15.22C Vancouver 15.22C VancouverMar 18, 2021 3:27 PM -
ਆਈ.ਸੀ.ਬੀ.ਸੀ. ਦਾ ਕਹਿਣਾ ਹੈ ਕਿ ਕੋਵਿਡ-19 ਰਿਬੇਟ ਚੈਕਸ ਨੂੰ ਟੈਂਪਰੇਰੀ ਪੱਧਰ 'ਤੇ ਰੋਕਿਆ (delay) ਕੀਤਾ ਜਾ ਰਿਹਾ ਹੈ।
ਇਸ ਦੀ ਵਜ੍ਹਾ ਇੱਕ ਸਾਈਬਰ ਹਮਲਾ ਦੱਸਿਆ ਜਾ ਰਿਹਾ ਹੈ ਜੋ ਕਿ ਇੱਕ ਤੀਜੀ ਪਾਰਟੀ 'ਤੇ ਹੋਇਆ ਜਿਸ ਦੀ ਜ਼ਿੰਮੇਵਾਰੀ ਪ੍ਰਿੰਟਿੰਗ ਅਤੇ ਡਿਸਟ੍ਰੀਬਿਊਸ਼ਨ ਸੇਵਾਵਾਂ ਦੀ ਸੀ।
ਇੰਸ਼ੋਰੈਂਸ ਕੌਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਅਜਿਹੀ ਕੋਈ ਜਾਣਕਾਰੀ ਨਹੀਂ ਹੈ ਕਿ ਕਿਸੇ ਕਸਟਮਰ ਦਾ ਐਡਰੈਸ ਜਾਂ ਚੈੱਕ ਦੀ ਰਾਸ਼ੀ ਜਾਂ ਫਿਰ ਚੈੱਕ ਨੰਬਰ ਹਾਸਿਲ ਕੀਤੇ ਜਾ ਸਕੇ ਹੋਣ।
ਇਸ ਸਾਈਬਰ ਹਮਲੇ ਦਾ ਆਈ.ਸੀ.ਬੀ.ਸੀ. ਦੇ ਆਪਣੇ ਸਿਸਟਮ 'ਤੇ ਕੋਈ ਪ੍ਰਭਾਵ ਨਾ ਪੈਣ ਬਾਰੇ ਦੱਸਿਆ ਗਿਆ ਹੈ।
ਆਈ.ਸੀ.ਬੀ.ਸੀ. ਨੇ ਇਸ ਹਫ਼ਤੇ ਤੋਂ ਕੋਵਿਡ ਰਿਬੇਟਸ ਭੇਜਣ ਦੀ ਸ਼ੁਰੂਆਤ ਕਰਨ ਦਾ ਫੈਸਲਾ ਲਿਆ ਸੀ।
ਪੈਂਡੈਮਿਕ ਦੌਰਾਨ ਲੱਗੀਆਂ ਪਬੰਦੀਆਂ ਕਾਰਨ ਬੀਤੇ ਸਾਲ ਕ੍ਰੈਸ਼ ਦੀਆਂ ਘਟਨਾਵਾਂ ਅਤੇ ਹੋਰ ਖਰਚਿਆਂ 'ਚ ਕਟੌਤੀ ਕਾਰਨ ਆਈ.ਸੀ.ਬੀ.ਸੀ. ਨੂੰ 600 ਮਿਲੀਅਨ ਡਾਲਰ ਦੀ ਬੱਚਤ ਹੋਈ ਸੀ।
ਇਸੇ ਕਾਰਨ ਔਸਤਨ 190 ਡਾਲਰ ਦੀ ਰਾਸ਼ੀ ਦੇ ਚੈੱਕ ਕਸਟਮਰਸ ਤੱਕ ਪਹੁੰਚਾਉਣ ਦਾ ਫ਼ੈਸਲਾ ਲਿਆ ਗਿਆ ਸੀ।
