32.89C Vancouver 32.89C VancouverAug 30, 2023 7:15 PM - Connect News
ਹਰੀਕੇਨ ਇਡਾਲੀਆ ਨੇ ਬੁੱਧਵਾਰ ਨੂੰ ਫਲੋਰੀਡਾ ਵਿੱਚ ਕੈਟਾਗਰੀ 3 ਦੇ ਤੂਫਾਨ ਦੇ ਰੂਪ ਵਿੱਚ ਲੈਂਡਫਾਲ ਕੀਤਾ।
ਇਸ ਨੇ ਗਲਫ ਕੋਸਟ ਦੇ ਇੱਕ ਵਿਸ਼ਾਲ ਹਿੱਸੇ ਵਿੱਚ ਤਬਾਹੀ ਮਚਾਈ, ਘਰ ਅਤੇ ਵਾਹਨ ਡੁੱਬ ਗਏ ਹਨ, ਗਲੀਆਂ ਨੇ ਨਦੀਆਂ ਦਾ ਰੂਪ ਧਾਰ ਲਿਆ, ਅਤੇ ਛੋਟੀਆਂ ਕਿਸ਼ਤੀਆਂ ਬੇਕਾਬੂ ਹੋ ਗਈਆਂ ਹਨ।
ਅਜਿਹੇ ਖੇਤਰ ਵਿੱਚ ਬਿਜਲੀ ਦੀਆਂ ਲਾਈਨਾਂ ਨੂੰ ਡਾਊਨ ਕਰ ਦਿੱਤਾ ਗਿਆ ਹੈ।
263,000 ਤੋਂ ਵੱਧ ਲੋਕਾਂ ਨੂੰ ਬਿਜਲੀ ਤੋਂ ਬਿਨਾਂ ਰਹਿਣਾ ਪਿਆ।
ਇਸ ਵਿਨਾਸ਼ਕਾਰੀ ਤੁਫ਼ਾਨ ਨੇ ਉੱਚੇ ਦਰੱਖਤਾਂ ਨੂੰ ਤੋੜ ਦਿੱਤਾ।
ਫਲੋਰੀਡਾ ਹਾਈਵੇਅ ਪੈਟਰੋਲ ਨੇ ਦੱਸਿਆ ਕਿ ਇਸ ਤੁਫ਼ਾਨ ਦੀ ਲਪੇਟ ਵਿੱਚ ਆਉਣ ਕਾਰਨ ਦੋ ਲੋਕਾਂ ਦੀ ਮੌਤ ਹੋ ਗਈ ਹੈ।
ਗਵਰਨਰ ਰੌਨ ਡੀਸੈਂਟਿਸ ਨੇ ਬੁੱਧਵਾਰ ਸਵੇਰੇ ਇੱਕ ਪ੍ਰੈੱਸ ਕਾਨਫਰੰਸ ਵਿੱਚ ਕਿਹਾ ਇਸ ਸਮੇਂ ਕੋਈ ਵੀ ਮੂਰਖਤਾ ਨਾ ਕਰੋ ਜਿਸ ਨਾਲ ਜਾਨ ਜੋਖਮ ਵਿੱਚ ਪੈ ਜਾਵੇ।
ਤੂਫਾਨ ਇਡਾਲੀਆ ਫਲੋਰੀਡਾ ਵਿੱਚ ਲੈਂਡਫਾਲ ਕਰਨ ਤੋਂ ਬਾਅਦ ਜਾਰਜੀਆ ਵਿੱਚ ਦਾਖਲ ਹੋਇਆ ਹੈ।
ਯੂਐਸ ਏਅਰਲਾਈਨਾਂ ਨੇ ਹੁਣ ਤੱਕ 1,000 ਤੋਂ ਵੱਧ ਉਡਾਣਾਂ ਨੂੰ ਰੱਦ ਕੀਤਾ ਹੈ।
ਫਲੋਰੀਡਾ ਦੇ ਅਧਿਕਾਰੀਆਂ ਨੇ ਇੱਕ ਅਪਡੇਟ ਦੌਰਾਨ ਕਿਹਾ ਕਿ ਖੇਤਰ ਵਿੱਚ ਲਗਭਗ 1,000 ਪੁਲਾਂ ਦਾ ਮੁਆਇਨਾ ਕਰਨ ਦੀ ਲੋੜ ਹੈ।
ਬਹੁਤ ਸਾਰੇ ਇਲਾਕਿਆਂ ਵਿੱਚ ਪਾਣੀ ਭਰਿਆ ਹੋਇਆ ਹੈ ਅਤੇ ਵਾਹਨ ਚਾਲਕਾਂ ਨੂੰ ਹੜ੍ਹਾਂ ਵਾਲੀ ਸੜਕ ਤੋਂ ਨਾ ਲੰਘਣ ਦੀ ਅਪੀਲ ਕੀਤੀ ਗਈ ਹੈ।
ਗਲੋਬਲ ਅਫੇਅਰਜ਼ ਕੈਨੇਡਾ ਨੇ ਟ੍ਰੈਵਲ ਐਡਵਾਇਜ਼ਰੀ ਜਾਰੀ ਕਰਦੇ ਹੋਏ ਕੈਨੇਡੀਅਨਾਂ ਨੂੰ ਕਿਹਾ ਕਿ ਉਹ ਪ੍ਰਭਾਵਿਤ ਖੇਤਰਾਂ ਵਿੱਚ ਯਾਤਰਾ ਨਾ ਕਰਨ।
ਪ੍ਰਭਾਵਿਤ ਖੇਤਰਾਂ ਵਿੱਚ ਰਹਿਣ ਵਾਲਿਆਂ ਨੂੰ ਸਾਵਧਾਨੀ ਵਰਤਣ, ਸਥਾਨਕ ਖ਼ਬਰਾਂ ਅਤੇ ਮੌਸਮ ਦੀਆਂ ਰਿਪੋਰਟਸ ਦੀ ਨਿਗਰਾਨੀ ਕਰਨ, ਅਤੇ ਸਥਾਨਕ ਅਧਿਕਾਰੀਆਂ ਦੀਆਂ ਹਦਾਇਤਾਂ ਦੀ ਪਾਲਣਾ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
