14.53C Vancouver 14.53C VancouverSep 20, 2023 6:00 PM - The Canadian Press
ਲੀਵਾਏ ਸਟ੍ਰਾਊਸ ਕੈਨੇਡਾ 'ਤੇ ਇਲਜ਼ਾਮ ਲੱਗੇ ਹਨ ਕਿ ਇਹ ਉਨ੍ਹਾਂ ਕੰਪਨੀਆਂ ਨਾਲ ਕੰਮ ਕਰ ਰਿਹਾ ਹੈ ਜੋ ਚੀਨ ਵਿੱਚ ਜਬਰੀ ਮਜ਼ਦੂਰੀ ਦੀ ਵਰਤੋਂ ਕਰਦੀਆਂ ਹਨ।
ਇਸ ਮਾਮਲੇ ਦੀ ਜਾਂਚ ਹੁਣ ਕੈਨੇਡਾ ਦੇ ਕਾਰਪੋਰੇਟ ਐਥਿਕਸ ਵਾਚਡੌਗ ਨੇ ਸ਼ੁਰੂ ਕੀਤੀ ਹੈ।
ਕੈਨੇਡਾ ਦੀ ਜ਼ਿੰਮੇਵਾਰ ਐਂਟਰਪ੍ਰਾਈਜ਼ ਓਮਬਡਜ਼ਪਰਸਨ ਸ਼ੈਰੀ ਮੇਅਰਹੌਫ਼ਰ ਨੇ ਇਸ ਬਾਰੇ ਜਾਂਚ ਸ਼ੁਰੂ ਕੀਤੀ ਹੈ ਕਿ ਲਿਵਾਈਜ਼ ਜੀਨਸ ਲਈ ਜਾਣੀ ਜਾਂਦੀ ਡੈਨਿਮ ਕੰਪਨੀ ਦੇ ਚੀਨੀ ਕੰਪਨੀਆਂ ਨਾਲ ਸਪਲਾਈ ਸਬੰਧ ਹਨ।
ਜੋ ਸ਼ਿਨਜਿਆਂਗ ਖੇਤਰ ਵਿੱਚ ਜਬਰਨ ਮਜ਼ਦੂਰੀ ’ਤੇ ਲਾਏ ਗਏ ਵੀਗਰ ਲੋਕਾਂ ਤੋਂ ਸਮੱਗਰੀ ਦਾ ਸਰੋਤ ਬਣਾਉਂਦੇ ਹਨ।ਮੇਅਰਹੌਫ਼ਰ ਦੇ ਦਫਤਰ ਨੂੰ ਕੈਨੇਡੀਅਨ ਗਾਰਮੈਂਟ, ਮਾਈਨਿੰਗ ਅਤੇ ਤੇਲ ਅਤੇ ਗੈਸ ਕੰਪਨੀਆਂ ਦੇ ਸੰਚਾਲਨ ਵਿੱਚ ਮਨੁੱਖੀ-ਅਧਿਕਾਰਾਂ ਦੀ ਸੰਭਾਵਿਤ ਉਲੰਘਣਾ ਬਾਰੇ ਸ਼ਿਕਾਇਤਾਂ ਦੀ ਜਾਂਚ ਕਰਨ ਦਾ ਕੰਮ ਸੌਂਪਿਆ ਗਿਆ ਹੈ।
ਹਾਲਾਂਕਿ ਲਿਵਾਈ ਸਟ੍ਰਾਊਸ ਨੇ ਦੋਸ਼ਾਂ ਨੂੰ ਸਿਰੇ ਤੋਂ ਨਕਾਰ ਦਿੱਤਾ ਹੈ।
ਓਮਬਡਜ਼ਪਰਸਨ ਦੇ ਦਫਤਰ ਨੇ ਕਿਹਾ ਕਿ ਕੰਪਨੀ ਸ਼ੁਰੂਆਤੀ ਮੁਲਾਂਕਣ ਮੀਟਿੰਗ ਵਿੱਚ ਉਪਲਬਧ ਨਹੀਂ ਸੀ ਅਤੇ ਦੋਸ਼ਾਂ ਪ੍ਰਤੀ ਆਪਣੇ ਜਵਾਬ ਦੀ ਪੁਸ਼ਟੀ ਕਰਨ ਵਾਲੀ ਜਾਣਕਾਰੀ ਪ੍ਰਦਾਨ ਨਹੀਂ ਕੀਤੀ।
ਸ਼ਿਕਾਇਤ ਪ੍ਰਕਿਰਿਆ ਵਿੱਚ ਕੰਪਨੀ ਦੀ ਸੀਮਤ ਭਾਗੀਦਾਰੀ ਨੂੰ ਦੇਖਦੇ ਹੋਏ ਵਾਚਡੌਗ ਨੇ ਕਿਹਾ ਕਿ ਉਹ ਇਸ ਗੱਲ 'ਤੇ ਵਿਚਾਰ ਕਰ ਸਕਦੇ ਹਨ ਕੀ ਕੰਪਨੀ ਪ੍ਰਕਿਰਿਆ ਦੇ ਬਾਅਦ ਦੇ ਪੜਾਅ ਵਿੱਚ ਚੰਗੀ ਭਾਵਨਾ ਨਾਲ ਹਿੱਸਾ ਲੈ ਰਹੀ ਹੈ ਜਾਂ ਨਹੀਂ।
ਦਰਅਸਲ ਇਹਨਾਂ ਇਲਜ਼ਾਮਾਂ ਦੀ ਸ਼ੁਰੂਆਤ ਜੂਨ 2022 ਵਿੱਚ 28 ਸਿਵਲ ਸੁਸਾਇਟੀ ਸੰਸਥਾਵਾਂ ਦੇ ਗੱਠਜੋੜ ਦੁਆਰਾ ਕੀਤੀ ਗਈ ਸ਼ਿਕਾਇਤ ਤੋਂ ਬਾਅਦ ਹੋਈ ਹੈ।
ਸੰਗਠਨਾਂ ਨੇ ਪਹਿਲਾਂ ਨਵੰਬਰ 2021 ਵਿਚ ਲਿਵਾਈ ਸਟ੍ਰਾਊਸ ਕੋਲ ਵੀ ਆਪਣੀ ਸ਼ਿਕਾਇਤ ਕੀਤੀ ਸੀ, ਪਰ ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਕੰਪਨੀ ਕੋਲੋਂ ਕੋਈ ਜਵਾਬ ਨਹੀਂ ਮਿਲਿਆ।
ਯੂਕੇ ਵਿੱਚ ਸ਼ੈਫੀਲਡ ਹੈਲਮ ਯੂਨੀਵਰਸਿਟੀ ਦੇ ਇੱਕ ਪ੍ਰੋਫੈਸਰ ਵੱਲੋਂ 2021 ਦੀ ਇੱਕ ਰਿਪੋਰਟ ਦਾ ਵੀ ਹਵਾਲਾ ਦਿੱਤਾ ਗਿਆ ਸੀ, ਜਿਸ ਵਿੱਚ ਲਿਵਾਈ ਸਟ੍ਰਾਊਸ ਦੇ ਅਜਿਹੀਆਂ ਤਿੰਨ ਕੰਪਨੀਆਂ ਨਾਲ ਸਬੰਧ ਦੱਸੇ ਗਏ ਸਨ ਜੋ ਜਬਰਨ ਮਜ਼ਦੂਰੀ ਦੀ ਵਰਤੋਂ ਕਰਦੀਆਂ ਹਨ ਜਾਂ ਇਸ ਤੋਂ ਲਾਭ ਉਠਾਉਂਦੀਆਂ ਹਨ।
ਫਿਲਹਾਲ ਹੁਣ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਰਿਪੋਰਟਾਂ ਵਿੱਚ ਡਾਟਾ ਸਹੀ ਹੈ।
ਜ਼ਿਕਰਯੋਗ ਹੈ ਕਿ ਕੁੱਝ ਸਮਾਂ ਪਹਿਲਾਂ ਓਮਬਡਜ਼ਪਰਸਨ ਨੇ ਵਾਲਮਾਰਟ, ਹਿਊਗੋ ਬੌਸ ਅਤੇ ਡੀਜ਼ਲ ਖ਼ਿਲਾਫ਼ ਵੀ ਜਾਂਚ ਦਾ ਐਲਾਨ ਕੀਤਾ ਸੀ।
ਲਿਵਾਈ ਸੱਤਵੀਂ ਕੰਪਨੀ ਹੈ ਜਿਸ ਦੀ ਜਾਂਚ ਕੀਤੀ ਜਾਵੇਗੀ ਤੇ ਜਲਦ ਹੀ ਇਸ ਬਾਰੇ ਨਤੀਜੇ ਜਨਤਕ ਕੀਤੇ ਜਾਣਗੇ।
