16.27C Vancouver 16.27C VancouverSep 21, 2022 7:18 PM - Connect News
ਸਰੀ 'ਚ ਗੋਲੀ ਚੱਲਣ ਦੀ ਜਾਨਲੇਵਾ ਵਾਰਦਾਤ ਵਾਪਰੀ ਹੈ।
ਇਸ ਮਾਮਲੇ ਸੰਬੰਧੀ ਪਹਿਲਾਂ ਖਬਰ ਮੰਗਲਵਾਰ ਨੂੰ ਸਾਹਮਣੇ ਆਈ ਸੀ ਅਤੇ ਅੱਜ ਮਾਮਲੇ ਸੰਬੰਧੀ ਸਪਸ਼ਟ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਮੰਗਲਵਾਰ ਨੂੰ ਸਰੀ ਆਰ.ਸੀ.ਐਮ.ਪੀ. ਨੇ ਦੱਸਿਆ ਸੀ ਕਿ ਇੱਕ ਵਿਅਕਤੀ ਨੂੰ ਗੱਡੀ ਚਲਾਉਂਦੇ ਹੋਏ ਬੇਹੋਸ਼ ਵੇਖਿਆ ਗਿਆ ਸੀ ਅਤੇ ਬਾਅਦ 'ਚ ਵਿਅਕਤੀ ਨੇ ਦਮ ਤੋੜ ਦਿੱਤਾ ਸੀ।
ਘਟਨਾ 127 ਸਟ੍ਰੀਟ ਦੇ 8800 ਬਲੌਕ 'ਚ ਵਾਪਰੀ ਸੀ।
ਮਾਮਲੇ ਦੀ ਜਾਂਚ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਕੋਲ ਪਹੁੰਚ ਗਈ ਸੀ।
ਅੱਜ ਆਈ.ਹਿਟ ਨੇ ਦੱਸਿਆ ਕਿ ਘਟਨਾ 'ਚ ਐਲਬਰਟਾ ਦੇ ਐਡਮਿੰਟਨ ਤੋਂ ਵਾਸਤਾ ਰੱਖਣ ਵਾਲੇ 27 ਸਾਲਾ ਰਿਚਰਡ ਔਫੁਸ਼ੇਨ ਦੀ ਮੌਤ ਹੋ ਗਈ ਹੈ।
ਆਈ.ਹਿਟ ਨੇ ਦੱਸਿਆ ਕਿ ਇਸ ਵਿਅਕਤੀ ਬਾਰੇ ਪੁਲਿਸ ਜਾਣਦੀ ਸੀ ਅਤੇ ਉਸ ਦੇ ਤਾਰ ਡਰੱਗ ਤਸਕਰੀ ਨਾਲ ਜੁੜੇ ਸਨ।
ਜਾਣਕਾਰੀ ਦਿੱਤੀ ਗਈ ਕਿ ਪੀੜਤ ਵਿਅਕਤੀ ਨੂੰ ਗੋਲੀ ਮਾਰੀ ਗਈ ਸੀ।
ਘਟਨਾ ਪਿੱਛੇ ਦੇ ਇਰਾਦੇ ਬਾਰੇ ਫਿਲਹਾਲ ਸਪਸ਼ਟ ਜਾਣਕਾਰੀ ਨਹੀਂ ਹੈ।
ਲੋਕਾਂ ਤੋਂ ਮੰਗ ਕੀਤੀ ਗਈ ਹੈ ਕਿ ਘਟਨਾ ਸੰਬੰਧੀ ਕੋਈ ਜਾਣਕਾਰੀ ਜਾਂ ਫੁਟੇਜ ਹੋਵੇ ਤਾਂ ਦੱਸਿਆ ਜਾਵੇ।
