18.63C Vancouver 18.63C VancouverMar 19, 2024 3:23 PM - The Associated Press
ਹਾਂਗਕਾਂਗ ਨੇ ਇੱਕ ਨਵਾਂ ਸਖ਼ਤ ਨੈਸ਼ਨਲ ਸਕਿਓਰਿਟੀ ਕਾਨੂੰਨ ਪਾਸ ਕੀਤਾ ਹੈ। ਆਰਟੀਕਲ 23 ਨਾਮ ਦਾ ਇਹ ਕਾਨੂੰਨ ਚੀਨ ਵਲੋਂ ਪਹਿਲਾਂ ਤੋਂ ਲਾਗੂ ਵਿਵਾਦਤ ਰਾਸ਼ਟਰੀ ਸੁਰੱਖਿਆ ਕਾਨੂੰਨ ਦਾ ਵਿਸਥਾਰ ਮੰਨਿਆ ਜਾ ਰਿਹਾ ਹੈ।
ਮਾਹਰਾਂ ਨੇ ਇਸ ਨਾਲ ਨਾਗਰਿਕ ਸੁਤੰਤਰਤਾ ਨੂੰ ਹੋਰ ਖ਼ਤਰਾ ਹੋਣ ਦਾ ਖ਼ਦਸ਼ਾ ਜ਼ਾਹਰ ਕੀਤਾ ਹੈ। ਆਰਟੀਕਲ 23 ਵਿਚ ਬਾਹਰੀ ਦਖਲਅੰਦਾਜ਼ੀ ਅਤੇ ਬਗਾਵਤ ਵਰਗੇ ਨਵੇਂ ਅਪਰਾਧ ਸ਼ਾਮਲ ਕੀਤੇ ਗਏ ਹਨ, ਜਿਨ੍ਹਾਂ ਵਿਚ ਉਮਰ ਕੈਦ ਦੀ ਸਜ਼ਾ ਹੋ ਸਕਦੀ ਹੈ।
ਵਿਰੋਧ ਪ੍ਰਦਰਸ਼ਨ ਖਿਲਾਫ ਵੀ ਇਸ ਵਿਚ ਸਖ਼ਤ ਸਜ਼ਾ ਦੀ ਵਿਵਸਥਾ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ ਦੇਸ਼ ਖਿਲਾਫ ਲੇਖ ਜਾਂ ਸਾਹਿਤ ਰੱਖਣ ਲਈ ਵੀ ਕਈ ਸਾਲਾਂ ਦੀ ਜੇਲ੍ਹ ਹੋ ਸਕਦੀ ਹੈ, ਨਾਲ ਹੀ ਦੁਨੀਆ ਵਿਚ ਕਿਤੇ ਵੀ ਕੀਤੇ ਗਏ ਅਪਰਾਧ ਲਈ ਵੀ ਇਹ ਕਾਨੂੰਨ ਮੁਕੱਦਮਾ ਚਲਾਉਣ ਦੀ ਮਨਜ਼ੂਰੀ ਦਿੰਦਾ ਹੈ।
ਆਰਟੀਕਲ 23 ਦਾ ਕਹਿਣਾ ਹੈ ਕਿ ਰਾਸ਼ਟਰੀ ਸੁਰੱਖਿਆ ਨੂੰ ਖਤਰੇ ਵਿਚ ਪਾਉਣ ਦੇ ਇਰਾਦੇ ਨਾਲ ਜਨਤਕ ਬੁਨਿਆਦੀ ਢਾਂਚਾ ਨੂੰ ਨੁਕਸਾਨ ਪਹੁੰਚਾਉਣ ਵਾਲੇ ਨਿਵਾਸੀ ਨੂੰ 20 ਸਾਲਾਂ ਜਾਂ ਉਮਰ ਕੈਦ ਦੀ ਸਜ਼ਾ ਦਿੱਤੀ ਜਾ ਸਕਦੀ ਹੈ ਜੇ ਉਹ ਅਜਿਹਾ ਕਿਸੇ ਬਾਹਰੀ ਤਾਕਤ ਨਾਲ ਮਿਲੀਭੁਗਤ ਨਾਲ ਕਰਦੇ ਹਨ।
