13.9C Vancouver 13.9C VancouverAug 13, 2020 8:14 PM -
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਪ੍ਰਧਾਨ ਮੰਤਰੀ ਅਤੇ ਕੈਬਿਨੇਟ ਮੰਤਰੀਆਂ ਖਿਲਾਫ਼ ਦਿੱਤੀਆਂ ਗਈਆਂ ਧਮਕੀਆਂ ਦੇ ਮਾਮਲੇ 'ਚ ਵਾਧਾ ਦਰਜ ਕੀਤਾ ਗਿਆ ਹੈ।
ਜਨਵਰੀ 2019 ਤੋਂ ਜੁਲਾਈ 2019 ਵਿਚਾਲੇ ਪ੍ਰੋਟੈਕਟਿਵ ਪੁਲਿਸਿੰਗ ਤਹਿਤ ਧਮਕਾਉਣ ਦਾ ਮਾਮਲਿਆਂ 'ਚ 100 ਜਾਂਚਾਂ ਖੋਲ੍ਹੀਆਂ ਗਈਆਂ ਸਨ।
ਹਾਲਾਂਕਿ ਇਸ ਸਾਲ ਜਨਵਰੀ ਤੋਂ ਬੀਤੇ ਮਹੀਨੇ ਤੱਕ 130 ਜਾਂਚਾਂ ਬਿਠਾਉਣ ਬਾਰੇ ਦੱਸਿਆ ਗਿਆ ਹੈ।
ਹਾਲਾਂਕਿ ਇਸ ਦੇ ਵਿਚ ਇਸੇ ਹਫ਼ਤੇ ਕੈਥਰੀਨ ਮੈਕੇਨਾ ਦੇ ਔਟਵਾ ਦੇ ਦਫ਼ਤਰ 'ਚ ਇੱਕ ਸਟਾਫ਼ ਮੈਂਬਰ ਨੂੰ ਧਮਕਾਉਣ ਦਾ ਮਾਮਲਾ ਸ਼ਾਮਿਲ ਨਹੀਂ ਹੈ।
ਔਟਵਾ ਐਮ.ਪੀ.ਪੀ. ਲੀਜ਼ਾ ਮੈਕਲਿਓਡ ਨੂੰ ਵੀ ਪੁਲਿਸ ਸੁਰੱਖਿਆ ਪ੍ਰਦਾਨ ਕੀਤੀ ਗਈ ਹੈ, ਅਤੇ ਇਸ ਦੀ ਵਜ੍ਹਾ ਉਨ੍ਹਾਂ ਨੂੰ ਮਿਲ ਰਹੀਆਂ ਧਮਕੀਆਂ ਦੱਸੀਆਂ ਗਈਆਂ ਹਨ।
ਬੀਤੇ ਹਫ਼ਤੇ ਔਟਵਾ ਸਿਟੀ ਕੌਂਸਲਰ ਲੌਰਾ ਡੁਡਾਸ ਦੇ ਘਰ 'ਤੇ ਭਾਰੀ ਪੱਥਰ ਸੁੱਟਿਆ ਗਿਆ ਸੀ।
ਕੈਥਰੀਨ ਮੈਕੇਨਾ ਦਾ ਕਹਿਣਾ ਹੈ ਕਿ, ਸਿਆਸੀ ਲੋਕਾਂ ਨੂੰ ਨਫ਼ਰਤ ਭਰੀਆਂ ਟਿੱਪਣੀਆਂ ਤੋਂ ਬਚਾਉਣ ਲਈ ਵਧੇਰੇ ਕਦਮ ਉਠਾਉਣ ਦੀ ਲੋੜ ਹੈ।
