9.06C Vancouver 9.06C VancouverAug 2, 2021 10:16 AM -
ਭਾਰਤੀ ਫ਼ੌਜ ਵੱਲੋਂ ਸੋਮਵਾਰ ਨੂੰ ਮਿਲੀ ਜਾਣਕਾਰੀ ਮੁਤਾਬਕ, ਭਾਰਤੀ ਫ਼ੌਜੀ ਇੰਦਰ-2021 ਡਰਿੱਲ ਲਈ ਰੂਸ ਦੇ ਵੌਲਗੋਗ੍ਰੈਡ ਵਿਖੇ ਪੁੱਜ ਚੁੱਕੇ ਹਨ।
ਇਸ ਦਸਤੇ ਦੇ ਪਹੁੰਚਣ 'ਤੇ ਰੂਸ ਦੇ ਫ਼ੌਜੀ ਬੈਂਡ ਵੱਲੋਂ ਨਿੱਘਾ ਸਵਾਗਤ ਕੀਤਾ ਗਿਆ।
ਭਾਰਤੀ ਫ਼ੌਜ ਵੱਲੋਂ ਟਵੀਟ ਕੀਤਾ ਗਿਆ,"ਅਭਿਆਸ ਇੰਦਰ2021: ਭਾਰਤੀ ਫ਼ੌਜ ਦਾ ਦਸਤਾ 1 ਤੋਂ 13 ਅਗਸਤ ਤੱਕ ਇੰਦਰ 2021, ਅਭਿਆਸ ਵਿੱਚ ਹਿੱਸਾ ਲੈਣ ਲਈ, ਰੂਸ ਦੇ ਵੌਲਗੋਗ੍ਰੈਡ ਵਿਖੇ ਪੁੱਜ ਚੁੱਕਾ ਹੈ। ਦਸਤੇ ਦੇ ਪੁੱਜਣ 'ਤੇ ਰੂਸੀ ਫ਼ੌਜੀ ਬੈਂਡ ਵੱਲੋਂ ਨਿੱਘਾ ਸਵਾਗਤ ਕੀਤਾ ਗਿਆ।"
ਰੂਸ ਦੇ ਦੱਖਣੀ ਫ਼ੌਜੀ ਜ਼ਿਲੇ (ਐੱਸਐੱਮਡੀ) ਦੇ ਬੁਲਾਰੇ ਵੱਲੋਂ ਦੀ ਭਾਰਤੀ ਦਸਤੇ ਦੇ ਪੁੱਜਣ ਦਾ ਐਲਾਨ ਕੀਤਾ ਗਿਆ।
"ਵੌਲਗੋਗ੍ਰੈਡ ਦੇ ਗਮਰਾਕ ਹਵਾਈ-ਅੱਡੇ 'ਤੇ ਭਾਰਤੀ ਫ਼ੌਜ ਦੇ 250 ਸਿਪਾਹੀਆਂ ਦਾ ਇੱਕ ਦਸਤਾ, ਕੌਮਾਂਤਰੀ ਅਭਿਆਸ ਇੰਦਰ-2021 ਵਿੱਚ ਹਿੱਸਾ ਲੈਣ ਲਈ ਪੁੱਜਾ ਹੈ,"ਐੱਸਐੱਮਡੀ ਦੇ ਬੁਲਾਰੇ ਵਦਿਮ ਅਸਤਾਫ਼ਯੇਵ ਨੇ ਆਖਿਆ।
ਰੂਸ ਦੀ ਖ਼ਬਰ ਏਜੇਂਸੀ ਸਪੁਤਨਿਕ ਦੇ ਮੁਤਾਬਕ, ਪਹੁੰਚਣ ਤੋਂ ਬਾਅਦ, ਭਾਰਤੀ ਸਿਪਾਹੀ ਵੌਲਗੋਗ੍ਰੈਡ ਵਿੱਚ ਐੱਸਐੱਮਡੀ ਪ੍ਰਡਬੁਆਏ ਮੈਦਾਨ 'ਚ ਸਥਿਤ ਕੈਂਪ ਵੱਲ ਰਵਾਨਾ ਹੋ ਗਏ।
ਗ਼ੌਰਤਲਬ ਹੈ ਕਿ ਇੰਦਰ-2020, ਮੋਟਰ ਰਾਈਫਲ, ਤੋਪ ਅਤੇ ਤੋਪਖਾਨੇ ਤੋਂ 250 ਸਿਪਾਹੀਆਂ ਨਾਲ, 1 ਤੋਂ 13 ਅਗਸਤ ਤੱਕ ਚੱਲੇਗੀ।
ਇਸ ਅਭਿਆਸ ਵਿੱਚ 250 ਭਾਰਤੀ ਸਿਪਾਹੀਆਂ ਸਣੇ, ਰੂਸੀ ਇੰਟੈਲੀਜੈਂਸ ਫ਼ੌਜ ਵੀ ਸ਼ਾਮਲ ਹੋਵੇਗੀ।
ਅੱਤਵਾਦ ਦਾ ਮੁਕਾਬਲਾ ਕਰਨ 'ਤੇ ਕੇਂਦਰਿਤ ਇਸ ਅਭਿਆਸ ਵਿੱਚ 100 ਤੋਂ ਵੀ ਵੱਧ ਫ਼ੌਜੀ ਹਾਰਡਵੇਅਰ ਇਸਤੇਮਾਲ ਕੀਤੇ ਜਾਣਗੇ।
