18.13C Vancouver 18.13C VancouverJan 10, 2020 10:19 PM -
ਇਰਾਨ ਨੇ ਸ਼ੁੱਕਰਵਾਰ ਨੂੰ ਪੱਛਮੀ ਦੇਸ਼ਾਂ ਵੱਲੋਂ ਖੜੇ ਕੀਤੇ ਜਾ ਰਹੇ ਸਵਾਲਾਂ ਨੂੰ ਰੱਦ ਕਰ ਦਿੱਤਾ।
ਇਰਾਨ ਨੇ ਆਪਣੇ ਵੱਲੋਂ ਕਿਸੇ ਮਿਸਾਈਲ ਦੇ ਨਾਲ ਯੁਕ੍ਰੇਨੀਅਨ ਹਵਾਈ ਜਹਾਜ਼ ਨੂੰ ਡੇਗੇ ਹੋਣ ਦੇ ਇਲਜਾਮਾਂ ਨੂੰ ਖਾਰਿਜ ਕਰਦੇ ਹੋਏ ਕਿਹਾ ਕਿ ਅਮਰੀਕਾ ਅਤੇ ਕੈਨੇਡਾ ਨੂੰ ਆਪਣੇ ਬਿਆਨ ਸਾਬਿਤ ਕਰਨ ਲਈ ਸਬੂਤ ਸਾਂਝੇ ਕਰਨੇ ਚਾਹੀਦੇ ਹਨ।
ਇਰਾਨ ਦੇ ਰਾਸ਼ਟਰੀ ਏਵੀਏਸ਼ਨ ਮਹਿਕਮੇ ਦੇ ਮੁਖੀ ਅਲੀ ਅਬੇਦਜਾਦੇਹ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਆਖਿਆ ਕਿ, 'ਸਾਡੇ ਲਈ ਇਸਦੇ ਵਿੱਚ ਕੋਈ ਸ਼ੱਕ ਨਹੀਂ ਹੈ ਕਿ ਹਵਾਈ ਜਹਾਜ਼ ਨਾਲ ਕੋਈ ਮਿਸਾਈਲ ਨਹੀਂ ਟਕਰਾਈ।'
ਵੀਰਵਾਰ ਨੂੰ ਅਮਰੀਕੀ ਅਧਿਕਾਰੀ ਤੋਂ ਅਲਾਵਾ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਬਿਆਨ ਦਿੱਤੇ ਸਨ, ਅਤੇ ਆਖਿਆ ਸੀ ਕਿ ਇਰਾਨ ਵੱਲੋਂ ਜ਼ਮੀਨ ਤੋਂ ਹਵਾ ਵਿੱਚ ਮਾਰ ਕਰਨ ਵਾਲੀ ਮਿਸਾਈਲ ਦੇ ਨਾਲ ਯੁਕ੍ਰੇਨੀਅਨ ਹਵਾਈ ਜਹਾਜ਼ ਡੇਗਿਆ ਹੋ ਸਕਦਾ ਹੈ।
ਹਾਲਾਂਕਿ ਟਰੂਡੋ ਨੇ ਆਪਣੇ ਬਿਆਨ ਵਿੱਚ ਇਹ ਵੀ ਆਖਿਆ ਸੀ ਕਿ ਅਜਿਹਾ ਜਾਣਬੁੱਝ ਕੇ ਨਾ ਕੀਤਾ ਹੋਇਆ ਹੋ ਸਕਦਾ ਹੈ।
ਯਾਦ ਰਹੇ ਇਹ ਵਿਮਾਨ ਦੁਰਘਟਨਾ ਉਸ ਵੇਲੇ ਵਾਪਰੀ ਸੀ, ਜਦ ਕੁਝ ਹੀ ਘੰਟੇ ਪਹਿਲਾਂ ਇਰਾਨ ਨੇ ਇਰਾਕ ਵਿੱਚ ਅਮਰੀਕੀ ਏਅਰਬੇਸ ਨੂੰ ਨਿਸ਼ਾਨਾ ਬਣਾਇਆ ਸੀ।
ਵਿਮਾਨ ਦੁਰਘਟਨਾ ਵਿੱਚ 176 ਲੋਕਾਂ ਦੀ ਜਾਨ ਜਾਂਦੀ ਰਹੀ ਜਿਸਦੇ ਵਿੱਚ 63 ਕਨੇਡੀਅਨ ਸ਼ਾਮਿਲ ਸਨ।
