14.53C Vancouver 14.53C VancouverFeb 2, 2022 10:45 PM - The Canadian Press
ਕੰਜ਼ਰਵੇਟਿਵ ਪਾਰਟੀ ਦੀ ਲੀਡਰਸ਼ਿਪ ਗਵਾਉਣ ਵਾਲੇ ਐਰਿਨ ਓ'ਟੂਲ ਨੇ ਇੱਕ ਸੋਸ਼ਲ ਮੀਡੀਆ ਸੁਨੇਹਾ ਸਾਂਝਾ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਅੱਜ ਦੁਪਹਿਰ ਉਨ੍ਹਾਂ ਨੇ ਰਸਮੀ ਤੌਰ 'ਤੇ ਕੰਜ਼ਰਵੇਟਿਵ ਪਾਰਟੀ ਦੇ ਲੀਡਰ ਵਜੋਂ ਅਸਤੀਫਾ ਦੇ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਪਾਰਟੀ ਦੀ ਲੀਡਰਸ਼ਿਪ ਸਾਂਭਣਾ ਉਨ੍ਹਾਂ ਲਈ ਬੇਹੱਦ ਖਾਸ ਅਤੇ ਜੀਵਨ ਦੀ ਅਹਿਮ ਉਪਲਬਧੀ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਲੀਡਰਸ਼ਿਪ ਤੋਂ ਬਾਹਰ ਹੋਣ ਮੌਕੇ ਉਹ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਕੰਜ਼ਰਵੇਟਿਵ ਕੌਕਸ ਤੋਂ ਇਲਾਵਾ ਸਾਰੇ ਮੈਂਬਰ ਪਾਰਲੀਅਮੈਂਟਸ ਨੂੰ ਇੱਕੋ ਸੁਨੇਹਾ ਦੇਣਾ ਚਾਹੁੰਦੇ ਹਨ ਕਿ ਦੂਜੀ ਧਿਰ ਦੀ ਵੀ ਆਵਾਜ਼ ਸੁਣੀ ਜਾਵੇ।
ਯਾਦ ਰਹੇ ਹੁਣ ਐਰਿਨ ਓ'ਟੂਲ ਕੰਜ਼ਰਵੇਟਿਵ ਪਾਰਟੀ ਆਫ ਕੈਨੇਡਾ ਦੇ ਲੀਡਰ ਨਹੀਂ ਰਹੇ।
ਉਨ੍ਹਾਂ ਨੂੰ ਅੱਜ ਦੀ ਵੋਟਿੰਗ 'ਚ ਲੀਡਰ ਬਣੇ ਰਹਿਣ ਲਈ ਪਾਰਟੀ ਦੇ ਮੈਂਬਰ ਪਾਰਲੀਅਮੈਂਟਸ ਦਾ ਸਹਿਯੋਗ ਹਾਸਿਲ ਨਹੀਂ ਹੋਇਆ।
ਇੱਕ ਵਰਚੁਅਲ ਬੈਠਕ 'ਚ ਪਾਰਟੀ ਦੇ ਐਮ.ਪੀ.'ਸ ਨੇ ਸਿਕਰੇਟ ਬੈਲਟ ਰਾਹੀਂ ਵੋਟਿੰਗ ਕੀਤੀ।
ਪਾਰਟੀ ਦੇ 118 ਐਮ.ਪੀ.'ਸ ਵਿੱਚੋਂ 73 ਨੇ ਐਰਿਨ ਓ'ਟੂਲ ਨੂੰ ਹਟਾਉਣ ਦੇ ਪੱਖ 'ਚ ਵੋਟ ਕੀਤਾ।
ਉਨ੍ਹਾਂ ਦੇ ਪੱਖ 'ਚ 45 ਵੋਟ ਪਏ।
ਯਾਦ ਰਹੇ ਇਹ ਵੋਟਿੰਗ ਉਸ ਵੇਲੇ ਹੋਈ ਸੀ ਜਦ ਪਾਰਟੀ ਦੇ ਕਰੀਬ ਇੱਕ-ਤਿਹਾਈ ਐਮ.ਪੀ.'ਸ ਨੇ ਇੱਕ ਨੋਟਿਸ 'ਤੇ ਹਸਤਾਖਰ ਕਰ ਲੀਡਰਸ਼ਿਪ ਰੀਵਿਊ ਦੀ ਮੰਗ ਕੀਤੀ ਸੀ।
ਹੁਣ ਕੰਜ਼ਰਵੇਟਿਵ ਪਾਰਟੀ ਚੋਣ ਕਰੇਗੀ ਕਿ ਪਾਰਟੀ ਦਾ ਅੰਤਰਿਮ ਲੀਡਰ ਕੌਣ ਹੋਵੇਗਾ।
ਹਾਲਾਂਕਿ ਪਾਰਟੀ ਲੀਡਰਸ਼ਿਪ ਦੇ ਦਾਵੇਦਾਰਾਂ 'ਚ ਪੀਅਰ ਪੌਲੀਐਵਰ, ਲੈਜ਼ਲਿਨ ਲੁਇਸ, ਮਾਈਕਲ ਚੌਂਗ, ਕੈਂਡਿਸ ਬਰਗਨ ਅਤੇ ਮਿਸ਼ੈਲ ਰੈਂਪਲ ਗਾਰਨਰ ਜਿਹੇ ਲੀਡਰਾਂ ਦਾ ਚਰਚਾ ਸ਼ੁਰੂ ਹੋ ਗਿਆ ਹੈ।
ਐਰਿਨ ਓ'ਟੂਲ ਦਾ ਪੂਰਾ ਸੁਨੇਹਾ ਵੇਖਣ ਲਈ ਲਿੰਕ ਕਲਿਕ ਕਰੋ:
