10.53C Vancouver 10.53C VancouverOct 16, 2023 7:05 PM - Connect News
ਇਜ਼ਰਾਈਲ-ਹਮਾਸ ਯੁੱਧ ਵਿੱਚ ਮਾਰੇ ਗਏ ਪੰਜਵੇਂ ਕੈਨੇਡੀਅਨ ਦੀ ਪਹਿਚਾਣ 21 ਸਾਲਾ ਨੌਜਵਾਨ ਵਜੋਂ ਹੋਈ ਹੈ।
ਇਸ ਹਮਲੇ ਵਿੱਚ ਮਰਨ ਵਾਲੇ ਨੌਜਵਾਨ ਦਾ ਨਾਮ ਨੇਟਾ ਐਪਸਟਾਈਨ ਹੈ।
ਇੱਕ ਟੀਵੀ ਚੈਨਲ 'ਤੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਨੇਟਾ ਐਪਸਟਾਈਨ ਦੀ ਮਾਂ ਨੇ ਦੱਸਿਆ ਕਿ ਆਪਣੀ ਮੰਗੇਤਰ ਨੂੰ ਬਚਾਉਣ ਲਈ ਗ੍ਰਨੇਡ 'ਤੇ ਛਾਲ ਮਾਰਨ ਤੋਂ ਬਾਅਦ ਐਪਸਟਾਈਨ ਦੀ ਮੌਤ ਹੋ ਗਈ।
ਦੱਸ ਦਈਏ ਕਿ ਇਜ਼ਰਾਈਲ-ਹਮਾਸ ਯੁੱਧ ਵਿੱਚ ਹੁਣ ਤੱਕ ਪੰਜ ਕੈਨੇਡੀਅਨਾਂ ਦੀ ਮੌਤ ਦੀ ਪੁਸ਼ਟੀ ਹੋ ਗਈ ਹੈ ਅਤੇ ਤਿੰਨ ਹੋਰ ਲਾਪਤਾ ਦੱਸੇ ਜਾ ਰਹੇ ਹਨ।
ਮਰਨ ਵਾਲਿਆਂ ਵਿੱਚ 2 ਲੜਕੀਆਂ ਤੇ 3 ਲੜਕੇ ਹਨ।
ਐਤਵਾਰ ਤੱਕ ਅੰਦਾਜ਼ਨ 1,000 ਕੈਨੇਡੀਅਨਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਕੈਨੇਡੀਅਨ ਆਰਮਡ ਫੋਰਸਿਜ਼ ਮਿਲਟਰੀ ਆਪਰੇਸ਼ਨ ਰਾਹੀਂ ਇਜ਼ਰਾਈਲ ਤੋਂ ਏਥਨਜ਼ ਭੇਜਿਆ ਜਾ ਚੁੱਕਾ ਹੈ।
