ਬੀ.ਸੀ. 'ਚ ਬੀਤੇ ਦਿਨ ਟੁੱਟਾ 70 ਸਾਲ ਪੁਰਾਣਾ ਗਰਮੀ ਦਾ ਰਿਕਾਰਡ

ਬੀਸੀ ਵਿਚ 8 ਜੂਨ ਹੁਣ ਤੱਕ ਦਾ ਸਭ ਤੋਂ ਗਰਮ ਦਿਨ ਰਿਹਾ ਅਤੇ ਸੂਬੇ ਦੇ ਕੁਝ ਹਿੱਸਿਆਂ ਵਿਚ ਗਰਮੀ ਦੇ 70 ਸਾਲ ਪੁਰਾਣੇ ਰਿਕਾਰਡ ਟੁੱਟ ਗਏ। ਮੌਸਮ ਏਜੰਸੀ ਵਾਤਾਵਰਣ ਕੈਨੇਡਾ ਮੁਤਾਬਕ, ਕਰੀਬ 12 ਥਾਵਾਂ 'ਤੇ ਰੋਜ਼ਾਨਾ ਗਰਮੀ ਦੇ ਰਿਕਾਰਡ ਟੁੱਟੇ, ਵਿਲੀਅਮਜ਼ ਲੇਕ ਵਿਸਲਰ, ਸਕੁਆਮਿਸ਼, ਪ੍ਰਿੰਸਟਨ, ਪਿਟ ਮੀਡੋਜ਼, ਪੈਂਬਰਟਨ, ਲਿਟਨ, ਕੈਮਲੂਪਸ, ਕਲਿੰਟਨ ਅਤੇ ਐਬਟਸਫੋਰਡ ਵਿਚ ਤਾਪਮਾਨ 30 ਡਿਗਰੀ ਤੋਂ ਪਾਰ ਪਹੁੰਚ ਗਿਆ, ਲਿਟਨ ਵਿਚ ਇਹ 39 ਡਿਗਰੀ ਤੇ ਪੇਂਬਰਟਨ ਵਿਚ 36 ਡਿਗਰੀ ਸੈਲਸੀਅਸ ਸੀ।

ਐਬਟਸਫੋਰਡ ਵਿਚ 1995 ਤੋਂ ਬਾਅਦ 31 ਡਿਗਰੀ ਤਾਪਮਾਨ ਦੇਖਣ ਨੂੰ ਮਿਲਿਆ, ਪਿਟ ਮੀਡੋਜ਼ ਵਿਚ ਤਾਪਮਾਨ 31 ਡਿਗਰੀ ਸੀ ਜੋ ਬੇਮੌਸਮੀ ਤੌਰ 'ਤੇ ਇੰਨਾ ਸੀ ਕਿ ਇਸ ਨੇ ਸੌ ਸਾਲ ਤੋਂ ਵੀ ਜ਼ਿਆਦਾ ਪੁਰਾਣਾ ਰਿਕਾਰਡ ਤੋੜ ਦਿੱਤਾ, ਇਹ 1903 ਵਿਚ ਆਪਣੇ ਪਿਛਲੇ ਰਿਕਾਰਡ ਨਾਲੋਂ ਇੱਕ ਡਿਗਰੀ ਵੱਧ ਰਿਹਾ। ਮੌਸਮ ਏਜੰਸੀ ਨੇ ਕਿ ਸੋਮਵਾਰ ਤੱਕ ਗਰਮੀ ਜਾਰੀ ਰਹੇਗੀ ਤੇ ਉਸ ਤੋਂ ਬਾਅਦ ਮੌਸਮ ਠੰਡਾ ਹੋ ਜਾਵੇਗਾ।