13.01C Vancouver 13.01C VancouverNov 19, 2021 1:05 AM - The Canadian Press
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਬੀ.ਸੀ. ਦੇ ਐਬਟਸਫੋਰਡ ਇਲਾਕੇ 'ਚ ਅੱਜ ਦਿਨ ਖਤਮ ਹੋਣ ਤੋਂ ਪਹਿਲਾਂ ਮਿਲਟਰੀ ਮੈਂਬਰਾਂ ਦੀ ਟੀਮ ਪਹੁੰਚ ਜਾਵੇਗੀ।
ਰੱਖਿਆ ਮੰਤਰੀ ਅਨੀਤਾ ਅਨੰਦ ਨੇ ਜਾਣਕਾਰੀ ਦਿੱਤੀ ਕਿ 120 ਮਿਲਟਰੀ ਮੈਂਬਰ ਅੱਜ ਦਿਨ ਖਤਮ ਹੋਣ ਤੋਂ ਪਹਿਲਾਂ ਐਬਟਸਫੋਰਡ ਪਹੁੰਚ ਜਾਣਗੇ।
ਅਨੀਤਾ ਅਨੰਦ ਨੇ ਕਿਹਾ ਕਿ ਲੋੜ ਪੈਂਦੀ ਹੈ ਤਾਂ ਹਜ਼ਾਰਾਂ ਕਨੇਡੀਅਨ ਆਰਮਡ ਫੋਰਸਿਸ ਮੈਂਬਰ ਬੀ.ਸੀ. ਅਤੇ ਸੂਬੇ ਦੇ ਨਿਵਾਸੀਆਂ ਲਈ ਮਦਦ ਪ੍ਰਦਾਨ ਕਰਨ ਲਈ ਤਿਆਰ ਬਰ ਤਿਆਰ ਹਨ।
ਉਨ੍ਹਾਂ ਦੱਸਿਆ ਕਿ ਇਸ ਵੇਲੇ ਬੀ.ਸੀ. 'ਚ 2 ਹੈਲੀਕਾਪਟਰ ਸੂਬੇ 'ਚ ਹੋਏ ਨੁਕਸਾਨ ਦਾ ਜਾਇਜਾ ਲੈ ਰਹੇ ਹਨ।
ਉਨ੍ਹਾਂ ਦੱਸਿਆ ਕਿ 2 ਸੀ.ਐਚ.147 ਸ਼ੀਨੁਕਸ ਵੀ ਜਲਦੀ ਹੀ ਪੈਦੁਵਾਵਾ ਤੋਂ ਇਲਾਕੇ 'ਚ ਪਹੁੰਚਣ ਲਈ ਤਿਆਰ ਹਨ।
ਉਨ੍ਹਾਂ ਦੱਸਿਆ ਕਿ ਬੀ.ਸੀ. ਸਰਕਾਰ ਦੀ ਮੰਗ ਅਨੁਸਾਰ ਕਨੇਡੀਅਨ ਆਰਮਡ ਫੋਰਸਿਸ ਵੱਲੋਂ ਹਵਾਈ ਅਤੇ ਗਰਾਊਂਡ ਸੱਪੋਰਟ ਪ੍ਰਦਾਨ ਕੀਤੀ ਜਾਵੇਗੀ।
ਅਨੀਤਾ ਅਨੰਦ ਨੇ ਕਿਹਾ ਕਿ ਇਹ ਟੀਮਾਂ ਲੋਕਾਂ ਨੂੰ ਇਵੈਕੂਏਟ ਕਰਨ, ਹੜ੍ਹਾਂ ਕਾਰਨ ਹੋਏ ਨੁਕਸਾਨ ਦੇ ਅੰਦਾਜੇ ਲਗਾਉਣ, ਸਪਲਾਈ ਚੇਨ ਨੂੰ ਮੁੜ ਸਥਾਪਿਤ ਕਰਨ, ਅਤੇ ਪਲੈਨਿੰਗ ਤੇ ਲੌਜਿਸਟਿਕਸ 'ਚ ਮਦਦ ਕਰ ਸਕਦੇ ਹਨ।
