18.49C Vancouver 18.49C VancouverMar 21, 2020 2:05 AM -
ਬਾਲੀਵੁੱਡ ਦੀ ਨਾਮੀ ਗਾਇਕਾ ਕਨਿਕਾ ਕਪੂਰ ਕੋਰੋਨਾਵਾਇਰਸ ਨਾਲ ਪਾਜੀਟਿਵ ਪਾਈ ਗਈ ਹੈ।
ਕਨਿਕਾ ਦੀ ਕੋਰੋਨਾਵਾਇਰਸ ਰਿਪੋਰਟ ਬਾਰੇ ਸ਼ੁੱਕਰਵਾਰ ਨੂੰ ਇਹ ਖੁਲਾਸਾ ਹੋਇਆ ਹੈ।
ਉਸਨੂੰ ਲਖਨਉ ਦੇ ਆਈਸੋਲੇਸ਼ਨ ਵਾਰਡ ਵਿੱਚ ਰੱਖਿਆ ਗਿਆ ਹੈ।
ਉਹ ਕੁਝ ਦਿਨ ਪਹਿਲਾਂ ਹੀ ਲੰਡਨ ਤੋਂ ਵਾਪਸ ਆਈ ਸੀ।
ਪਰ ਹੁਣ ਕਨਿਕਾ ਕਪੂਰ 'ਤੇ ਲਖਨਊ 'ਚ ਐਫ.ਆਈ.ਆਰ. ਵੀ ਦਰਜ ਕੀਤੀ ਗਈ ਹੈ।
ਖਬਰਾਂ ਹਨ ਕਿ ਕਨਿਕਾ ਕਪੂਰ ਨੇ ਕੋਰੋਨਾ ਨਾਲ ਸੰਕਰਮਿਤ ਹੋਣ ਦੀ ਗੱਲ ਨੂੰ ਲੁਕਾਇਆ ਅਤੇ ਸ਼ਹਿਰ ਦੇ ਇੱਕ ਵੱਡੇ ਹੋਟਲ ਵਿੱਚ ਪਾਰਟੀ ਵਿਚ ਵੀ ਸ਼ਾਮਿਲ ਹੋਣ ਪਹੁੰਚੀ।
ਉਸਨੇ ਇੱਕ ਡਿਨਰ ਪਾਰਟੀ ਕੀਤੀ।
ਹੁਣ ਅਣਗਹਿਲੀ ਵਰਤਣ ਦੇ ਮਾਮਲੇ 'ਚ ਕਨਿਕਾ ਕਪੂਰ 'ਤੇ ਉੱਤਰ ਪ੍ਰਦੇਸ਼ ਪੁਲਿਸ ਨੇ ਮਾਮਲਾ ਦਰਜ ਕੀਤਾ ਹੈ।
ਆਈ.ਪੀ.ਸੀ. ਦੀ ਧਾਰਾ 188, 269 ਅਤੇ 270 ਦੇ ਆਧਾਰ 'ਤੇ ਮਾਮਲਾ ਦਰਜ ਕੀਤਾ ਗਿਆ ਹੈ। ਲਖਨਊ ਦੇ ਸਰੋਜਨੀ ਨਗਰ ਥਾਣੇ 'ਚ ਮਾਮਲਾ ਦਰਜ ਕੀਤਾ ਗਿਆ ਹੈ।
ਅੱਜ ਕਨਿਕਾ ਕਪੂਰ ਨੇ ਆਪਣੀਆਂ ਰਿਪੋਰਟਸ ਤੋਂ ਬਾਅਦ, ਇੰਸਟਾਗ੍ਰਾਮ 'ਤੇ ਇੱਕ ਟਿੱਪਣੀ ਵੀ ਕੀਤੀ।
ਉਨ੍ਹਾਂ ਲਿਖਿਆ ਕਿ, 'ਮੈਨੂੰ ਪਿਛਲੇ ਚਾਰ ਦਿਨਾਂ ਵਿੱਚ ਫਲੂ ਦੇ ਲੱਛਣ ਮਿਲੇ ਹਨ, ਜਦੋਂ ਮੈਂ ਆਪਣੇ ਆਪ ਦਾ ਟੈਸਟ ਕੀਤਾ ਤਾਂ ਮੈਨੂੰ ਕੋਵਿਡ -19 ਸਕਾਰਾਤਮਕ ਪਾਇਆ ਗਿਆ।
ਮੈਂ ਅਤੇ ਮੇਰਾ ਪਰਿਵਾਰ ਅਜੇ ਵੀ ਪੂਰੀ ਨਿਗਰਾਨੀ ਹੇਠ ਹਾਂ ਅਤੇ ਇਸ ਤੋਂ ਛੁਟਕਾਰਾ ਪਾਉਣ ਲਈ ਡਾਕਟਰੀ ਸਲਾਹ ਦੀ ਪਾਲਣਾ ਕਰ ਰਹੇ ਹਾਂ।
ਜਿਨ੍ਹਾਂ ਲੋਕਾਂ ਨਾਲ ਮੈਂ ਸੰਪਰਕ ਕਰ ਰਿਹਾ ਹਾਂ ਉਨ੍ਹਾਂ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ।'
ਯਾਦ ਰਹੇ ਕਨਿਕਾ ਕਪੂਰ 11 ਮਾਰਚ ਨੂੰ ਯੂ.ਕੇ. ਤੋਂ ਪਰਤੀ ਸੀ।
