11.25C Vancouver 11.25C VancouverApr 8, 2025 7:36 PM - Connect Newsroom
ਵੈਨਕੂਵਰ ਵਿਚ ਨੀਤੀ ਘੋਸ਼ਣਾ ਦੌਰਾਨ ਅੱਜ ਜਗਮੀਤ ਸਿੰਘ ਨੇ ਸੈਂਟਰ ਵਿਚ ਫੈਡਰਲ ਐੱਨ.ਡੀ.ਪੀ. ਦੀ ਸਰਕਾਰ ਬਣਨ ਦੀ ਸੂਰਤ ਵਿਚ ਵਿਦੇਸ਼ੀ ਘਰੇਲੂ ਖਰੀਦਦਾਰਾਂ 'ਤੇ ਸਥਾਈ ਪਾਬੰਦੀ ਲਗਾਉਣ ਦੀ ਘੋਸ਼ਣਾ ਕੀਤੀ। ਇਸ ਦੇ ਨਾਲ ਹੀ ਉਨ੍ਹਾਂ ਇਹ ਵੀ ਵਿਸ਼ਵਾਸ ਪ੍ਰਗਟਾਇਆ ਕਿ ਉਹ ਬਰਨਬੀ ਸੈਂਟਰਲ ਦੀ ਆਪਣੀ ਸੀਟ ਬਚਾ ਲੈਣਗੇ ਅਤੇ ਹਲਕੇ ਦੀ ਨੁਮਾਇੰਦਗੀ ਕਰਨਾ ਜਾਰੀ ਰੱਖਣਗੇ ਅਤੇ ਉਨ੍ਹਾਂ ਦੀ ਸਰਕਾਰ ਨੰਬਰ ਵਾਲੀਆਂ ਕੰਪਨੀਆਂ ਅਤੇ ਕਾਰਪੋਰੇਟ ਪ੍ਰਤੀਨਿਧੀਆਂ ਨੂੰ ਘਰ ਖਰੀਦਣ ਤੋਂ ਰੋਕ ਕੇ ਮੌਜੂਦਾ ਨਿਯਮਾਂ ਨੂੰ ਠੀਕ ਕਰੇਗੀ।
ਇਹ ਪਾਬੰਦੀ ਕਾਟੇਜ ਅਤੇ ਕੈਬਿਨ ਵਰਗੀਆਂ ਮਨੋਰੰਜਨ ਸੰਪਤੀਆਂ 'ਤੇ ਲਾਗੂ ਨਹੀਂ ਹੋਵੇਗੀ।
ਜਗਮੀਤ ਸਿੰਘ ਦਾ ਇਹ ਵੀ ਕਹਿਣਾ ਹੈ ਕਿ ਐਨ.ਡੀ.ਪੀ. ਸਰਕਾਰ ਘਰ ਖਰੀਦਣ ਦੇ ਪੰਜ ਸਾਲਾਂ ਦੇ ਅੰਦਰ ਘਰ ਵੇਚਣ ਤੋਂ ਹੋਣ ਵਾਲੇ ਮੁਨਾਫ਼ੇ 'ਤੇ ਟੈਕਸ ਲਗਾਏਗੀ, ਜਦੋਂ ਤੱਕ ਕਿ ਉਹ ਕਿਸੇ ਦਾ ਮੁੱਖ ਘਰ ਨਾ ਹੋਵੇ। ਅਜਿਹਾ ਲੋਕਾਂ ਨੂੰ ਲਾਭ ਦੇ ਲਈ ਘਰ ਵੇਚਣ ਤੋਂ ਰੋਕਣ ਦੇ ਲਈ ਕੀਤਾ ਗਿਆ ਹੈ।
ਪਿਛਲੇ ਸਾਲ, ਲਿਬਰਲਸ ਨੇ ਵਿਦੇਸ਼ੀ ਘਰ ਖਰੀਦਦਾਰਾਂ 'ਤੇ ਪਾਬੰਦੀ 2027 ਤੱਕ ਵਧਾ ਦਿੱਤੀ ਸੀ, ਪਰ ਸਿੰਘ ਇਸ ਪਾਬੰਦੀ ਨੂੰ ਸਥਾਈ ਬਣਾਉਣਾ ਚਾਹੁੰਦੇ ਹਨ।
