10.88C Vancouver 10.88C VancouverFeb 11, 2021 2:00 AM -
ਬੀ.ਸੀ. ਦੀ ਲਿਬਰਲ ਪਾਰਟੀ ਨੇ ਸੂਬਾ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਪੀਸ ਆਰਚ ਪਾਰਕ 'ਚ ਲੋਕਾਂ ਦੀ ਗਿਣਤੀ 'ਚ ਵਾਧਾ ਵੇਖਣ ਨੂੰ ਮਿਲ ਰਿਹਾ ਹੈ ਅਤੇ ਇਸ ਨੂੰ ਬੰਦ ਕੀਤਾ ਜਾਵੇ।
ਪਰ ਸੂਬੇ ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਇਸ 'ਤੇ ਟਿੱਪਣੀ ਕਰਦਿਆਂ ਕਿਹਾ ਕਿ ਇਹ ਫੈਡਰਲ ਸਰਕਾਰ ਦਾ ਮਾਮਲਾ ਹੈ।
ਹੌਰਗਨ ਨੇ ਕਿਹਾ ਕਿ ਉਨ੍ਹਾਂ ਦੀ ਗਵਰਨਰ ਜੇਅ ਇੰਸਲੀ ਨਾਲ ਲਗਾਤਾਰ ਗੱਲ ਹੁੰਦੀ ਰਹਿੰਦੀ ਹੈ, ਪਰ ਉਨ੍ਹਾਂ ਕਿਹਾ ਕਿ ਇਹ ਮਾਮਲਾ ਕਦੀ ਗੱਲਬਾਤ ਦੌਰਾਨ ਨਹੀਂ ਉੱਠਿਆ।
ਇਸ ਮਾਮਲੇ 'ਚ ਸਾਊਥ ਸਰੀ ਦੀ ਐਮ.ਐਲ.ਏ. ਸਟੈਫਨੀ ਕੈਡੀਓਕਸ ਨੇ ਪ੍ਰੀਮਿਅਰ ਜੌਨ ਹੌਰਗਨ ਨੂੰ ਇੱਕ ਚਿੱਠੀ ਲਿਖੀ ਹੈ।
ਇਸ 'ਚ ਅਪੀਲ ਕੀਤੀ ਗਈ ਹੈ ਕਿ ਸਮਾਂ ਆ ਗਿਆ ਹੈ ਕਿ ਗਵਰਨਰ ਜੇਅ ਇੰਸਲੀ ਨਾਲ ਸੰਪਰਕ ਬਣਾਇਆ ਜਾਵੇ।
ਉਨ੍ਹਾਂ ਕਿਹਾ ਕਿ ਅਮਰੀਕਾ ਵਾਲੇ ਪਾਸੇ ਦੇ ਪਾਰਕ ਦੇ ਐਕਸੈਸ (ਆਉਣ-ਜਾਣ) ਨੂੰ ਬੰਦ ਕੀਤਾ ਜਾਵੇ। ਦੱਸਿਆ ਗਿਆ ਕਿ ਇਸ ਇਲਾਕੇ 'ਚ ਕੋਵਿਡ-19 ਦੇ ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ ਵੀ ਨਹੀਂ ਹੋ ਰਹੀ ਅਤੇ ਕੁਝ ਲੋਕ ਬਿਨਾ ਮਾਸਕ ਪਹਿਨੇ ਵੀ ਪਹੁੰਚ ਕਰਦੇ ਹਨ।
ਯਾਦ ਰਹੇ ਕੈਨੇਡਾ ਵਾਲੇ ਪਾਸੇ ਦਾ ਪਾਰਕ ਦਾ ਹਿੱਸਾ ਜੂਨ 2020 ਤੋਂ ਹੀ ਬੰਦ ਹੈ।
