17.5C Vancouver 17.5C VancouverDec 12, 2022 11:07 PM - The Canadian Press
ਬੀ.ਸੀ. ਦੇ ਪ੍ਰੀਮਿਅਰ ਡੇਵਿਡ ਇਬੀ ਨੇ ਐਲਾਨ ਕੀਤਾ ਹੈ ਕਿ ਸਰਕਾਰ ਨੇ ਇੱਕ ਐਪਲੀਕੇਸ਼ਨ ਫਾਈਲ ਕੀਤੀ ਹੈ ਜਿਸ ਤਹਿਤ ਅਗਲੇ 2 ਸਾਲ ਤੱਕ ਬੇਸਿਕ ਇੰਸ਼ੋਰੈਂਸ ਰੇਟਸ ਨੂੰ ਵਧਾਏ ਨਾ ਜਾਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਇਹ ਐਪਲੀਕੇਸ਼ਨ ਬੀ.ਸੀ.ਯੂ.ਸੀ. ਕੋਲ ਪਹੁੰਚਾਈ ਗਈ ਹੈ।
ਡੇਵਿਡ ਇਬੀ ਦਾ ਕਹਿਣਾ ਹੈ ਕਿ ਜੇਕਰ ਇਹ ਐਪਲੀਕੇਸ਼ਨ ਮਨਜ਼ੂਰ ਹੋ ਜਾਂਦੀ ਹੈ ਤਾਂ ਬੀ.ਸੀ. ਵਾਸੀਆਂ ਲਈ ਇੰਸ਼ੋਰੈਂਸ ਵਧੇਰੇ ਅਫੋਰਡੇਬਲ ਬਣਾਈ ਜਾ ਸਕੇਗੀ।
ਉਨ੍ਹਾਂ ਕਿਹਾ ਕਿ ਅਜਿਹਾ ਹੋਰ ਵੀ ਅਹਿਮ ਹੋ ਜਾਂਦਾ ਹੈ ਜਦ ਲੋਕਾਂ 'ਤੇ ਇੰਫਲੇਸ਼ਨ ਦੇ ਸਮੇਂ 'ਚ ਕੀਮਤਾਂ ਦਾ ਭਾਰੀ ਦਬਾਅ ਹੋਵੇ।
ਡੇਵਿਡ ਇਬੀ ਨੇ ਕਿਹਾ ਕਿ 'ਰੇਟ ਫਰੀਜ਼' ਦੇ ਨਾਲ ਲਗਾਤਾਰ 5 ਸਾਲਾਂ ਤੱਕ ਬੇਸ ਰੇਟਸ 'ਚ ਵਾਧਾ ਨਹੀਂ ਹੋਵੇਗਾ ਅਤੇ ਇਸੇ ਦਰਮਿਆਨ ਦੇਸ਼ 'ਚ ਸਭ ਤੋਂ ਵਧ ਰਿਬੇਟ ਵੀ ਪ੍ਰਦਾਨ ਕੀਤਾ ਜਾ ਰਿਹਾ ਹੋਵੇਗਾ।
ਡੇਵਿਡ ਇਬੀ ਨੇ ਕਿਹਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਬੀ.ਸੀ. ਅਜਿਹੀ ਜਗ੍ਹਾ ਹੋਣੀ ਚਾਹੀਦੀ ਹੈ ਜਿੱਥੇ ਹਰ ਕੋਈ ਚੰਗਾ ਜੀਵਨ ਬਤੀਤ ਕਰ ਸਕੇ, ਜਿੱਥੇ ਚੰਗਾ ਘਰ ਅਤੇ ਚਾਈਲਡਕੇਅਰ ਅਫੋਰਡ ਕੀਤਾ ਜਾ ਸਕੇ ਅਤੇ ਜਿੱਥੇ ਸਾਰੇ ਬਿੱਲਸ ਦੀ ਅਦਾਇਗੀ ਹੋ ਸਕੇ।
ਉਨ੍ਹਾਂ ਕਿਹਾ ਕਿ ਸੂਬੇ ਦੇ ਲੋਕਾਂ ਦੇ ਖਰਚਿਆਂ 'ਚ ਵਾਧਾ ਨਾ ਆਉਣ ਦੇਣਾ ਮਜ਼ਬੂਤ ਸੂਬੇ ਲਈ ਜ਼ਰੂਰੀ ਹੈ ਅਤੇ ਆਈ.ਸੀ.ਬੀ.ਸੀ. ਰੇਟਸ 'ਤੇ ਕਾਬੂ ਰੱਖਣਾ ਇਸੇ ਕੜੀ 'ਚ ਸ਼ਾਮਿਲ ਹੈ।
