ਕੈਨੇਡੀਅਨਾਂ ਨੂੰ ਜੀ.ਐੱਸ.ਟੀ. ਵਿਚ ਦਿੱਤੀ ਗਈ ਅਸਥਾਈ ਛੋਟ ਦੇ ਚੱਲਦੇ ਦਸੰਬਰ ਵਿਚ ਮਹਿੰਗਾਈ ਦਰ ਵਿਚ ਹੋਈ ਗਿਰਾਵਟ ਦਰਜ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਸਰਕਾਰ ਵਲੋਂ ਕੈਨੇਡੀਅਨਾਂ ਨੂੰ ਜੀ.ਐੱਸ.ਟੀ. ਵਿਚ ਦਿੱਤੀ ਗਈ ਅਸਥਾਈ ਛੋਟ ਦੇ ਚੱਲਦੇ ਦਸੰਬਰ ਵਿਚ ਮਹਿੰਗਾਈ ਦਰ ਵਿਚ ਗਿਰਾਵਟ ਦਰਜ ਹੋਈ ਹੈ। ਇਸ ਦੇ ਨਾਲ ਹੀ ਇਹ 2019 ਤੋਂ ਬਾਅਦ ਪਹਿਲੀ ਵਾਰ ਹੈ ਜਦੋਂ ਕੈਨੇਡੀਅਨ ਮਹਿੰਗਾਈ ਪੂਰੇ ਸਾਲ ਵਿਚ ਸੈਂਟਰਲ ਬੈਂਕ ਦੀ ਟਾਰਗੇਟ ਰੇਂਜ ਵਿਚ ਰਹੀ, ਅੱਜ ਸਟੈਟਿਸਟਿਕਸ ਕੈਨੇਡਾ ਵਲੋਂ ਜਾਰੀ ਕੀਤੀ ਗਈ ਰਿਪੋਰਟ ਮੁਤਾਬਕ, ਦਸੰਬਰ ਵਿਚ ਸਾਲਾਨਾ ਮਹਿੰਗਾਈ ਦਰ 1.8 ਫੀਸਦੀ ਦਰਜ ਹੋਈ, ਜੋ ਨਵੰਬਰ ਦੀ 1.9 ਫੀਸਦੀ ਤੋਂ ਹੋਰ ਘੱਟ ਹੋਈ ਹੈ।

ਬੈਂਕ ਆਫ਼ ਕੈਨੇਡਾ ਦੀ 2025 ਵਿਚ ਪਹਿਲੀ ਬੈਠਕ ਤੋਂ ਪਹਿਲਾਂ ਇਹ ਅਹਿਮ ਰਿਪੋਰਟ ਹੈ। ਮੁਦਰਾ ਬਾਜ਼ਾਰ ਨੇ ਮਹਿੰਗਾਈ ਵਿਚ ਤਾਜ਼ਾ ਗਿਰਾਵਟ ਦੇ ਚੱਲਦੇ ਵਿਆਜ ਦਰਾਂ ਵਿਚ ਇੱਕ ਹੋਰ ਕਟੌਤੀ ਦੀ ਉਮੀਦ ਜਤਾਈ ਹੈ।

ਹਾਲਾਂਕਿ, ਬੇਸ਼ੱਕ ਗਵਰਨਰ ਟਿਫ ਮੈਕਲੇਮ ਨੇ ਪਿਛਲੇ ਮਹੀਨੇ ਕਿਹਾ ਸੀ ਕਿ ਦਰਾਂ ਵਿੱਚ ਕਟੌਤੀ ਵਿਚ ਹੋਰ ਕਟੌਤੀ ਹੋਲੀ ਹੋ ਸਕਦੀ ਹੈ ਪਰ ਮੁਦਰਾ ਬਾਜ਼ਾਰ ਦਾ ਅਨੁਮਾਨ ਹੈ ਕਿ 29 ਜਨਵਰੀ ਦੀ ਬੈਠਕ ਵਿਚ ਸੈਂਟਰਲ ਬੈਂਕ 25 ਆਧਾਰ ਬਿੰਦੂ ਦੀ ਕਟੌਤੀ ਕਰ ਸਕਦਾ ਹੈ।