14.51C Vancouver 14.51C VancouverJan 31, 2022 8:28 PM - The Canadian Press
ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਦਾ ਕਹਿਣਾ ਹੈ ਕਿ ਔਟਵਾ ਪਹੁੰਚੇ ਟਰੱਕਰਸ ਨੂੰ ਵਾਪਿਸ ਘਰਾਂ ਨੂੰ ਪਰਤ ਜਾਣਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ ਕਿ ਪ੍ਰਦਰਸ਼ਨਕਾਰੀ ਆਪਣੀ ਗੱਲ ਰੱਖ ਚੁੱਕੇ ਹਨ ਅਤੇ ਹੁਣ ਉਨ੍ਹਾਂ ਨੂੰ ਘਰ ਚਲੇ ਜਾਣਾ ਚਾਹੀਦਾ ਹੈ।
ਜਗਮੀਤ ਸਿੰਘ ਨੇ ਕਿਹਾ ਕਿ, ਔਟਵਾ ਨਿਵਾਸੀਆਂ ਨੇ ਵੇਖਿਆ ਕਿ ਟੈਰੀ ਫੌਕਸ ਦੇ ਬੁੱਤ ਨੂੰ ਵੈਂਡਲਾਈਜ਼ ਯਾਨੀ ਕਿ ਤੋੜਭੰਨ ਦਾ ਨਿਸ਼ਾਨਾ ਬਣਾਇਆ ਗਿਆ।
ਉਨ੍ਹਾਂ ਕਿਹਾ ਕਿ ਕੁਝ ਲੋਕਾਂ ਨੇ 'ਟੂੰਬ ਆਫ ਅਨਨੋਨ ਸੋਲਜਰ' ਅਤੇ ਨੈਸ਼ਨਲ ਵਾਰ ਮੈਮੋਰੀਅਲ 'ਤੇ ਵੀ ਗਲਤ ਹਰਕਤਾਂ ਕੀਤੀਆਂ ਹਨ। ਜਗਮੀਤ ਸਿੰਘ ਨੇ ਕਿਹਾ ਕਿ ਇਹ ਗਲਤ ਹੈ ਕਿ ਇਲਾਕੇ ਦੇ ਵਪਾਰਾਂ ਨੂੰ ਜਬਰਦਸਤੀ ਬੰਦ ਕਰਨਾ ਪੈ ਰਿਹਾ ਹੈ ਅਤੇ ਡਾਊਨਟਾਊਨ ਇਲਾਕੇ 'ਚ ਰਹਿੰਦੇ ਕੁਝ ਲੋਕਾਂ ਨੂੰ ਘਰ ਛੱਡਣ ਜਿਹਾ ਡਰ ਸਤਾ ਰਿਹਾ ਹੈ।
ਜਗਮੀਤ ਸਿੰਘ ਨੇ ਇਹ ਬਿਆਨ ਉਸ ਵੇਲੇ ਦਿੱਤਾ ਹੈ ਜਦ ਪ੍ਰਦਰਸ਼ਨਕਾਰੀ ਵਾਪਿਸ ਜਾਣ ਸੰਬੰਧੀ ਕੋਈ ਸੰਕੇਤ ਨਹੀਂ ਦੇ ਰਹੇ ਹਨ।
