14.7C Vancouver 14.7C VancouverAug 27, 2021 7:36 PM -
ਸਰੀ 'ਚ ਬੀਤੇ ਹਫ਼ਤੇ ਵਾਪਰੇ ਜਾਨਲੇਵਾ ਕਰੈਸ਼ ਬਾਰੇ ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਸ਼ੁਰੂਆਤੀ ਜਾਂਚ 'ਚ ਘਟਨਾ ਦਾ ਕਾਰਨ ਰਫਤਾਰ ਨੂੰ ਮੰਨਿਆ ਜਾ ਰਿਹਾ ਹੈ।
ਇਸ ਕਰੈਸ਼ 'ਚ 3 ਯੁਵਾ ਹਾਕੀ ਖਿਡਾਰੀਆਂ ਦੀ ਮੌਤ ਹੋ ਗਈ ਸੀ।
ਇੱਕ ਨਿਊਜ ਰਿਲੀਜ਼ 'ਚ ਪੁਲਿਸ ਦਾ ਕਹਿਣਾ ਸੀ ਕਿ ਗੱਡੀ ਤੇਜ ਰਫਤਾਰ 'ਤੇ ਜਾ ਰਹੀ ਸੀ।
ਮੰਨਿਆ ਜਾ ਰਿਹਾ ਹੈ ਕਿ ਪੋਸਟਿਡ ਲਿਮਿਟ ਤੋਂ ਗੱਡੀ 'ਕਿਤੇ ਵਧੇਰੇ' ਰਫਤਾਰ 'ਤੇ ਦੌੜ ਰਹੀ ਸੀ।
ਯਾਦ ਰਹੇ ਐਮਰਜੈਂਸੀ ਸੇਵਾਵਾਂ ਨੂੰ ਸਰੀ ਦੇ ਫਰੇਜ਼ਰ ਹਾਈਟਸ ਇਲਾਕੇ 'ਚ ਸ਼ਨੀਵਾਰ ਤੜਕੇ ਕਰੀਬ 3 ਵਜੇ ਸੱਦਿਆ ਗਿਆ ਸੀ।
ਮ੍ਰਿਤਕ ਟੀਨੇਜਰਸ ਦੀ ਪਛਾਣ ਕੇਲੇਬ ਰੇਮਰ, ਰੌਨਿਨ ਸ਼ਰਮਾ ਅਤੇ ਪਾਰਕਰ ਮੈਗਨੁਸਨ ਵਜੋਂ ਹੋਈ ਹੈ।
ਤਿੰਨਾਂ ਦੀ ਉਮਰ 16 ਤੋਂ 17 ਸਾਲ ਦੱਸੀ ਗਈ ਸੀ।
ਨੈਸ਼ਨਲ ਹਾਕੀ ਲੀਗ ਅਤੇ ਦੇਸ਼ ਭਰ ਦੀਆਂ ਹਾਕੀ ਟੀਮਾਂ ਨੇ ਸਰੀ 'ਚ ਵਾਪਰੀ ਦੁਖਦਾਈ ਘਟਨਾ ਤੋਂ ਬਾਅਦ ਹਮਦਰਦੀ ਜਾਹਿਰ ਕੀਤੀ ਸੀ।
