ਹੌਰਗਨ, ਰੌਬਿਨਸਨ ਤੇ ਲੋਰ ਨੇ ਯੂ.ਐਸ. ਸੁਪ੍ਰੀਮ ਕੋਰਟ ਦੇ ਫੈਸਲੇ ਦੀ ਕੀਤੀ ਨਿਖੇਧੀ

ਬੀ.ਸੀ. ਦੇ ਪ੍ਰੀਮਿਅਰ ਪ੍ਰੀਮਿਅਰ ਜੌਨ ਹੌਰਗਨ, ਵਿੱਤ ਮੰਤਰੀ ਸਿਲੀਨਾ ਰੌਬਿਨਸਨ ਅਤੇ ਪਾਰਲੀਅਮੈਂਟਰੀ ਸੈਕਰੇਟਰੀ ਫਾਰ ਜੈਂਡਰ ਇਕਵਿਟੀ ਗਰੇਸ ਲੋਰ ਨੇ ਯੂ.ਐਸ. ਸੁਪ੍ਰੀਮ ਕੋਰਟ ਦੇ ਰੋ ਵੀ. ਵੇਡ ਨੂੰ ਰੱਦ ਕਰਨ ਦੇ ਫੈਸਲੇ 'ਤੇ ਸਾਂਝਾ ਬਿਆਨ ਜਾਰੀ ਕੀਤਾ ਹੈ।

ਬਿਆਨ 'ਚ ਆਖਿਆ ਗਿਆ ਹੈ ਕਿ ਇਹ ਔਰਤਾਂ ਦੇ ਹੱਕ 'ਚ ਆਵਾਜ਼ ਬੁਲੰਦ ਕਰਨ ਵਾਲੇ ਲੋਕਾਂ ਦੇ ਲਈ ਇੱਕ ਹਨੇਰੇ ਭਰਿਆ ਦਿਨ ਹੈ।

ਉਨ੍ਹਾਂ ਕਿਹਾ ਕਿ ਅੱਜ ਦੇ ਦਿਨ ਕੀਤੀ ਗਈ ਬੇਇਨਸਾਫੀ ਦੇ ਪੁਸ਼ਤਾਂ ਨੂੰ ਨਤੀਜੇ ਭੁਗਤਣੇ ਪੈਣਗੇ।

ਬਿਆਨ 'ਚ ਕਿਹਾ ਗਿਆ ਹੈ ਕਿ ਇਹ ਫੈਸਲਾ ਭਿਆਨਕ ਹੈ ਅਤੇ ਇਹ ਅੱਗੇ ਵਧਣ ਦੀ ਜਗ੍ਹਾ ਪਿੱਛੇ ਲਿਜਾਣ ਵਾਲਾ ਫੈਸਲਾ ਹੈ।

ਬਿਆਨ 'ਚ ਇਹ ਵੀ ਕਿਹਾ ਗਿਆ ਕਿ ਅਮਰੀਕਾ 'ਚ ਔਰਤਾਂ ਅਜਿਹੇ ਭਵਿੱਖ ਵੱਲ ਵਧ ਰਹੀਆਂ ਹਨ ਜਿੱਥੇ ਉਨ੍ਹਾਂ ਕੋਲ ਆਪਣੇ ਰਿਪ੍ਰੋਡਕਟਿਵ ਹੱਕਾਂ ਸੰਬੰਧੀ ਘਟ ਅਧਿਕਾਰ ਹੋਣਗੇ।