18.21C Vancouver 18.21C VancouverFeb 12, 2021 1:45 AM -
ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਸਿਹਤ ਮੰਤਰੀ ਪੈਟੀ ਹਾਏਡੂ ਨੇ ਹੈਲਥਕੇਅਰ ਪ੍ਰੋਫੈਸ਼ਨਲਸ ਨਾਲ ਗੱਲਬਾਤ ਕੀਤੀ ਹੈ।
ਉਨ੍ਹਾਂ ਇਸ ਦੌਰਾਨ ਹੈਲਥ ਪ੍ਰੋਫੈਸ਼ਨਲਸ ਨੂੰ ਕਿਹਾ ਕਿ ਉਹ ਜਾਣਦੇ ਹਨ ਕਿ ਤੁਸੀਂ ਸਾਰੇ ਜੁਟੇ ਹੋਏ ਹੋ ਅਤੇ ਪੂਰੀ ਮਹਿਨਤ ਕਰ ਰਹੇ ਹੋ ਕਿ ਲੋਕਾਂ ਨੂੰ ਵੈਕਸੀਨੇਟ ਕੀਤਾ ਜਾਵੇ।
ਟਰੂਡੋ ਨੇ ਕਿਹਾ ਕਿ ਹਾਲਾਂਕਿ ਹਾਲ ਦੀ ਘੜੀ ਗਲੋਬਲ ਪ੍ਰੋਡਕਸ਼ਨ ਚੁਣੌਤੀਆਂ ਕਾਰਨ ਕੁਝ ਅੜਿੱਕੇ ਪੇਸ਼ ਆ ਰਹੇ ਹਨ।
ਪਰ ਟਰੂਡੋ ਨੇ ਫਿਰ ਤੋਂ ਦੋਹਰਾਇਆ ਕਿ ਸਿਤੰਬਰ ਤੱਕ ਵੈਕਸੀਨ ਹਾਸਿਲ ਕਰਨ ਦੇ ਇੱਛੁਕ ਸਾਰੇ ਲੋਕਾਂ ਨੂੰ ਵੈਕਸੀਨ ਪ੍ਰਦਾਨ ਕੀਤੀ ਜਾਵੇਗੀ।
ਟਰੂਡੋ ਨੇ ਕਿਹਾ ਕਿ ਹੁਣ ਕੈਨੇਡਾ ਉਸ ਫੇਜ਼ 'ਚ ਦਾਖਿਲ ਹੋਣ ਜਾ ਰਿਹਾ ਹੈ, ਜਿਸ ਨੂੰ ਉਨ੍ਹਾਂ 'ਬਿਗ ਲਿਫਟ' ਦੱਸਿਆ ਅਤੇ ਇਸ ਦੌਰਾਨ ਮਿਲੀਅਨਸ ਦੇ ਹਿਸਾਬ ਨਾਲ ਵੈਕਸੀਨ ਕੈਨੇਡਾ ਕੋਲ ਪਹੁੰਚਣਗੇ।
ਅਗਲੇ ਹਫ਼ਤੇ ਸੋਮਵਾਰ ਤੋਂ ਕੈਨੇਡਾ ਪਹੁੰਚਾਂਗੀਆਂ 400,000 ਵੈਕਸੀਨ ਖੁਰਾਕਾਂ
ਅਗਲੇ ਹਫ਼ਤੇ ਫਾਈਜ਼ਰ ਬਾਇਓਐਨਟੈਕ ਦੀ ਸਭ ਤੋਂ ਵੱਡੀ ਸ਼ਿਪਮੈਂਟ ਦੇ ਕੈਨੇਡਾ ਪਹੁੰਚਣ ਦੇ ਆਸਾਰ ਦੱਸੇ ਗਏ ਹਨ।
ਮੇਜਰ-ਜਨਰਲ ਡੈਨੀ ਫੌਰਟੈਂ ਦਾ ਕਹਿਣਾ ਹੈ ਕਿ ਫਾਈਜ਼ਰ ਦੀਆਂ ਸੋਮਵਾਰ ਤੋਂ 400,000 ਡੋਜ਼ ਪਹੁੰਚਣਗੀਆਂ।
ਇਸ ਤੋਂ ਬਾਅਦ ਅਗਲੇ 4 ਹਫ਼ਤਿਆਂ 'ਚ ਫਾਈਜ਼ਰ ਵੈਕਸੀਨ ਦੀਆਂ 1.8 ਮਿਲੀਅਨ ਡੋਜ਼ ਪਹੁੰਚਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਅੱਜ ਡਿਪਟੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਹੌਵਰਡ ਨਿਊ ਨੇ ਕਿਹਾ ਕਿ ਹੁਣ ਤੱਕ ਕੋਵਿਡ-19 ਦੀਆਂ 1 ਮਿਲੀਅਨ ਤੋਂ ਵਧੇਰੇ ਡੋਜ਼ ਪ੍ਰਦਾਨ ਕੀਤੀਆਂ ਜਾ ਚੁੱਕੀਆਂ ਹਨ।
