11.5C Vancouver 11.5C VancouverApr 1, 2021 7:18 PM -
ਬੀ.ਸੀ. ਦੇ ਹਿਊਮਨ ਰਾਈਟਸ ਟ੍ਰਿਬਿਊਨਲ ਵੱਲੋਂ ਕੋਵਿਡ-19 ਮਾਸਕ ਨਿਯਮਾਂ ਵਿਚਾਲੇ ਪਹੁੰਚ ਰਹੀਆਂ ਸ਼ਿਕਾਇਤਾਂ 'ਤੇ ਕੁਝ ਖਾਸ ਕਦਮ ਚੁੱਕੇ ਜਾ ਰਹੇ ਹਨ।
ਜਾਣਕਾਰੀ ਦਿੱਤੀ ਗਈ ਕਿ ਜੇਕਰ ਕਿਸੇ ਵਿਅਕਤੀ ਨੂੰ ਮਾਸਕ ਨਾ ਪਹਿਨਣ ਕਾਰਨ ਸੇਵਾ ਪ੍ਰਦਾਨ ਕਰਨ ਤੋਂ ਇਨਕਾਰ ਕੀਤਾ ਜਾਂਦਾ ਹੈ ਤਾਂ ਉਸ ਨੂੰ ਤਿਆਰ ਰਹਿਣਾ ਚਾਹੀਦਾ ਹੈ ਕਿ ਉਹ ਆਪਣੀ ਡਿਸਐਬਿਲਿਟੀ ਸਾਬਿਤ ਕਰਨ ਲਈ 'ਚ ਸਫਲ ਹੋ ਸਕਣ।
ਜੇਕਰ ਅਜਿਹਾ ਕੀਤਾ ਜਾਵੇਗਾ ਤਾਂ ਹੀ ਕੋਈ ਸ਼ਿਕਾਇਤ ਕੀਤੀ ਜਾ ਸਕੇਗੀ।
ਟ੍ਰਿਬਿਊਨਲ ਦੇ ਮੈਂਬਰ ਸਟੀਵਨ ਐਡਮਸਨ ਨੇ ਇਹ ਜਾਣਕਾਰੀਆਂ ਇੱਕ ਔਰਤ ਦੇ ਕੇਸ ਤੋਂ ਬਾਅਦ ਪਬਲਿਸ਼ ਕੀਤੀਆਂ ਹਨ।
ਇਸ ਔਰਤ ਦਾ ਕਹਿਣਾ ਸੀ ਕਿ ਮਾਸਕ ਪਹਿਨਣ ਨਾਲ ਉਸ ਨੂੰ ਪ੍ਰੇਸ਼ਾਨੀ ਹੁੰਦੀ ਹੈ, ਅਤੇ ਉਸ ਨੂੰ ਸਾਹ ਲੈਣ 'ਚ ਦਿੱਕਤ ਹੁੰਦੀ ਹੈ।
ਇਸ ਔਰਤ ਦਾ ਮਨੁੱਖੀ ਅਧਿਕਾਰਾਂ ਦੇ ਉਲੰਘਣ ਸੰਬੰਧੀ ਮਾਮਲਾ ਖਾਰਿਜ ਕਰ ਦਿੱਤਾ ਗਿਆ ਹੈ।
ਇੱਕ ਸਿਕਿਉਰਿਟੀ ਗਾਰਡ ਨੇ ਔਰਤ ਨੂੰ ਜਾਣ ਨੂੰ ਕਿਹਾ ਸੀ ਅਤੇ ਔਰਤ ਉਸ ਨੂੰ ਸਾਬਿਤ ਨਹੀਂ ਕਰ ਸਕੀ ਸੀ ਕਿ ਮਾਸਕ ਪਹਿਨਣ 'ਚ ਉਸ ਨੂੰ ਕੋਈ ਡਿਸਐਬਿਲਿਟੀ ਹੈ।
