21.21C Vancouver 21.21C VancouverDec 31, 2020 4:27 PM -
ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਵਿੱਤੀ ਰਿਕਵਰੀ ਅਤੇ ਹੈਲਥ ਕੇਅਰ 'ਚ ਬਿਹਤਰ ਬਦਲਾਅ, ਉਨ੍ਹਾਂ ਦੀ ਨਿਊ ਡੈਮੋਕ੍ਰੈਟ ਸਰਕਾਰ ਲਈ ਸਾਲ 2021 ਦੇ ਤਰਜੀਹ ਦੇ ਮਸਲੇ ਰਹਿਣਗੇ।
ਉਨ੍ਹਾਂ ਕਿਹਾ ਕਿ ਕੋਵਿਡ-19 ਪੈਂਡੇਮਿਕ ਨੇ ਅਨੇਕਾਂ ਬੀ.ਸੀ. ਵਾਸੀਆਂ ਦੀ ਤਰ੍ਹਾਂ ਉਨ੍ਹਾਂ ਦੀ ਵੀ ਨਿੱਜੀ ਪੱਧਰ 'ਤੇ ਪ੍ਰੀਖਿਆ ਲਈ ਹੈ।
ਹੌਰਗਨ ਨੇ ਕਿਹਾ ਕਿ ਅਗਲੇ ਸਾਲ ਇਕਾਨਮੀ ਨੂੰ ਚੰਗੀ ਰਫਤਾਰ 'ਤੇ ਅੱਗੇ ਵਧਾਉਣਾ ਅਪ੍ਰੈਲ ਦੇ ਬਜਟ ਦਾ ਮੁੱਖ ਹਿੱਸਾ ਹੋਵੇਗਾ।
ਯਾਦ ਰਹੇ ਹਾਲ 'ਚ ਬਜਟ 'ਚ 13.6 ਬਿਲੀਅਨ ਡਾਲਰ ਦਾ ਘਾਟਾ ਦਰਸ਼ਾਇਆ ਗਿਆ ਸੀ।
ਬੀ.ਸੀ. 'ਚ ਪੈਂਡੇਮਿਕ ਦਰਮਿਆਨ 900 ਦੇ ਕਰੀਬ ਮੌਤਾਂ ਹੋ ਚੁੱਕੀਆਂ ਹਨ।
ਪ੍ਰੀਮਿਅਰ ਹੌਰਗਨ ਦਾ ਕਹਿਣਾ ਹੈ ਕਿ ਸਰਕਾਰ ਅਜਿਹੇ ਹੈਲਥ ਕੇਅਰ ਬਦਲਾਅ ਲਿਆਉਣ ਬਾਰੇ ਸੋਚ ਰਹੀ ਹੈ, ਜੋ ਕਿ ਸੂਬੇ ਦੇ ਬਜ਼ੁਰਗਾਂ 'ਤੇ ਕੇਂਦਰਿਤ ਹੋਣ।
ਯਾਦ ਰਹੇ ਇਸ ਪੈਂਡੇਮਿਕ ਤੋਂ ਸਭ ਤੋਂ ਵੱਧ ਪ੍ਰਭਾਵਿਤ ਬਜ਼ੁਰਗ ਲੋਕ ਹੀ ਹੋਏ ਹਨ।
ਪ੍ਰੀਮਿਅਰ ਦਾ ਕਹਿਣਾ ਹੈ ਕਿ ਸਰਕਾਰ ਵੱਲੋਂ ਵਧੇਰੇ ਕੇਅਰ ਵਰਕਰਾਂ ਨੂੰ ਹਾਇਰ ਕੀਤਾ ਜਾਵੇਗਾ।
ਇਸ ਦੇ ਨਾਲ ਲੌਂਗ ਟਰਮ ਕੇਅਰ ਹੋਮਸ 'ਚ 'ਸਾਂਝੇ ਕਮਰਿਆਂ' ਦੀ ਪ੍ਰੀਕਿਰਿਆ ਨੂੰ ਘਟਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਬਾਕੀ ਸੂਬਿਆਂ ਦੇ ਪ੍ਰੀਮਿਅਰਸ ਦੇ ਨਾਲ ਮਿਲ ਕੇ ਫੈਡਰਲ ਸਰਕਾਰ 'ਤੇ ਦਬਾਅ ਬਣਾਇਆ ਜਾਵੇਗਾ ਕਿ ਸੂਬਿਆਂ ਲਈ ਹੈਲਥ ਕੇਅਰ ਫੰਡਿੰਗ 'ਚ ਵਾਧਾ ਕੀਤਾ ਜਾਵੇ।
