24.34C Vancouver 24.34C VancouverJan 14, 2021 1:27 AM -
ਔਟਵਾ ਵੱਲੋਂ ਜਾਰੀ ਕੋਵਿਡ-19 ਸੰਬੰਧੀ ਟੈਸਟਿੰਗ ਦੀ ਲੋੜ ਨੂੰ ਅੰਤਰਰਾਸ਼ਟਰੀ ਯਾਤਰੀਆਂ ਲਈ ਜ਼ਰੂਰੀ ਬਣਾਉਣ ਤੋਂ ਬਾਅਦ, ਸੈਂਕੜੇ ਯਾਤਰੀਆਂ ਦੀਆਂ ਕੈਨੇਡਾ ਆਉਂਦੀਆਂ ਫਲਾਈਟਸ ਛੁੱਟ ਗਈਆਂ ਹਨ।
ਬੀਤੇ ਵੀਰਵਾਰ ਤੋਂ ਕੈਨੇਡਾ ਆਉਂਦੇ ਕਿਸੇ ਵੀ ਅੰਤਰਰਾਸ਼ਟਰੀ ਯਾਤਰੀ ਲਈ ਕੋਵਿਡ-19 ਦੇ ਨੈਗਿਟਿਵ ਨਤੀਜੇ ਹਾਸਿਲ ਕਰਨਾ ਜ਼ਰੂਰੀ ਬਣਾ ਦਿੱਤਾ ਗਿਆ ਹੈ।
ਅਜਿਹਾ ਫਲਾਈਟ ਹਾਸਿਲ ਕਰਨ ਤੋਂ 72 ਘੰਟੇ ਦਰਮਿਆਨ ਹਾਸਿਲ ਕਰਨਾ ਜ਼ਰੂਰੀ ਬਣਾਇਆ ਗਿਆ ਹੈ।
ਇਹ ਨਤੀਜੇ ਵਿਖਾਉਣ ਤੋਂ ਬਾਅਦ ਹੀ ਕੈਨੇਡਾ ਲਈ ਫਲਾਈਟ ਹਾਸਿਲ ਕੀਤੀ ਜਾ ਸਕਦੀ ਹੈ।
ਵੈਸਟਜੈਟ ਦਾ ਕਹਿਣਾ ਹੈ ਕਿ ਘਟੋ-ਘੱਟ 385 ਯਾਤਰੀਆਂ ਨੂੰ ਫਲਾਈਟ 'ਤੇ ਚੜ੍ਹਨ ਤੋਂ ਰੋਕਿਆ ਜਾ ਚੁੱਕਿਆ ਹੈ।
ਇਸੇ ਤਰ੍ਹਾਂ ਏਅਰ ਟਰਾਂਸੈਟ ਦਾ ਕਹਿਣਾ ਹੈ ਕਿ ਹਵਾਈ ਸੇਵਾ ਨੇ ਹੁਣ ਤੱਕ 245 ਸਵਾਰੀਆਂ ਨੂੰ ਫਲਾਈਟ ਚੜ੍ਹਨ ਤੋਂ ਰੋਕਿਆ ਹੈ।
ਇਹ ਵੀ ਦੱਸਿਆ ਗਿਆ ਕਿ ਕੁਝ ਯਾਤਰੀਆਂ ਨੇ ਗਲਤੀ ਤੋਂ 'ਐਂਟੀਜੈਨ ਜਾਂ ਐਂਟੀਬੌਡੀ ਟੈਸਟ' ਹਾਸਿਲ ਕਰ ਲਏ ਸਨ ਜਦਕਿ ਲੋੜ ਪੀ.ਸੀ.ਆਰ. ਟੈਸਟ ਹਾਸਿਲ ਕਰਨ ਦੀ ਹੈ।
