18.66C Vancouver 18.66C VancouverOct 26, 2022 8:56 PM - Connect News
ਔਂਟੈਰੀਓ 'ਚ ਪੀਲ ਰੀਜਨਲ ਪੁਲਿਸ ਦਾ ਕਹਿਣਾ ਹੈ ਕਿ ਸਪੈਸ਼ਲਾਈਜਡ ਐਨਫੋਰਸਮੈਂਟ ਬਿਊਰੋ ਦੀ 11 ਮਹੀਨੇ ਦੀ ਜਾਂਚ ਤੋਂ ਬਾਅਦ ਅੰਤਰਰਾਸ਼ਟਰੀ ਡਰੱਗ ਤਸਕਰੀ ਦਾ ਭੰਡਾਫੋੜ ਹੋਇਆ ਹੈ।
ਜਾਂਚ ਦੌਰਾਨ 182kg ਮੈਥਮਫਿਟਾਮੀਨ, 166kg ਕੋਕੇਨ ਅਤੇ 38kg ਕੀਟਾਮਿਨ ਬਰਾਮਦ ਹੋਈ ਹੈ।
ਇਸ ਪੂਰੇ ਆਪ੍ਰੇਸ਼ਨ ਨੂੰ 'ਪ੍ਰੋਜੈਕਟ ਜੁਕਾਰੀਟਾਸ' ਦਾ ਨਾਮ ਦਿੱਤਾ ਗਿਆ ਸੀ।
ਨਵੰਬਰ 2021 ਵਿੱਚ ਐਸ.ਈ.ਬੀ. ਵੱਲੋਂ ਕੁਝ ਅਜਿਹੇ ਲੋਕਾਂ ਦੀ ਪਛਾਣ ਕੀਤੀ ਗਈ ਸੀ ਜੋ ਗ੍ਰੇਟਰ ਟੋਰੌਂਟੋ ਇਲਾਕੇ 'ਚ ਡਰੱਗ ਤਸਕਰੀ ਲਈ ਜਿੰਮੇਵਾਰ ਮੰਨੇ ਜਾ ਰਹੇ ਸਨ।
ਇਸ ਤੋਂ ਬਾਅਦ ਕੀਤੀ ਗਈ ਜਾਂਚ ਦੌਰਾਨ ਅੰਤਰਰਾਸ਼ਟਰੀ ਪੱਧਰ 'ਤੇ ਕੰਮ ਕਰਦੀ ਡਰੱਗ ਤਸਕਰੀ ਐਂਟਰਪ੍ਰਾਈਜ ਦਾ ਪਤਾ ਲੱਗਿਆ।
ਪੁਲਿਸ ਜਾਂਚ ਦੌਰਾਨ ਪਤਾ ਲੱਗਿਆ ਕਿ ਇਸ ਗਰੁੱਪ ਦੇ ਲੋਕ ਕਮਰਸ਼ਲ ਟਰੱਕਿੰਗ ਵਪਾਰਾਂ ਦੀ ਵਰਤੋਂ ਡਰੱਗ ਤਸਕਰੀ ਲਈ ਕਰ ਰਹੇ ਸਨ।
ਇਸ ਮਾਮਲੇ 'ਚ ਬਰੈਂਪਟਨ ਦੇ 28 ਸਾਲਾ ਜਸਪ੍ਰੀਤ ਸਿੰਘ, ਮਿਸੀਸਾਗਾ ਦੇ 27 ਸਾਲਾ ਰਵਿੰਦਰ ਬੋਪਾਰਾਏ, ਕੈਲੇਡਨ ਦੇ 38 ਸਾਲਾ ਗੁਰਦੀਪ ਗਖਲ, ਕੈਲੇਡਨ ਦੇ 46 ਸਾਲਾ ਖਲੀਲਉੱਲਾ ਅਮੀਨ ਅਤੇ ਰਿਚਮੰਡ ਹਿਲ ਦੇ 27 ਸਾਲਾ ਰੇਅ ਇਪ 'ਤੇ ਮਲਟੀਪਲ ਦੋਸ਼ ਲੱਗੇ ਹਨ।
ਇਸੇ ਮਾਮਲੇ 'ਚ ਨੌਰਥ ਕਿੰਗ ਲੌਜਿਸਟਿਕਸ ਜੋ ਕਿ ਮਿਲਟਨ 'ਚ ਸਥਿਤ ਹੈ ਅਤੇ ਮਿਸੀਸਾਗਾ ਸਥਿਤ ਫਰੈਂਡ ਫਰਨੀਚਰ ਨਾਮ ਦੇ ਵਪਾਰਾਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ।
