ਸਰਕਾਰ ਕਾਮਿਆਂ ਲਈ ਸੰਸਦ ਵਿਚ ਸਪੋਰਟ ਪੈਕੇਜ ਪਾਸ ਕਰੇ: ਜਗਮੀਤ ਸਿੰਘ

ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਅੱਜ ਐਲਾਨ ਕੀਤਾ ਕਿ ਉਹ ਮੌਜੂਦਾ ਮਾਹੌਲ ਵਿਚ ਲਿਬਰਲ ਸਰਕਾਰ ਡੇਗਣ ਲਈ ਅਵਿਸ਼ਵਾਸ ਵੋਟ ਲਈ ਮਤਾ ਪੇਸ਼ ਨਹੀਂ ਕਰਨਗੇ, ਬਸ਼ਰਤੇ ਸਰਕਾਰ ਕਾਮਿਆਂ ਲਈ ਸੰਸਦ ਵਿਚ ਸਪੋਰਟ ਪੈਕੇਜ ਪਾਸ ਕਰੇ। ਜਗਮੀਤ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਲਈ ਵਰਕਰ ਪਹਿਲਾਂ ਹਨ।

ਗੌਰਤਲਬ ਹੈ ਕਿ ਟਰੰਪ ਦੇ ਟੈਰਿਫ ਨਾਲ ਨਜਿੱਠਣ ਵਿਚਕਾਰ ਕੈਨੇਡਾ ਵਿਚ ਸਿਆਸੀ ਮਾਹੌਲ ਤੇਜ਼ੀ ਨਾਲ ਬਦਲ ਰਿਹਾ ਹੈ। ਲਗਭਗ ਦੋ ਮਹੀਨੇ ਪਹਿਲਾਂ ਜਦੋਂ ਪੀਐੱਮ ਟਰੂਡੋ ਨੇ ਆਪਣੇ ਅਸਤੀਫ਼ੇ ਦਾ ਐਲਾਨ ਕੀਤਾ ਸੀ ਤਾਂ ਲੱਗ ਰਿਹਾ ਸੀ ਕਿ ਉਨ੍ਹਾਂ ਦਾ ਸਿਆਸੀ ਕਰੀਅਰ ਹੌਲੀ-ਹੌਲੀ ਖਤਮ ਹੋਣ ਵਾਲਾ ਹੈ ਪਰ ਇਹ ਸਭ ਹੁਣ ਬਦਲ ਗਿਆ ਹੈ।

ਅਮਰੀਕਾ ਦੇ ਵਪਾਰ ਯੁੱਧ ਨਾਲ ਨਜਿੱਠਣ ਵਿਚ ਉਨ੍ਹਾਂ ਦੀ ਭੂਮਿਕਾ ਨੇ ਉਨ੍ਹਾਂ ਨੂੰ ਮੁੜ ਉਭਾਰ ਦਿੱਤਾ ਹੈ। ਕੈਨੇਡੀਅਨ ਲਈ ਖੜ੍ਹੇ ਹੋਣ ਲਈ ਉਨ੍ਹਾਂ ਦੀ ਵੱਖ-ਵੱਖ ਰਿਪੋਰਟਾਂ ਵਿਚ ਪ੍ਰਸ਼ੰਸਾ ਕੀਤੀ ਗਈ ਹੈ।