12.02C Vancouver 12.02C VancouverOct 5, 2020 11:55 PM -
ਡੈਲਟਾ ਬੀ.ਸੀ. ਵਿਚ ਹਸਪਤਾਲ ਵਿਚ ਹੋਈ ਕੋਵਿਡ-19 ਦੀ ਆਉਟਬ੍ਰੇਕ ਕਾਰਨ ਨਵੇਂ ਮਰੀਜ਼ਾਂ ਦੀ ਭਰਤੀ ਬੰਦ ਕਰ ਦਿੱਤੀ ਗਈ ਹੈ।
ਹਸਪਤਾਲ ਦਾ ਐਮਰਜੈਂਸੀ ਡਿਪਾਰਟਮੈਂਟ ਖੁੱਲ੍ਹਾ ਰਹੇਗਾ ਅਤੇ ਨਿਰਧਾਰਿਤ ਕੀਤੀਆਂ ਗਈਆਂ ਸਰਜਰੀਜ਼ ਵੀ ਜਾਰੀ ਰਹਿਣਗੀਆਂ।
ਡੈਲਟਾ ਹਸਪਤਾਲ ਚਲਾਉਣ ਵਾਲੀ ਫ੍ਰੇਜ਼ਰ ਹੈਲਥ ਅਥੌਰਿਤੀ ਦਾ ਕਹਿਣਾ ਹੈ ਕਿ ਇਨ੍ਹਾਂ ਯੂਨਿਟਜ਼ ਤੋਂ ਬਾਹਰ ਜਿਹੜੇ ਮਰੀਜ਼ਾਂ ਨੂੰ ਦੇਖਭਾਲ ਦੀ ਲੋੜ ਹੈ, ਉਨ੍ਹਾਂ ਨੂੰ ਹਾਲ ਦੀ ਘੜੀ ਵਿਚ ਸੰਕਰਮਣ ਦੇ ਖਤਰੇ ਤੋਂ ਬਚਾਉਣ ਲਈ, ਭਰਤੀ ਨਹੀਂ ਕੀਤਾ ਜਾਵੇਗਾ।
ਫ੍ਰੇਜ਼ਰ ਹੈਲਥ ਵਿਖੇ, ਡਾ. ਐਲੀਜ਼ਾਬੇਥ ਬਰੌਡਕਿਨ, ਚੀਫ਼ ਮੈਡੀਕਲ ਹੈਲਥ ਓਫੀਸਰ ਦਾ ਕਹਿਣਾ ਹੈ ਕਿ 16 ਸਤੰਬਰ ਨੂੰ ਕੋਵਿਡ-19 ਆਉਟਬ੍ਰੇਕ ਦੀ ਘੋਸ਼ਣਾ ਕਰਨ ਤੋਂ ਬਾਅਦ ਤੋਂ 18 ਮਰੀਜ਼ਾਂ ਅਤੇ 17 ਸਟਾਫ਼ ਮੈਂਬਰਾਂ ਦਾ ਕੋਵਿਡ-19 ਟੈੱਸਟ ਪੋਜ਼ੀਟਿਵ ਆ ਚੁੱਕਾ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਹਸਪਤਾਲ ਵਿਚ ਬਿਮਾਰੀ ਨਾਲ ਸੰਕਰਮਿਤ ਹੋਣ ਤੋਂ ਬਾਅਦ ਅਜੇ ਤੱਕ 7 ਮਰੀਜ਼ਾਂ ਦੀ ਮੌਤ ਵੀ ਹੋ ਚੁੱਕੀ ਹੈ।
ਬਰੌਡਕਿਨ ਦਾ ਕਹਿਣਾ ਹੈ ਕਿ ਆਉਟਬ੍ਰੇਕ ਸਿਰਫ ਇੱਕ ਯੂਨਿਟ ਅਤੇ ਫਲੋਰ ਤੱਕ ਹੀ ਸੀਮਤ ਹੈ ਅਤੇ ਆਓਟਬ੍ਰੇਕ ਘੋਸ਼ਿਤ ਕਰਨ ਤੋਂ ਬਾਅਦ ਇੱਥੇ ਕੋਈ ਵੀ ਨਵਾਂ ਮਰੀਜ਼ ਭਰਤੀ ਨਹੀਂ ਕੀਤਾ ਗਿਆ ਹੈ
ਉਨ੍ਹਾਂ ਦਾ ਕਹਿਣਾ ਹੈ ਕਿ ਜਿਹੜੇ ਮਰੀਜ਼ਾਂ ਨੂੰ ਹੋਰ ਦੇਖਭਾਲ ਜਾਂ ਫਿਰ ਭਰਤੀ ਕਰਨ ਦੀ ਲੋੜ ਹੈ, ਉਨ੍ਹਾਂ ਨੂੰ ਹੋਰ ਹਸਪਤਾਲਾਂ ਵਿਚ ਭੇਜਿਆ ਜਾਵੇਗਾ।
