12.33C Vancouver 12.33C VancouverJul 28, 2022 7:17 PM - Connect News
ਇਸੇ ਹਫ਼ਤੇ ਲੈਂਗਲੀ 'ਚ ਵਾਪਰੀ ਮਲਟੀਪਲ ਸ਼ੂਟਿੰਗਸ ਦੀ ਵਾਰਦਾਤ ਦੇ ਪੀੜਤਾਂ ਦੀ ਪਛਾਣ ਜਨਤਕ ਕੀਤੀ ਗਈ ਹੈ।
ਪੁਲਿਸ ਵੱਲੋਂ ਅੱਜ ਸਵੇਰ ਦੇ ਸਮੇਂ ਜਾਣਕਾਰੀ ਦਿੱਤੀ ਗਈ ਕਿ ਸ਼ੂਟਰ ਦੀ ਗੋਲੀ ਕਾਰਨ ਜਾਨ ਗਵਾਉਣ ਵਾਲਿਆਂ 'ਚ ਇੱਕ ਵਿਅਕਤੀ ਦੀ ਉਮਰ 60 ਸਾਲ ਸੀ ਅਤੇ ਉਸ ਦਾ ਨਾਮ ਪੌਲ ਡੇਵਿਡ ਵਿਨ ਦੱਸਿਆ ਗਿਆ।
ਇਸ ਵਿਅਕਤੀ ਨੂੰ ਕਰੀਕ ਸਟੋਨ ਪਲੇਸ ਦੇ ਕੋਲ ਨਿਸ਼ਾਨਾ ਬਣਾਇਆ ਗਿਆ ਸੀ।
ਦੂਜੇ ਪੀੜਤ ਦੀ ਉਮਰ 43 ਸਾਲ ਅਤੇ ਉਸ ਦਾ ਨਾਮ ਸਟੀਵਨ ਫਰਨੈਸ ਦੱਸਿਆ ਗਿਆ।
ਇਸ ਵਿਅਕਤੀ ਨੂੰ ਲੈਂਗਲੀ ਸਿਟੀ ਬੱਸ ਲੂਪ ਕੋਲ ਗੋਲੀ ਮਾਰ ਦਿੱਤੀ ਗਈ ਸੀ।
ਸਾਰਜੈਂਟ ਡੇਵਿਡ ਲੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਪਛਾਣ ਜਾਹਿਰ ਹੋਣ ਤੋਂ ਬਾਅਦ ਅਜਿਹੇ ਲੋਕਾਂ ਨੂੰ ਰਾਹਤ ਮਿਲ ਸਕੇਗੀ ਜੋ ਸੰਪਰਕ ਤੋਂ ਬਾਹਰ ਰਹਿੰਦੇ ਆਪਣੇ ਕਰੀਬੀਆਂ ਲਈ ਚਿੰਤਤ ਸਨ।
ਯਾਦ ਰਹੇ ਇਸ ਹੂਟਿੰਗ ਦੀ ਵਾਰਦਾਤ 'ਚ ਇੱਕ ਔਰਤ ਨੂੰ ਨਾਜੁਕ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ ਸੀ ਅਤੇ ਇੱਕ ਆਦਮੀ ਨੂੰ ਵੀ ਸੱਟਾਂ ਲੱਗੀਆਂ ਸਨ।
ਵਾਰਦਾਤ 'ਚ ਸ਼ਾਮਿਲ 28 ਸਾਲਾ ਜੌਰਡਨ ਡੈਨੀਅਲ ਗੌਗਿਨ ਨਾਮ ਦੇ ਸ਼ੂਟਰ ਦੀ ਪੁਲਿਸ ਦੀ ਗੋਲੀ ਨਾਲ ਮੌਤ ਹੋ ਗਈ ਸੀ।
