12.2C Vancouver 12.2C VancouverApr 15, 2025 7:12 PM - Connect Newsroom
ਕੈਨੇਡਾ ਤੋਂ ਅਮਰੀਕਾ ਵਿਚ ਉਤਪਾਦਨ ਲਿਜਾਣ ਦੀਆਂ ਰਿਪੋਰਟਸ ਨੂੰ ਹੌਂਡਾ ਕੈਨੇਡਾ ਨੇ ਰੱਦ ਕੀਤਾ ਹੈ। ਕੰਪਨੀ ਨੇ ਕਿਹਾ ਕਿ ਓਨਟਾਰੀਓ ਦੇ ਐਲੀਸਟਨ ਪਲਾਂਟ ਵਿਚ ਅਸੀਂ ਪੂਰੀ ਸਮਰੱਥਾ ਨਾਲ ਕੰਮ ਕਰਨਾ ਜਾਰੀ ਰੱਖ ਰਹੇ ਹਾਂ ਅਤੇ ਇਸ ਸਮੇਂ ਉਤਪਾਦਨ ਵਿਚ ਕਿਸੇ ਵੀ ਬਦਲਾਅ ਦਾ ਵਿਚਾਰ ਨਹੀਂ ਕੀਤਾ ਜਾ ਰਿਹਾ।
ਜਾਪਾਨ ਦੀ ਇੱਕ ਅਖਬਾਰ ਨੇ ਕਿਹਾ ਸੀ ਕਿ ਹੌਂਡਾ ਕੰਪਨੀ ਟਰੰਪ ਦੇ ਟੈਰਿਫ ਤੋਂ ਬਚਣ ਲਈ ਆਪਣੇ ਕੁਝ ਕਾਰ ਉਤਪਾਦਨ ਨੂੰ ਮੈਕਸੀਕੋ ਅਤੇ ਕੈਨੇਡਾ ਤੋਂ ਅਮਰੀਕਾ ਲਿਜਾਣ 'ਤੇ ਵਿਚਾਰ ਕਰ ਰਹੀ ਹੈ, ਤਾਂ ਜੋ ਉਹ ਅਮਰੀਕਾ ਵਿਚ ਵਿਕਣ ਵਾਲੀਆਂ ਆਪਣੀਆਂ 90 ਫੀਸਦੀ ਕਾਰਾਂ ਦਾ ਉਤਪਾਦਨ ਲੋਕਲ ਪੱਧਰ 'ਤੇ ਕਰ ਸਕੇ। ਨਕੇਈ ਦੀ ਇਸ ਰਿਪੋਰਟ ਮਗਰੋਂ ਕੈਨੇਡਾ ਦਾ ਸਿਆਸੀ ਮਾਹੌਲ ਗਰਮਾ ਗਿਆ ਸੀ।
ਜਗਮੀਤ ਸਿੰਘ ਨੇ ਇੱਥੋਂ ਤੱਕ ਕਹਿ ਦਿੱਤਾ ਸੀ ਕਿ ਕੈਨੇਡਾ ਨੇ ਕਾਰ ਇੰਡਸਟਰੀ ਵਿਚ ਭਾਰੀ ਨਿਵੇਸ਼ ਕੀਤਾ ਹੈ ਅਤੇ ਜੇ ਕੰਪਨੀਆਂ ਨੇ ਕੈਨੇਡੀਅਨਾਂ ਨੂੰ ਕਾਰਾਂ ਵੇਚਣੀਆਂ ਹਨ ਤਾਂ ਉਨ੍ਹਾਂ ਨੂੰ ਕੈਨੇਡਾ ਵਿਚ ਇਨ੍ਹਾਂ ਦਾ ਨਿਰਮਾਣ ਕਰਨਾ ਹੋਵੇਗਾ। ਹੌਂਡਾ ਦਾ ਕਹਿਣਾ ਹੈ ਕਿ ਉਹ ਕੈਨੇਡਾ ਵਿਚ ਨੇੜਲੇ ਭਵਿੱਖ ਲਈ ਪੂਰੀ ਸਮਰੱਥਾ ਨਾਲ ਕੰਮ ਕਰਨਾ ਜਾਰੀ ਰੱਖੇਗੀ।
