9.07C Vancouver 9.07C VancouverJul 20, 2021 9:24 AM -
ਮੇਕ ਇਨ ਇੰਡੀਆ ਅਤੇ ਭਾਰਤੀ ਨੇਵੀ ਨੂੰ ਹੋਰ ਉਤਸ਼ਾਹਿਤ ਕਰਨ ਲਈ, ਅੱਜ ਮੰਗਲਵਾਰ ਨੂੰ ਰੱਖਿਆ ਮਹਿਕਮੇ ਨੇ ਤਕਰੀਬਨ 50,000 ਕਰੋੜ ਦਾ ਟੈਂਡਰ ਜਾਰੀ ਕੀਤਾ ਹੈ, ਜਿਸ ਵਿੱਚ ਪ੍ਰੋਜੈਕਟ-75 ਇੰਡੀਆ ਦੇ ਤਹਿਤ ਛੇ ਰਵਾਇਤੀ ਪਣਡੁੱਬੀਆਂ ਬਣਾਈਆਂ ਜਾਣਗੀਆਂ।
ਰੱਖਿਆ ਸੂਤਰਾਂ ਮੁਤਾਬਕ,"ਅੱਜ ਮੁਲਕ ਵਿੱਚ ਹੀ ਛੇ ਰਵਾਇਤੀ ਡੀਜ਼ਲ-ਬਿਜਲਈ ਪਣਡੁੱਬੀਆਂ ਨੂੰ ਬਣਾਉਣ ਲਈ ਟੈਂਡਰ ਜਾਰੀ ਕੀਤਾ ਗਿਆ ਹੈ। ਇਹ ਟੈਂਡਰ ਮਾਜ਼ਾਗੌਂ ਡੌਕਯਾਰਡਸ ਲਿਮਿਟਿਡ ਅਤੇ ਲਾਰਜ਼ਨ ਐਂਡ ਟੌਬਰੋ ਨੂੰ ਜਾਰੀ ਕੀਤਾ ਗਿਆ ਹੈ।"
ਹੁਣ ਇਹ ਰਣਨੀਤਿਕ ਭਾਈਵਾਲ, ਦੋ ਭਾਰਤੀ ਕੰਪਨੀਆਂ, ਫਰਾਂਸ, ਜਰਮਨੀ, ਰੂਸ, ਦੱਖਣੀ ਕੋਰੀਆ ਅਤੇ ਸਪੇਨ ਸਣੇ, ਪੰਜ ਗਲੋਬਲ, ਅਸਲੀ ਸਮਾਨ ਦਾ ਉਤਪਾਦਨ ਕਾਰਨ ਵਾਲੀਆਂ ਕੰਪਨੀਆਂ ਵਿੱਚੋਂ ਇੱਕ-ਇੱਕ ਭਾਈਵਾਲ ਚੁਣਨਗੀਆਂ, ਉਨ੍ਹਾਂ ਅੱਗੇ ਆਖਿਆ।
ਦੱਸਣਯੋਗ ਹੈ ਕਿ ਇਸ ਟੈਂਡਰ ਦੇ ਲਈ ਬੇਨਤੀ ਜਾਂ ਪ੍ਰਸ੍ਤਾਵ (ਆਰਐੱਫਪੀ) 4 ਜੂਨ ਨੂੰ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੀ ਪ੍ਰਧਾਨਗੀ ਹੇਠ ਹੋਈ ਰੱਖਿਆ ਅਧਿਗ੍ਰਹਿਣ ਕਾਉਂਸਿਲ ਦੀ ਬੈਠਕ ਵਿੱਚ ਕੀਤੀ ਗਈ ਸੀ।
ਪ੍ਰੋਜੈਕਟ-75 ਇੰਡੀਆ ਦੇ ਤਹਿਤ, ਜਲ ਸੈਨਾ ਛੇ ਰਵਾਇਤੀ ਡੀਜ਼ਲ-ਬਿਜਲਈ ਪਣਡੁੱਬੀਆਂ ਬਣਾਵੇਗੀ, ਜੋ ਕਿ ਇਸ ਵੇਲੇ ਮੁੰਬਈ ਵਿਚਲੇ ਮਾਜ਼ਾਗੌਂ ਡੌਕਯਾਰਡਸ ਲਿਮਿਟਿਡ ਵਿੱਚ ਉਸਾਰੀ ਅਧੀਨ ਸਕੌਰਪੀਨ-ਕਲਾਸ ਪਣਡੁੱਬੀ ਤੋਂ ਵੀ ਵੱਡੀਆਂ ਹੋਣਗੀਆਂ।
ਇਹ ਪਣਡੁੱਬੀਆਂ ਵੱਧ ਟਿਕਾਊ ਫਾਇਰਪਾਵਰ ਨਾਲ ਲੈਸ ਹੋਣਗੀਆਂ, ਤਾਂ ਕਿ ਕਿਸ਼ਤੀਆਂ ਵਿੱਚ ਐਂਟੀ-ਸ਼ਿਪ ਕਰੂਜ਼ ਮਿਜ਼ਾਈਲ (ਏਐੱਸਸੀਐੱਮ) ਦੇ ਨਾਲ ਜ਼ਮੀਨ 'ਤੇ ਹਮਲਾ ਕਰਨ ਵਾਲੀਆਂ ਘੱਟੋ-ਘੱਟ 12 ਕਰੂਜ਼ ਮਿਜ਼ਾਇਲਾਂ ਆ ਸਕਣ।
ਇਹ ਪ੍ਰੋਜੈਕਟ ਇੱਕ ਰਣਨੀਤਿਕ ਭਾਈਵਾਲੀ ਨਮੂਨੇ ਦੇ ਤਹਿਤ ਚਲਾਇਆ ਜਾ ਰਿਹਾ ਹੈ, ਜਿਸਦਾ ਮਕਸਦ ਭਾਰਤ ਨੂੰ ਰੱਖਿਆ ਯੰਤਰਾਂ ਦੇ ਉਤਪਾਦਕ ਦੇ ਤੌਰ 'ਤੇ ਉਭਾਰਨਾ ਹੈ ਅਤੇ ਇਸਦੇ ਨਾਲ ਹੀ ਉਦਯੋਗਿਕ ਅਤੇ ਆਰ ਐਂਡ ਦੀ ਪਰਿਸਥਿਤੀ ਤੰਤਰ ਨੂੰ ਸਥਾਪਿਤ ਕਰਨਾ, ਜੋ ਕਿ ਹਥਿਆਰਬੰਦ ਦਸਤਿਆਂ ਦੀਆਂ ਭਵਿੱਖ ਦੀਆਂ ਲੋੜਾਂ ਦੀ ਪੂਰਤੀ ਕਰੇ ਅਤੇ ਨਿਰਯਾਤ ਨੂੰ ਵੀ ਉਤਸ਼ਾਹਿਤ ਕਰੇ।
