17.99C Vancouver 17.99C VancouverJun 9, 2021 5:19 PM -
ਬੀ.ਸੀ. 'ਚ ਆਈ.ਆਈ.ਓ. ਦਾ ਕਹਿਣਾ ਹੈ ਕਿ ਆਰ.ਸੀ.ਐਮ.ਪੀ. ਦੇ ਸੈੱਲ ਤੋਂ ਛੱਡੇ ਜਾਣ ਤੋਂ ਬਾਅਦ ਹੋਈ ਇੱਕ ਵਿਅਕਤੀ ਦੀ ਮੌਤ 'ਚ ਪੁਲਿਸ ਦਾ ਕੋਈ ਕਨੈਕਸ਼ਨ ਨਹੀਂ ਸੀ।
ਮਾਮਲਾ ਮਿਸ਼ਨ 'ਚ ਵਾਪਰੀ ਘਟਨਾ ਨਾਲ ਸੰਬੰਧਤ ਹੈ।
ਏਜੈਂਸੀ ਦਾ ਕਹਿਣਾ ਹੈ ਕਿ ਇੱਕ ਆਦਮੀ ਨੂੰ ਬੀਤੇ ਸਾਲ 21 ਮਾਰਚ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ 9 ਘੰਟੇ ਬਾਅਦ ਉਸ ਨੂੰ ਰਿਹਾਅ ਕਰ ਦਿੱਤਾ ਗਿਆ ਸੀ।
ਇਸ ਤੋਂ 6 ਦਿਨ ਬਾਅਦ ਇਹ ਆਦਮੀ ਲਾਪਤਾ ਹੋ ਗਿਆ ਸੀ।
ਉਸ ਦੀ ਭਾਲ ਦੀਆਂ ਪੁਰਜ਼ੋਰ ਕੋਸ਼ਿਸ਼ਾਂ ਹੋਈਆਂ ਸਨ।
ਇਸ ਸਾਲ ਅਪ੍ਰੈਲ 'ਚ ਇੱਕ ਜੰਗਲੀ ਇਲਾਕੇ 'ਚ ਮਿਲੇ ਮਨੁੱਖੀ ਅਵਸ਼ੇਸ਼ ਇਸੇ ਲਾਪਤਾ ਹੋਏ ਵਿਅਕਤੀ ਦੇ ਸਨ।
ਜਿੱਥੇ ਅਵਸ਼ੇਸ਼ ਮਿਲੇ ਉਹ ਜਗ੍ਹਾ ਡਿਟੈਚਮੈਂਟ ਤੋਂ ਕਰੀਬ ਅੱਧੇ ਕਿਲੋਮੀਟਰ ਦੀ ਦੂਰੀ 'ਤੇ ਹੈ।
ਯਾਦ ਰਹੇ ਇਸ ਮਾਮਲੇ 'ਚ ਕੋਰੋਨਰ ਸਰਵਿਸ ਦੀ ਜਾਂਚ ਅਜੇ ਜਾਰੀ ਹੈ।
