ਜਗਮੀਤ ਸਿੰਘ ਨੇ ਕੈਨੇਡੀਅਨਾਂ ਦੀ ਮਦਦ ਲਈ ਰੋਜ਼ਮਰਾਂ ਦੀਆਂ ਚੀਜ਼ਾਂ 'ਤੇ ਜੀ.ਐੱਸ.ਟੀ. ਖ਼ਤਮ ਕਰਨ ਦੀ ਕੀਤੀ ਘੋਸ਼ਣਾ

ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਟਰੰਪ ਦੇ ਟੈਰਿਫ ਦੇ ਵਿੱਤੀ ਪ੍ਰਭਾਵ ਨਾਲ ਨਜਿੱਠਣ ਵਿਚ ਕੈਨੇਡੀਅਨਾਂ ਦੀ ਮਦਦ ਲਈ ਰੋਜ਼ਮਰਾਂ ਦੀਆਂ ਚੀਜ਼ਾਂ ਲਈ ਜੀਐੱਸਟੀ ਖ਼ਤਮ ਕਰਨ ਦੀ ਘੋਸ਼ਣਾ ਕੀਤੀ ਹੈ। ਜਗਮੀਤ ਸਿੰਘ ਨੇ ਇਹ ਵੀ ਕਿਹਾ ਕਿ ਜੇ ਉਨ੍ਹਾਂ ਦੀ ਸਰਕਾਰ ਬਣੀ ਤਾਂ $177,882 ਤੱਕ ਦੀ ਸਾਲਾਨਾ ਇਨਕਮ ਵਾਲੇ ਕੈਨੇਡੀਅਨਾਂ ਨੂੰ ਆਪਣੀ $19,500 ਤੱਕ ਦੀ ਪਹਿਲੀ ਕਮਾਈ 'ਤੇ ਟੈਕਸ ਵੀ ਨਹੀਂ ਦੇਣਾ ਪਵੇਗਾ।

ਜਗਮੀਤ ਸਿੰਘ ਨੇ ਕਿਹਾ ਕਿ ਟੈਕਸ ਵਿਚ ਕਟੌਤੀ ਅਤੇ ਰੋਜ਼ਮਰਾਂ ਚੀਜ਼ਾ 'ਤੇ ਜੀਐੱਸਟੀ ਨੂੰ ਸਥਾਈ ਰੂਪ ਤੋਂ ਹਟਾਉਣ ਨਾਲ ਪਰਿਵਾਰਾਂ ਨੂੰ ਸਾਲ ਵਿਚ $1,450 ਦੀ ਬਚਤ ਹੋਵੇਗੀ। ਐਨ.ਡੀ.ਪੀ. ਲੀਡਰ ਨੇ ਵਿਰੋਧੀਆਂ 'ਤੇ ਨਿਸ਼ਾਨਾ ਸਾਧਦੇ ਕਿਹਾ ਕਿ ਲਿਬਰਲਸ ਅਤੇ ਕੰਜ਼ਰਵੇਟਿਵ -ਅਲਟਰਾ ਰਿਚ ਲਈ ਕੰਮ ਕਰ ਰਹੇ ਹਨ ਅਤੇ ਮੈਂ ਆਮ ਕੈਨੇਡੀਅਨਾਂ ਨਾਲ ਖੜ੍ਹਾ ਹਾਂ।