18.21C Vancouver 18.21C VancouverFeb 10, 2021 9:24 PM -
ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨਾਲ ਚਰਚਾ ਹੋਈ ਹੈ।
ਇਸ ਦੌਰਾਨ ਮੋਦੀ ਨੇ ਟਰੂਡੋ ਨੂੰ ਭਰੋਸਾ ਦਵਾਇਆ ਹੈ ਕਿ ਭਾਰਤ ਆਪਣੇ ਵੱਲੋਂ ਪੂਰੀ ਕੋਸ਼ਿਸ਼ ਕਰੇਗਾ ਕਿ ਕੈਨੇਡਾ ਨੂੰ ਕੋਵਿਡ-19 ਵੈਕਸੀਨ ਹਾਸਿਲ ਹੋਣ 'ਚ ਕੋਈ ਵਿਘਨ ਪੇਸ਼ ਨਾ ਆਵੇ।
ਹਾਲਾਂਕਿ ਕੈਨੇਡਾ ਤਕ ਵੈਕਸੀਨ ਸ਼ਿਪਮੈਂਟ ਪਹੁੰਚਾਏ ਜਾਣ ਦਾ ਕੋਈ ਵਾਅਦਾ ਵੀ ਨਹੀਂ ਕੀਤਾ ਗਿਆ ਹੈ।
ਭਾਰਤ ਦੀ ਸਰਕਾਰ ਵੱਲੋਂ ਐਪਰੂਵ (ਮਨਜ਼ੂਰ) ਕੀਤੇ ਗਏ 25 ਦੇਸ਼ਾਂ ਦੀ ਸੂਚੀ ਵਿੱਚ ਕੈਨੇਡਾ ਦਾ ਨਾਮ ਸ਼ਾਮਿਲ ਨਹੀਂ ਹੈ, ਜਿੱਥੇ ਐਸਟ੍ਰਾਜ਼ੈਨਕਾ ਵੈਕਸੀਨ ਦੀ ਐਕਸਪੋਰਟ ਡੋਜ਼ ਪਹੁੰਚਾਈ ਜਾਵੇਗੀ।
ਯਾਦ ਰਹੇ ਸੀਰਮ ਇੰਸਟੀਟਿਊਟ ਆਫ ਇੰਡੀਆ ਦਾ ਐਸਟ੍ਰਾਜ਼ੈਨਕਾ ਦੇ ਨਾਲ ਕਰਾਰ ਹੈ ਅਤੇ ਇੱਥੇ ਇੱਕ ਬਿਲੀਅਨ ਡੋਜ਼ ਤਿਆਰ ਕੀਤੀਆਂ ਜਾ ਰਹੀਆਂ ਹਨ।
ਹੈਲਥ ਕੈਨੇਡਾ ਵੱਲੋਂ ਫਿਲਹਾਲ ਮੈਨੂਫੈਕਚਰਿੰਗ ਪ੍ਰੀਕਿਰਿਆ ਦਾ ਰੀਵਿਊ ਕੀਤਾ ਜਾ ਰਿਹਾ ਹੈ।
ਅੱਜ ਮੋਦੀ ਨੇ ਇੱਕ ਟਵੀਟ 'ਚ ਦੱਸਿਆ ਕਿ ਟਰੂਡੋ ਨੇ ਉਨ੍ਹਾਂ ਨਾਲ ਸੰਪਰਕ ਕੀਤਾ ਅਤੇ ਦੋਨਾਂ ਨੇ ਵੈਕਸੀਨ, ਮੌਸਮ ਤਬਦੀਲੀ ਅਤੇ ਗਲੋਬਲ ਵਿੱਤੀ ਰਿਕਵਰੀ ਜਿਹੇ ਮਾਮਲਿਆਂ 'ਤੇ ਚਰਚਾ ਕੀਤੀ।
ਇਸ ਤੋਂ ਪਹਿਲਾਂ ਟਰੂਡੋ ਨੇ ਕਿਹਾ ਸੀ ਕਿ ਕੈਨੇਡਾ ਅਤੇ ਭਾਰਤ ਵੱਲੋਂ ਪਾਰਟਨਰਸ ਦੀ ਤਰ੍ਹਾਂ ਕੋਵਿਡ-19 ਖਿਲਾਫ਼ ਕੰਮ ਕੀਤਾ ਜਾ ਰਿਹਾ ਹੈ, ਪਰ ਟਰੂਡੋ ਨੇ ਮੋਦੀ ਨਾਲ ਸੰਪਰਕ ਬਣਾਉਣ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਸੀ।
