਲੋਂ ਇੱਕ ਅਜੇਹੀ ਹੌਂਡਾ ਸਿਵਿਕ ਗੱਡੀ ਦੇ ਮੂਹਰੇ ਇੱਕ ਤੰਬੂ ਸਥਾਪਿਤ ਕੀਤਾ ਗਿਆ ਹੈ ਜਿਸਦੀ ਵਿੰਡਸ਼ੀਲਡ ਵਿਚ ਬਹੁਤ ਸਾਰੇ ਛੇਕ ਹਨ ਅਤੇ ਨੇੜਲੀ ਗਲੀ ਵਿੱਚ ਦਰਜਨਾਂ ਸਬੂਤ ਮਾਰਕਰ ਦੇਖੇ ਜਾ ਸਕਦੇ ਹਨ।
ਇਸ ਤੋਂ ਇਲਾਵਾ ਆਰ.ਸੀ.ਐਮ.ਪੀ. ਵਲੋਂ ਸਰ੍ਹੀ ਵਿੱਚ ਲਗਭਗ 12 ਕਿਲੋਮੀਟਰ ਦੀ ਦੂਰੀ 'ਤੇ ਇਕ ਖੇਤਰ ਵਿੱਚ ਘੱਟੋ ਘੱਟ ਇੱਕ ਬਲਦੇ ਹੋਏ ਵਾਹਨ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ, ਪਰ ਫਿਲਹਾਲ ਇਹ ਸਪੱਸ਼ਟ ਨਹੀਂ ਹੈ ਕਿ ਇਸ ਦਾ ਸਬੰਧ ਲੈਂਗਲੀ ਵਿਖੇ ਵਾਪਰੀ ਵਾਰਦਾਤ ਨਾਲ ਹੈ ਜਾਂ ਨਹੀਂ।
ਪਿਛਲੇ ਮਹੀਨੇ ਦੌਰਾਨ ਮੈਟਰੋ ਵੈਨਕੂਵਰ ਦੇ ਵਿੱਚ ਗੋਲ਼ੀ ਚੱਲਣ ਦੀਆਂ ਕਈ ਜਾਨਲੇਵਾ ਘਟਨਾਵਾਂ ਵਾਪਰੀਆਂ ਹਨ ਜਿਨ੍ਹਾਂ ਵਿਚੋਂ ਇੱਕ ਵਿੱਚ ਸਰ੍ਹੀ ਵਿਖੇ ਇੱਕ 14 ਸਾਲ ਦੇ ਲੜਕੇ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ।
ਹੋਮੀਸਾਈਡ ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਪਹਿਲੀਆਂ ਕਤਲ ਦੀਆਂ ਘਟਨਾਵਾਂ ਚੱਲ ਰਹੇ ਲੋਅਰ ਮੇਨਲੈਂਡ ਗੈਂਗ ਦੇ ਟਕਰਾਅ ਨਾਲ ਸਬੰਧਤ ਸਨ ਅਤੇ ਰਾਤ ਦੇ ਹਮਲੇ ਬਾਰੇ ਵਧੇਰੇ ਵੇਰਵੇ ਸਾਂਝੇ ਕਰਨ ਦੀ ਬਾਅਦ ਵਿਚ ਉਮੀਦ ਕੀਤੀ ਜਾ ਰਹੀ ਹੈ।
