15.22C Vancouver 15.22C VancouverMar 18, 2021 11:05 PM -
ਬਰਨਬੀ 'ਚ ਇੱਕ ਪਾਰਕ 'ਚ ਮਨੁੱਖੀ ਅਵਸ਼ੇਸ਼ ਮਿਲੇ ਹਨ।
ਅੱਜ ਸਵੇਰੇ ਹੋਮੀਸਾਈਡ ਜਾਂਚ ਅਧਿਕਾਰੀਆਂ ਨੂੰ ਬਰਨਬੀ ਦੇ ਇੱਕ ਪਾਰਕ 'ਚ ਸੱਦਿਆ ਗਿਆ ਹੈ।
ਜਾਣਕਾਰੀ ਅਨੁਸਾਰ ਪੀੜਤ ਵਿਅਕਤੀ ਦੇ ਸ਼ਰੀਰ ਨੂੰ ਅੱਗ ਦੇ ਹਵਾਲੇ ਕੀਤਾ ਗਿਆ ਸੀ।
ਜਾਂਚ ਅਜੇ ਸ਼ੁਰੂਆਤੀ ਦੌਰ ਵਿੱਚ ਹੈ ਅਤੇ ਪੀੜਤ ਦੀ ਪਛਾਣ ਨਹੀਂ ਹੋ ਸਕੀ ਹੈ।
ਇਹ ਵੀ ਨਹੀਂ ਦੱਸਿਆ ਗਿਆ ਹੈ ਕਿ ਪੀੜਤ ਵਿਅਕਤੀ ਮਰਦ ਸੀ ਜਾਂ ਔਰਤ।
ਇਸ ਮਾਮਲੇ ਨੂੰ ਸ਼ੱਕੀ ਮੰਨਿਆ ਜਾ ਰਿਹਾ ਹੈ ਅਤੇ ਮੌਤ ਦੇ ਕਾਰਨ ਦਾ ਪਤਾ ਲਗਾਉਣ ਲਈ ਬੀ.ਸੀ. ਕੋਰੋਨਰ ਸਰਵਿਸ ਨਾਲ ਮਿਲ ਕੇ ਜਾਂਚ ਕੀਤੀ ਜਾ ਰਹੀ ਹੈ।
ਇਹ ਵੀ ਪਤਾ ਲਗਾਉਣ ਦੀ ਕੋਸ਼ਿਸ਼ ਜਾਰੀ ਹੈ ਕਿ ਪੀੜਤ ਨੂੰ ਮੌਤ ਤੋਂ ਬਾਅਦ ਉੱਥੇ ਸੁੱਟਿਆ ਗਿਆ ਸੀ, ਜਾਂ ਮੌਤ ਪਾਰਕ ਵਿੱਚ ਹੀ ਹੋਈ ਸੀ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਇਲਾਕੇ 'ਚ ਕਿਸੇ ਸ਼ੱਕੀ ਗਤੀਵਿਧੀ ਬਾਰੇ ਜਾਣਕਾਰੀ ਹੋਵੇ ਤਾਂ ਉਨ੍ਹਾਂ ਨੂੰ ਦੱਸਿਆ ਜਾਵੇ।
ਘਟਨਾ ਬੀ.ਸੀ. ਇੰਸਟੀਟਿਊਟ ਆਫ ਟੈਕਨੌਲੋਜੀ ਦੇ ਮੁੱਖ ਕੈਂਪਸ ਦੇ ਕੋਲ ਵਾਪਰੀ ਹੈ।
