12.32C Vancouver 12.32C VancouverJul 29, 2021 9:14 PM -
ਮੈਟਰੋ ਵੈਨਕੂਵਰ 'ਚ ਇੱਕ ਨਨ੍ਹੇ ਬੱਚੇ ਦੀ ਮੌਤ ਦੀ ਘਟਨਾ ਸੰਬੰਧੀ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।
ਪੀੜਤ ਬੱਚੇ ਦੀ ਉਮਰ ਇੱਕ ਸਾਲ ਦੱਸੀ ਗਈ ਹੈ।
ਨਿਊ ਵੈਸਟ ਪੁਲਿਸ ਡਿਪਾਰਟਮੈਂਟ ਨੂੰ 24 ਜੁਲਾਈ ਨੂੰ ਤੜਕੇ ਕਰੀਬ 4.20 'ਤੇ ਸੱਦਿਆ ਗਿਆ ਸੀ।
ਨਿਊ ਵੈਸਟਮਿਨਸਟਰ 'ਚ 5 ਐਵੀਨਿਊ ਦੇ 1300 ਬਲੌਕ 'ਚ ਇੱਕ ਨਨ੍ਹੇ ਬੱਚੇ ਨੂੰ ਬੇਸੁੱਧ ਦੱਸਿਆ ਗਿਆ ਸੀ।
ਪੁਲਿਸ ਨੇ ਬੱਚੇ ਨੂੰ ਮ੍ਰਿਤ ਪਾਇਆ ਅਤੇ ਘਟਨਾ ਨੂੰ ਸ਼ੱਕੀ ਦੱਸਿਆ।
ਜਾਂਚ ਲਈ ਆਈ.ਹਿਟ ਨੂੰ ਸੱਦਿਆ ਗਿਆ।
ਹੋਮੀਸਾਈਡ ਅਧਿਕਾਰੀਆਂ ਵੱਲੋਂ ਪਰਿਵਾਰ ਅਤੇ ਦੋਸਤਾਂ ਨੂੰ ਪੁੱਛਿਆ ਜਾ ਰਿਹਾ ਹੈ ਕਿ ਆਖਿਰ ਕੀ ਹੋਇਆ ਸੀ।
ਹਾਲ ਦੀ ਘੜੀ ਕੋਈ ਨਾਮ ਜਾਂ ਕੋਈ ਹੋਰ ਵੇਰਵੇ ਜਾਰੀ ਨਹੀਂ ਕੀਤੇ ਜਾ ਰਹੇ ਹਨ।
ਸਾਰਜੈਂਟ ਡੇਵਿਡ ਲੀ ਦਾ ਕਹਿਣਾ ਹੈ ਕਿ ਇਸ ਮਾਮਲੇ ਨੂੰ ਸੁਲਝਾਉਣ ਲਈ ਕੰਮ ਕੀਤਾ ਜਾ ਰਿਹਾ ਹੈ।
