19.7C Vancouver 19.7C VancouverNov 25, 2022 1:08 AM - Connect News
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ/ਆਈ.ਹਿਟ ਵੱਲੋਂ ਅੱਜ ਦੁਪਹਿਰ ਦੇ ਸਮੇਂ ਇੱਕ ਪ੍ਰੈਸ ਕਾਨਫਰੰਸ ਕਰ ਕੋਕਟਲਮ 'ਚ ਵਾਪਰੀ ਗੋਲੀ ਚੱਲਣ ਦੀ ਵਾਰਦਾਤ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਕੋਕਟਲਮ 'ਚ ਇੱਕ ਵਾਹਨ 'ਚ ਸਵਾਰ 3 ਲੋਕਾਂ ਨੂੰ ਗੋਲੀ ਮਾਰ ਦਿੱਤੀ ਗਈ। ਘਟਨਾ 'ਚ 2 ਲੋਕਾਂ ਦੀ ਮੌਤ ਹੋ ਗਈ।
ਮਾਮਲਾ ਬੁੱਧਵਾਰ ਸ਼ਾਮ ਕਰੀਬ 7.45 ਵਜੇ ਦਾ ਹੈ। ਕੋਕਟਲਮ ਆਰ.ਸੀ.ਐਮ.ਪੀ. ਨੂੰ ਡੇਵਸ ਹਿਲ ਰੋਡ ਅਤੇ ਮੰਡੀ ਸਟ੍ਰੀਟ ਕੋਲ ਗੋਲੀਆਂ ਚੱਲਣ ਦੀ ਰਿਪੋਰਟ ਮਿਲੀ ਸੀ।
ਮੌਕੇ 'ਤੇ ਅਫਸਰਾਂ ਨੂੰ ਇੱਕ ਗੱਡੀ 'ਚ 2 ਆਦਮੀ ਮਿਲੇ ਜਿੰਨਾ ਨੂੰ ਗੋਲੀਆਂ ਲੱਗੀਆਂ ਸਨ ਅਤੇ ਇਨ੍ਹਾਂ 'ਚ ਇੱਕ ਵਿਅਕਤੀ ਨੂੰ ਮੌਕੇ 'ਤੇ ਹੀ ਮ੍ਰਿਤ ਐਲਾਨ ਦਿੱਤਾ ਗਿਆ ਸੀ।
ਦੂਜੇ ਜ਼ਖਮੀ ਵਿਅਕਤੀ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ ਪਰ ਉਸ ਨੇ ਵੀ ਦਮ ਤੋੜ ਦਿੱਤਾ।
ਗੱਡੀ 'ਚ ਸਵਾਰ ਤੀਜਾ ਵਿਅਕਤੀ ਵੀ ਜ਼ਖਮੀ ਸੀ ਪਰ ਉਸ ਦੀਆਂ ਸੱਟਾਂ ਜਾਨਲੇਵਾ ਨਹੀਂ ਸਨ।
ਜਾਂਚ ਅਧਿਕਾਰੀਆਂ ਵੱਲੋਂ ਇੱਕ ਮ੍ਰਿਤਕ ਦੀ ਪਛਾਣ 25 ਸਾਲਾ ਰਾਮੀਨ ਸਲਾਮ ਵਜੋਂ ਕੀਤੀ ਗਈ ਹੈ।
ਜਾਂਚ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਮਾਮਲਾ ਮਿਥ ਕੇ ਕੀਤੇ ਗਏ ਹਮਲੇ ਦਾ ਹੈ ਅਤੇ ਘਟਨਾ ਲੋਅਰ ਮੇਨਲੈਂਡ ਦੀ ਗੈਂਗ ਹਿੰਸਾ ਦਾ ਸੰਬੰਧਤ ਮੰਨੀ ਜਾ ਰਹੀ ਹੈ।
