21.81C Vancouver 21.81C VancouverApr 21, 2021 5:27 PM -
ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਮਾਰਚ ਦੇ ਮਹੀਨੇ 'ਚ ਇੰਫਲੇਸ਼ਨ 2.2% ਵਧ ਗਈ।
ਇਹ ਅੰਕੜਾ ਬੀਤੇ ਸਾਲ ਦੇ ਮਾਰਚ ਮਹੀਨੇ ਦੀ ਤੁਲਣਾ 'ਚ ਪੇਸ਼ ਕੀਤਾ ਗਿਆ ਹੈ।
ਇਸ 'ਚ ਵਧੇਰੇ ਜ਼ਿੰਮੇਵਾਰ ਗੈਸੋਲੀਨ ਕੀਮਤਾਂ ਨੂੰ ਦੱਸਿਆ ਗਿਆ ਹੈ, ਜਿਸ 'ਚ ਸਾਲ-ਦਰ-ਸਾਲ 35.3% ਦਾ ਵਾਧਾ ਦਰਜ ਕੀਤਾ ਜਾ ਰਿਹਾ ਹੈ।
ਟੀ.ਡੀ. ਦੇ ਸੀਨੀਅਰ ਇਕਾਨਮਿਸਟ, ਜੇਮਸ ਮਾਰਪਲ ਦਾ ਕਹਿਣਾ ਹੈ ਕਿ ਇੰਫਲੇਸ਼ਨ, ਇਸ ਪੈਂਡੈਮਿਕ ਦੇ ਦੌਰ 'ਚ ਇੰਨੀ ਉੱਚੀ ਇਸਲਈ ਗਈ ਹੈ ਕਿ ਇਸ ਦੀ ਤੁਲਣਾ ਬੀਤੇ ਸਾਲ ਦੀਆਂ ਬੇਹੱਦ ਕਮਜ਼ੋਰ ਹੋ ਚੁੱਕੀਆਂ ਕੀਮਤਾਂ ਨਾਲ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਦੇਸ਼ ਨੂੰ ਇਸੇ ਸਾਲ ਦੇ ਅੰਤ ਤਕ ਵਧੇਰੇ ਮਜ਼ਬੂਤ ਪ੍ਰਾਈਸ ਗਰੋਥ (price growth) ਵੇਖਣ ਨੂੰ ਮਿਲ ਸਕਦੀ ਹੈ।
ਪਰ ਅਜਿਹਾ ਉਸ ਵੇਲੇ ਹੋ ਸਕਦਾ ਹੈ ਜੇਕਰ, ਹਾਈ ਕੰਟੈਕਟ ਸਰਵਿਸਿਜ਼ (high-contact services) ਮੁੜ ਤੋਂ ਖੁਲ੍ਹਦੀਆਂ ਹਨ ਅਤੇ ਕੰਮ ਗਵਾਉਣ ਵਾਲੇ ਵਰਕਰਾਂ ਦੀ ਵਾਪਸੀ ਹੋ ਪਾਉਂਦੀ ਹੈ।
ਮਾਰਪਲ ਨੇ ਇਹ ਵੀ ਕਿਹਾ ਕਿ ਇੰਫਲੇਸ਼ਨ ਕੁਝ ਕਨੇਡੀਅਨਸ ਨੂੰ ਵਧੇਰੇ ਮਹਿਸੂਸ ਹੋ ਸਕਦੀ ਹੈ, ਜੋ ਕਿ ਵੱਡੇ ਘਰਾਂ 'ਚ ਨਿਵੇਸ਼ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਨਵੇਂ ਘਰਾਂ ਨਾਲ ਸੰਬੰਧਤ ਹੋਮ-ਓਨਰ ਰਿਪਲੇਸਮੈਂਟ ਕੀਮਤਾਂ 'ਚ ਮਾਰਚ 2020 ਤੋਂ ਇਸ ਸਾਲ ਬੀਤੇ ਮਹੀਨੇ ਵਿਚਾਲੇ 7.9% ਤਕ ਦਾ ਵਾਧਾ ਹੋਇਆ ਹੈ, ਜੋ ਕਿ ਦਿਸੰਬਰ 2006 ਤੋਂ ਬਾਅਦ ਸਭ ਤੋਂ ਵੱਡਾ ਸਾਲਾਨਾ ਵਾਧਾ ਦਰਸ਼ਾਉਂਦਾ ਹੈ।
