11.3C Vancouver 11.3C VancouverOct 16, 2023 6:18 PM - The Canadian Press
ਇੱਕ 71 ਸਾਲ ਦੇ ਬਜ਼ੁਰਗ ਨੇ ਇੱਕ 6 ਸਾਲ ਦੇ ਫਲਸਤੀਨੀ ਬੱਚੇ 'ਤੇ ਚਾਕੂ ਨਾਲ 26 ਵਾਰ ਹਮਲਾ ਕਰਕੇ ਉਸ ਦੀ ਹੱਤਿਆ ਕਰ ਦਿੱਤੀ ਹੈ।
ਇਹ ਘਟਨਾ ਅਮਰੀਕਾ ਦੇ ਇਲੀਨੋਏ ਦੀ ਹੈ।
71 ਸਾਲਾ ਮਕਾਨ ਮਾਲਕ 'ਤੇ ਕਤਲ ਅਤੇ ਦੋ ਨਫ਼ਰਤੀ ਅਪਰਾਧਾਂ ਸਣੇ ਦੋਸ਼ ਲਗਾਏ ਗਏ ਹਨ।
ਦੋਸ਼ੀ ਨੇ ਬੱਚੇ ਦੀ ਮਾਂ 'ਤੇ ਵੀ ਹਮਲਾ ਕੀਤਾ।
ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਨਫ਼ਰਤੀ ਅਪਰਾਧ ਹੈ।
ਹਮਲੇ ਦਾ ਕਾਰਨ ਇਜ਼ਰਾਈਲ ਹਮਾਸ ਜੰਗ ਹੈ।
ਦਰਅਸਲ ਪੁਲਿਸ ਨੂੰ ਸ਼ਨੀਵਾਰ ਦੁਪਹਿਰ ਨੂੰ ਪਲੇਨਫੀਲਡ ਟਾਊਨਸ਼ਿਪ ਵਿੱਚ ਰਿਹਾਇਸ਼ 'ਤੇ ਬੁਲਾਇਆ ਗਿਆ ਸੀ, ਜਿੱਥੇ 2 ਲੋਕ ਜ਼ਖਮੀ ਹਾਲਤ ਵਿੱਚ ਮਿਲੇ। ਜਿਨ੍ਹਾਂ ਨੂੰ ਹਸਪਤਾਲ ਦਾਖਿਲ ਕਰਵਾਇਆ ਗਿਆ।
ਵਿਲ ਕਾਉਂਟੀ ਸ਼ੈਰਿਫ ਦੇ ਦਫਤਰ ਦੇ ਇੱਕ ਬਿਆਨ ਅਨੁਸਾਰ ਛੇ ਸਾਲਾ ਬੱਚੇ ਨੇ ਹਸਪਤਾਲ ਵਿੱਚ ਆਪਣੇ ਜ਼ਖ਼ਮਾਂ ਦੀ ਤਾਬ ਨਾ ਝੱਲਦੇ ਹੋਏ ਦਮ ਤੋੜ ਦਿੱਤਾ।
ਪੋਸਟਮਾਰਟਮ ਤੋਂ ਪਤਾ ਲੱਗਾ ਹੈ ਕਿ ਲੜਕੇ ਨੂੰ 30 ਸੈਂਟੀਮੀਟਰ ਲੰਬੇ ਸੇਰੇਟਿਡ ਮਿਲਟਰੀ ਸਟਾਈਲ ਚਾਕੂ ਨਾਲ ਉਸਦੇ ਸਾਰੇ ਸਰੀਰ ਵਿੱਚ 26 ਵਾਰ ਮਾਰਿਆ ਗਿਆ ਸੀ।
ਉਸਦੀ 32 ਸਾਲਾ ਮਾਂ ਨੂੰ ਇੱਕ ਦਰਜਨ ਤੋਂ ਵੱਧ ਚਾਕੂ ਮਾਰੇ ਗਏ ਪਰ ਉਸਦੇ ਬਚਣ ਦੀ ਉਮੀਦ ਹੈ।
ਪੁਲਿਸ ਨੇ ਦੋਸ਼ੀ ਜੋਸੇਫ ਐਮ ਕਾਜ਼ੂਬਾ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਉਹ ਆਪਣੇ ਘਰ ਨੇੜੇ ਸੜਕ 'ਤੇ ਜ਼ਮੀਨ 'ਤੇ ਬੈਠਾ ਮਿਲਿਆ।
ਉਸ ਦੇ ਮੱਥੇ 'ਤੇ ਸੱਟ ਦੇ ਨਿਸ਼ਾਨ ਸਨ।
ਪੁਲਿਸ ਨੇ ਦੋਸ਼ੀ 'ਤੇ ਫਸਟ-ਡਿਗਰੀ ਕਤਲ, ਫਸਟ-ਡਿਗਰੀ ਕਤਲ ਦੀ ਕੋਸ਼ਿਸ਼, ਨਫਰਤ ਅਪਰਾਧ ਦੇ ਦੋ ਮਾਮਲਿਆਂ ਅਤੇ ਮਾਰੂ ਹਥਿਆਰਾਂ ਨਾਲ ਹਮਲਾ ਕਰਨ ਦੇ ਦੋਸ਼ ਲਗਾਏ ਹਨ।
ਹੁਣ ਉਸ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।
