15.01C Vancouver 15.01C VancouverSep 23, 2022 10:01 PM - The Canadian Press
ਐਟਲਾਂਟਿਕ ਕੈਨੇਡਾ ਵੱਲੋਂ ਫਿਓਨਾ ਨਾਮ ਦੇ ਤੂਫਾਨ ਦਾ ਸਾਹਮਣਾ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਇਸ ਵੀਕਐਂਡ ਦੌਰਾਨ ਤੂਫਾਨ ਦੀ ਦਸਤਕ ਵਿਚਾਲੇ ਭਾਰੀ ਬਾਰਿਸ਼, ਤੇਜ ਹਵਾਵਾਂ ਅਤੇ ਬਿਜਲੀ ਗੁਲ ਹੋਣ ਸੰਬੰਧੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਪੂਰਬੀ ਨੋਵਾ ਸਕੌਸ਼ੀਆ 'ਚ ਤੂਫਾਨ ਦੀ ਦਸਤਕ ਦੌਰਾਨ ਇਸ ਦੇ ਬੇਹੱਦ ਤਾਕਤਵਰ ਪੋਸਟ ਟਰੌਪੀਕਲ ਸਟੌਰਮ 'ਚ ਤਬਦੀਲ ਹੋਣ ਦੀ ਸੰਭਾਵਨਾ ਦੱਸੀ ਗਈ ਹੈ।
ਕਨੇਡੀਅਨ ਹਰੀਕੇਨ ਸੈਂਟਰ ਦਾ ਕਹਿਣਾ ਹੈ ਕਿ ਇਹ ਤੂਫਾਨ ਕੱਲ ਤੜਕੇ ਕੇਪ ਬ੍ਰੈਟਨ ਦੇ ਇਲਾਕੇ ਵਿੱਚੋਂ ਲੰਘੇਗਾ ਅਤੇ ਫਿਰ ਕਿਊਬੈਕ ਦੇ ਲੋਅਰ ਨੌਰਥ ਸ਼ੋਰ 'ਚ ਦਸਤਕ ਦਵੇਗਾ।
ਐਤਵਾਰ ਸਵੈ ਤਕ ਇਹ ਤੂਫਾਨ ਦੱਖਣਪੂਰਬੀ ਲੈਬਰੇਡੌਰ ਪਹੁੰਚ ਸਕਦਾ ਹੈ।
ਯਾਦ ਰਹੇ ਇਹ ਤੂਫਾਨ ਪੁਐਰਟੋ ਰਿਕੋ ਸਮੇਤ ਕਈ ਜਗ੍ਹਾ ਪਹਿਲਾਂ ਹੀ ਤਬਾਹੀ ਮਚਾ ਚੁੱਕਿਆ ਹੈ।
ਇਸ ਦੌਰਾਨ ਪ੍ਰਭਾਵਿਤ ਇਲਾਕਿਆਂ ਦੇ ਸਮੁੰਦਰਾਂ 'ਚ 10 ਤੋਂ 12 ਮੀਟਰ ਉੱਚੀਆਂ ਛੱਲਾਂ ਉੱਠਣ ਦਾ ਖਤਰਾ ਦੱਸਿਆ ਗਿਆ ਹੈ।
ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵੀ ਲੋਕਾਂ ਨੂੰ ਤੂਫਾਨ ਪ੍ਰਤੀ ਸਾਵਧਾਨ ਰਹਿਣ ਦੀ ਅਪੀਲ ਕੀਤੀ ਹੈ।
