19.32C Vancouver 19.32C VancouverDec 16, 2021 10:26 PM - The Canadian Press
ਇਮੀਗ੍ਰੇਸ਼ਨ, ਰਿਫਿਊਜੀਸ ਅਤੇ ਸਿਟੀਜ਼ਨਸ਼ਿਪ ਕੈਨੇਡਾ ਦਾ ਕਹਿਣਾ ਹੈ ਕਿ ਬੀ.ਸੀ. ਨਿਵਾਸੀਆਂ ਲਈ ਉਨ੍ਹਾਂ ਦਸਤਾਵੇਜਾਂ ਦੀ ਫੀਸ ਨਹੀਂ ਲਈ ਜਾਵੇਗੀ, ਜੋ ਕਿ ਹੜ੍ਹਾਂ ਅਤੇ ਮਡਸਲਾਈਡਸ ਵਿਚਾਲੇ ਨਸ਼ਟ ਹੋ ਗਏ ਹਨ ਅਤੇ ਜਿੰਨਾ ਨੂੰ ਹੁਣ ਦੁਬਾਰਾ ਹਾਸਿਲ ਕਰਨ ਦੀ ਲੋੜ ਹੋਵੇਗੀ।
ਯਾਦ ਰਹੇ ਇਨ੍ਹਾਂ ਹੜ੍ਹਾਂ 'ਚ ਕਰੀਬ 15,000 ਲੋਕ ਪ੍ਰਭਾਵਿਤ ਹੋਏ ਹਨ।
ਇਮੀਗ੍ਰੇਸ਼ਨ ਸੰਬੰਧੀ ਮੰਤਰੀ, ਸ਼ੌਨ ਫਰੇਜ਼ਰ ਨੇ ਕਿਹਾ ਕਿ, 15 ਨਵੰਬਰ ਤੋਂ 31 ਮਈ ਤਕ ਦੇ ਲਈ ਸਬਮਿਸ਼ਨਸ 'ਤੇ ਖਾਸ ਕਦਮ ਚੁੱਕੇ ਜਾਣਗੇ ਜਿਸ ਦੌਰਾਨ ਪਾਸਪੋਰਟ, ਰਿਫਿਊਜੀ ਟਰੈਵਲ ਡਾਕਿਊਮੈਂਟ, ਆਈਡੈਂਟਿਟੀ ਸਰਟੀਫਿਕੇਟ, ਸਿਟੀਜ਼ਨਸ਼ਿਪ ਸਰਟੀਫਿਕੇਟ ਅਤੇ ਪਰਮਾਨੈਂਟ ਰੈਜ਼ੀਡੈਂਟ ਕਾਰਡ ਲਈ ਫੀਸ ਨਹੀਂ ਵਸੂਲੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਕਨੇਡੀਅਨ ਨਾਗਰਿਕਾਂ ਅਤੇ ਪਰਮਾਨੈਂਟ ਰੈਜ਼ੀਡੈਂਟਸ ਨੂੰ ਸਮਾਂ ਹਾਸਿਲ ਹੋ ਸਕੇਗਾ ਕਿ ਉਹ ਆਪਣੇ ਦਸਤਾਵੇਜਾਂ ਨੂੰ ਜਾਂਚ-ਪਰਖ ਲੈਣ ਅਤੇ ਜੇਕਰ ਕਿਸੇ ਦਸਤਾਵੇਜ ਨੂੰ ਰਿਪਲੇਸ ਕਰਨ ਦੀ ਲੋੜ ਹੈ ਤਾਂ ਉਸ ਨੂੰ ਬਿਨਾ ਕਿਸੇ ਖਰਚੇ ਦੇ ਹਾਸਿਲ ਕੀਤਾ ਜਾ ਸਕੇ।
ਇਮੀਗ੍ਰੇਸ਼ਨ ਕੈਨੇਡਾ ਨੇ ਕਿਹਾ ਕਿ ਨਸ਼ਟ ਹੋਏ ਜਾਂ ਗਵਾਚੇ ਸਟੈਟਸ ਡਾਕਿਊਮੈਂਟਸ ਨੂੰ ਰੀਇਸ਼ੂ ਕਰਨ ਸੰਬੰਧੀ ਫੀਸ ਵੀ ਨਹੀਂ ਵਸੂਲੀ ਜਾਵੇਗੀ।
ਆਪਣੇ ਵਿਜ਼ਿਟਰ ਸਟੈਟਸ, ਸਟਡੀ ਪਰਮਿਟ ਜਾਂ ਵਰਕ ਪਰਮਿਟ ਨੂੰ ਐਕਸਟੈਂਡ ਕਰਨ ਲਈ ਅਪਲਾਈ ਕਰ ਰਹੇ ਟੈਂਪਰੇਰੀ ਰੈਜ਼ੀਡੈਂਟਸ ਤੋਂ ਵੀ ਫੀਸ ਨਹੀਂ ਵਸੂਲੀ ਜਾਵੇਗੀ।
