"ਇਸ ਵਾਰ ਹਾਰਨ ਤੇ ਮੁੜ ਨਹੀਂ ਲੜਾਂਗਾ ਇਲੈਕਸ਼ਨ" , ਡੋਨਲਡ ਟਰੰਪ

ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਕਿਹਾ ਹੈ ਕਿ ਜੇ ਉਹ ਇਸ ਵਾਰ ਰਾਸ਼ਟਰਪਤੀ ਇਲੈਕਸ਼ਨ ਹਾਰ ਗਏ ਤਾਂ ਫਿਰ ਦੁਬਾਰਾ ਇਲੈਕਸ਼ਨ ਨਹੀਂ ਲੜਨਗੇ। ਟਰੰਪ ਪਿਛਲੇ ਤਿੰਨ ਇਲੈਕਸ਼ਨਸ ਤੋਂ ਰਿਪਬਲਿਕਨ ਪਾਰਟੀ ਦੇ ਰਾਸ਼ਟਰਪਤੀ ਉਮੀਦਵਾਰ ਰਹੇ ਹਨ।

ਰਿਪੋਰਟਸ ਮੁਤਾਬਕ, ਇਹ ਪਿਛਲੇ 4 ਦਿਨਾਂ ਵਿਚ ਦੂਜੀ ਵਾਰ ਹੈ ਜਦੋਂ ਟਰੰਪ ਨੇ ਇਲੈਕਸ਼ਨ ਹਾਰਨ ਦੇ ਖ਼ਦਸ਼ੇ 'ਤੇ ਗੱਲ ਕੀਤੀ ਹੈ। ਇਸ ਤੋਂ ਪਹਿਲਾਂ 19 ਸਤੰਬਰ ਨੂੰ ਟਰੰਪ ਨੇ ਇਜ਼ਰਾਇਲੀ-ਅਮਰੀਕੀ ਕੌਂਸਲ ਦੇ ਇੱਕ ਸਮਾਗਮ ਵਿਚ ਕਿਹਾ ਸੀ ਕਿ ਜੇ ਉਹ ਇਲੈਕਸ਼ਨ ਹਾਰਦੇ ਹਨ ਤਾਂ ਇਹ ਕਾਫ਼ੀ ਹੱਦ ਤੱਕ ਯਹੂਦੀਆਂ ਕਾਰਨ ਹੋਵੇਗਾ।

ਟਰੰਪ ਦੇ ਬਿਆਨਾਂ ਵਿਚ ਹਾਰ ਦੇ ਜ਼ਿਕਰ ਨੂੰ ਕਮਲਾ ਹੈਰਿਸ ਦੀ ਵਧਦੀ ਲੋਕਪ੍ਰਿਅਤਾ ਨਾਲ ਜੋੜਿਆ ਜਾ ਰਿਹਾ ਹੈ। ਦਰਅਸਲ, ਰਾਸ਼ਟਰਪਤੀ ਬੀਡੇਨ ਦੇ ਚੁਣਾਵੀ ਦੌੜ ਤੋਂ ਹਟਣ ਤੋਂ ਬਾਅਦ ਡੈਮੋਕਰੇਟਿਕ ਪਾਰਟੀ ਪ੍ਰੀ-ਪੋਲ ਸਰਵੇ ਵਿਚ ਬਿਹਤਰ ਪ੍ਰਦਰਸ਼ਨ ਕਰ ਰਹੀ ਹੈ।

ਸੀ.ਬੀ.ਐਸ. ਨਿਊਜ਼ ਦੇ ਸਰਵੇ ਵਿਚ ਕਮਲਾ ਨੂੰ 52 ਫੀਸਦੀ ਅਤੇ ਟਰੰਪ ਨੂੰ 48 ਫੀਸਦੀ ਵੋਟਾਂ ਮਿਲਣ ਦਾ ਅਨੁਮਾਨ ਲਗਾਇਆ ਗਿਆ ਹੈ।