27.84C Vancouver 27.84C VancouverDec 10, 2020 10:27 PM -
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿੱਟ ਨੇ ਲੋਕਾਂ ਤੋਂ ਮਦਦ ਦੀ ਅਪੀਲ ਕੀਤੀ ਹੈ, ਜਿਸ ਨਾਲ ਕਿ ਸ਼ੂਟਿੰਗ ਦੀ ਘਟਨਾ 'ਚ ਹੋਈ 29 ਸਾਲਾ ਔਰਤ ਦੀ ਮੌਤ ਦੇ ਮਾਮਲੇ 'ਚ ਮਦਦ ਮਿਲ ਸਕੇ।
ਕਰੀਬ ਇੱਕ ਹਫ਼ਤਾ ਪਹਿਲਾਂ ਸਰੀ 'ਚ ਇਹ ਕਤਲ ਦੀ ਵਾਰਦਾਤ 75A ਐਵੀਨਿਊ ਕੋਲ ਵਾਪਰੀ ਸੀ।
ਪੀੜਤ ਔਰਤ ਦੀ ਪਛਾਣ ਲੀਜ਼ਾ ਐਲੀ ਬੇਨਸ ਵਜੋਂ ਹੋਈ ਹੈ।
ਔਰਤ ਨੂੰ ਉਸ ਦੇ ਵਾਹਨ 'ਚ ਗੋਲੀ ਲੱਗਣ ਕਾਰਨ ਜ਼ਖਮੀ ਪਾਇਆ ਗਿਆ ਸੀ।
ਉਸ ਨੇ ਦਮ ਤੋੜ ਦਿੱਤਾ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਘਟਨਾ ਕਿਸੇ ਡਰੱਗ ਸੰਬੰਧੀ ਜਾਂ ਗੈਂਗ ਹਿੰਸਾ ਦਾ ਮਾਮਲਾ ਨਹੀਂ ਜਾਪ ਰਹੀ ਹੈ।
ਸਾਰਜੈਂਟ ਫ੍ਰੈਂਕ ਜੈਂਗ ਦਾ ਕਹਿਣਾ ਹੈ ਕਿ ਪੁਲਿਸ ਵੱਲੋਂ ਇੱਕ ਮਜ਼ਬੂਤ ਕੇਸ ਬਣਾਇਆ ਜਾ ਰਿਹਾ ਹੈ, ਪਰ ਉਨ੍ਹਾਂ ਕਿਹਾ ਕਿ ਕੁਝ ਲੋਕਾਂ ਕੋਲ ਔਰਤ ਦੀਆਂ ਹਾਲ ਦੀਆਂ ਗਤੀਵਿਧੀਆਂ ਦੀ ਜਾਣਕਾਰੀ ਹੋਵੇਗੀ ਤੇ ਉਨ੍ਹਾਂ ਨੂੰ ਪੁਲਿਸ ਨੂੰ ਦੱਸਣਾ ਚਾਹੀਦਾ ਹੈ।
