14.56C Vancouver 14.56C VancouverApr 25, 2024 3:07 PM - The Canadian Press
ਕੈਨੇਡੀਅਨਾਂ ਲਈ ਇਲੈਕਟ੍ਰਿਕ ਕਾਰ ਖਰੀਦਣਾ ਜਲਦ ਕਿਫਾਇਤੀ ਹੋਵੇਗਾ। ਜਪਾਨ ਦੀ ਆਟੋਮੇਕਰ ਹੌਂਡਾ ਮੋਟਰ ਕੈਨੇਡਾ ਵਿਚ ਇਲੈਕਟ੍ਰਿਕ ਵਾਹਨ ਬੈਟਰੀ ਪਲਾਂਟ ਲਗਾਉਣ ਜਾ ਰਹੀ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ, ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਅਤੇ ਹੌਂਡਾ ਦੇ ਅਧਿਕਾਰੀਆਂ ਨੇ ਅੱਜ ਓਨਟਾਰੀਓ ਦੇ ਐਲੀਸਟਨ ਵਿਚ ਇਸ ਦੀ ਘੋਸ਼ਣਾ ਕੀਤੀ, ਜਿੱਥੇ ਹੌਂਡਾ ਦੇ ਨਿਰਮਾਣ ਦੀ ਸਹੂਲਤ ਹੈ। ਨਵੇਂ ਇਲੈਕਟ੍ਰਿਕ ਵਾਹਨ ਬੈਟਰੀ ਪਲਾਂਟ ਲਈ ਹੌਂਡਾ ਮੋਟਰ $15 ਬਿਲੀਅਨ ਇਨਵੈਸਟ ਕਰ ਰਹੀ ਹੈ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇਸ ਮੌਕੇ ਬੋਲਦਿਆਂ ਇਸ ਨੂੰ ਕੈਨੇਡੀਅਨ ਇਤਿਹਾਸ ਦੀ ਸਭ ਤੋਂ ਵੱਡੀ ਆਟੋ ਨਿਵੇਸ਼ ਕਰਾਰ ਦਿੱਤਾ।
$15 ਬਿਲੀਅਨ ਪ੍ਰੋਜੈਕਟ ਤਹਿਤ ਹੌਂਡਾ ਮੋਟਰ ਮੌਜੂਦਾ ਐਲੀਸਟਨ ਪਲਾਂਟ ਵਿਚ ਇਲੈਕਟ੍ਰਿਕ ਵਾਹਨ ਦਾ ਨਿਰਮਾਣ ਵੀ ਸ਼ੁਰੂ ਕਰੇਗੀ।
ਗੌਰਤਲਬ ਹੈ ਕਿ ਕੈਨੇਡਾ ਦਾ ਟੀਚਾ 2035 ਤੋਂ ਵਿਕਣ ਵਾਲੇ ਸਾਰੇ ਨਵੇਂ ਵਾਹਨਾਂ ਨੂੰ ਪੈਟਰੋਲ-ਡੀਜ਼ਲ ਮੁਕਤ ਬਣਾਉਣਾ ਹੈ। ਟਰੂਡੋ ਨੇ ਕਿਹਾ ਹੌਂਡਾ ਦੇ ਨਵੇਂ ਪਲਾਂਟ ਨਾਲ 1,000 ਹੋਰ ਨੌਕਰੀਆਂ ਪੈਦਾ ਹੋਣਗੀਆਂ ਅਤੇ ਪ੍ਰੋਜੈਕਟ ਨਾਲ ਸਬੰਧਤ ਉਸਾਰੀ ਦੀਆਂ ਨੌਕਰੀਆਂ ਵਿਚ ਵੀ ਕੰਮ ਦੇ ਮੌਕੇ ਖੁੱਲ੍ਹਣਗੇ।
