ਪਿਛਲੇ ਮਹੀਨੇ ਬੀ.ਸੀ 'ਚ ਘਟੀ ਮਹਿੰਗਾਈ, ਜਾਣੋ ਵੈਨਕੂਵਰ ਤੇ ਵਿਕਟੋਰੀਆ ਦੇ ਨਤੀਜੇ

ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਪਿਛਲੇ ਮਹੀਨੇ ਬੀ-ਸੀ ਵਿੱਚ ਮਹਿੰਗਾਈ ਘਟੀ ਹੈ। ਦੇਸ਼ ਭਰ ਵਿੱਚ ਗੈਸੋਲੀਨ ਦੀਆਂ ਕੀਮਤਾਂ ਹੇਠਾਂ ਗਈਆਂ ਹਨ।

ਅਕਤੂਬਰ ਮਹੀਨੇ ਕੈਨੇਡਾ ਦੀ ਮਹਿੰਗਾਈ ਦਰ ਘਟ ਕੇ 3.1% ਦਰਜ ਕੀਤੀ ਗਈ। ਪਿਛਲੇ ਮਹੀਨੇ ਇਹ ਦਰ 3.8% ਦੇ ਪੱਧਰ ‘ਤੇ ਸੀ।।

ਤਾਜ਼ਾ ਅੰਕੜੇ ਦਰਸਾਉਂਦੇ ਹਨ ਕਿ ਬੀ-ਸੀ 'ਚ 2.7 ਦੀ ਮਹਿੰਗਾਈ ਦਰ ਦਰਜ ਕੀਤੀ ਹੈ। ਵੈਨਕੂਵਰ ਅਤੇ ਵਿਕਟੋਰੀਆ ਦੋਵਾਂ ਨੇ ਆਪਣੀਆਂ ਦਰਾਂ ਵਿੱਚ ਕਮੀ ਦੇਖੀ ਹੈ। ਵੈਨਕੂਵਰ 4 ਫੀਸਦੀ ਤੋਂ ਡਿੱਗ ਕੇ 3.4 ਫੀਸਦੀ ਅਤੇ ਵਿਕਟੋਰੀਆ ਦਾ ਅੱਧਾ ਅੰਕ ਘੱਟ ਕੇ 2.3 ਫੀਸਦੀ ਹੋ ਗਿਆ ਹੈ।

ਸਟੈਟਿਸਟਿਕਸ ਕੈਨੇਡਾ ਅਨੁਸਾਰ ਗੈਸ ਕੀਮਤਾਂ ਮਹੀਨਾ-ਦਰ-ਮਹੀਨਾ 6.4% ਘੱਟ ਹੋਈਆਂ ਹਨ। ਅਕਤੂਬਰ ਵਿੱਚ ਗਰੌਸਰੀ ਦੀਆਂ ਕੀਮਤਾਂ ਵਿੱਚ 5.4% ਦੀ ਗਿਰਾਵਟ ਆਈ ਹੈ ਜੋ ਜ਼ਿਆਦਾ ਤਾਂ ਹੈ ਪਰ ਪਿਛਲੇ ਮਹੀਨੇ ਦੇ 5.8% ਨਾਲੋਂ ਘੱਟ ਹੈ।ਘਰਾਂ ਦੀਆਂ ਕੀਮਤਾਂ ਖਾਸ ਤੌਰ 'ਤੇ ਕਿਰਾਏ ਅਤੇ ਰਿਹਾਇਸ਼ ਦਾ ਵਿਆਜ ਅਜੇ ਵੀ ਮਹਿੰਗਾਈ ਨੂੰ ਵਧਾ ਰਹੇ ਹਨ।