22.89C Vancouver 22.89C VancouverJan 5, 2021 1:11 AM -
ਐਲਬਰਟਾ ਦੇ ਪ੍ਰੀਮਿਅਰ ਜੇਸਨ ਕੈਨੀ ਨੇ ਉਨ੍ਹਾਂ ਸਟਾਫ਼ ਮੈਂਬਰਾਂ ਖਿਲਾਫ਼ ਸਖਤ ਐਕਸ਼ਨ ਲਿਆ ਹੈ, ਜਿੰਨਾ ਨੇ ਯਾਤਰਾ ਖਿਲਾਫ਼ ਹਿਦਾਇਤਾਂ ਦੇ ਬਾਵਜੂਦ ਹਾਲ 'ਚ ਵਿਦੇਸ਼ ਦੀ ਗੈਰ-ਜ਼ਰੂਰੀ ਯਾਤਰਾ ਕੀਤੀ ਸੀ।
ਇਹਨਾਂ ਮੈਂਬਰਾਂ ਦੇ ਅਸਤੀਫੇ ਮਨਜ਼ੂਰ ਕਰ ਲਏ ਗਏ ਹਨ।
ਇੱਕ ਫੇਸਬੁੱਕ ਪੋੜਤ 'ਚ ਕੈਨੀ ਨੇ ਦੱਸਿਆ ਕਿ ਉਨ੍ਹਾਂ ਨੇ ਮਿਊਨਿਸਿਪਲ ਅਫੇਅਰਸ ਮੰਤਰੀ, ਟ੍ਰੇਸੀ ਐਲਰਡ ਦਾ ਅਸਤੀਫਾ ਮਨਜ਼ੂਰ ਕਰ ਲਿਆ ਹੈ।
ਇਸ ਤੋਂ ਇਲਾਵਾ ਚੀਫ਼ ਆਫ ਸਟਾਫ਼, ਜੇਮੀ ਹੱਕਬੇਅ ਨੂੰ ਜ਼ਿੰਮੇਵਾਰੀਆਂ ਨੂੰ ਹਟਾ ਦਿੱਤਾ ਗਿਆ ਹੈ।
ਯੂਨਾਈਟਿਡ ਕੰਜ਼ਰਵੇਟਿਵ ਕੌਕਸ ਦੇ ਕਈ ਹੋਰ ਮੈਂਬਰਾਂ ਨੂੰ ਵੀ ਜ਼ਿੰਮੇਵਾਰੀਆਂ ਤੋਂ ਹਟਾਇਆ ਗਿਆ ਹੈ।
ਕੈਨੀ ਅਨੁਸਾਰ ਇਹਨਾਂ ਲੋਕਾਂ ਨੇ ਬੇਹੱਦ ਖਰਾਬ ਫੈਸਲੇ ਲਏ ਸਨ।
ਕੈਨੀ ਨੇ ਕਿਹਾ ਕਿ ਉਨ੍ਹਾਂ ਤੱਕ ਲੋਕਾਂ ਦੀ ਨਾਰਾਜ਼ਗੀ ਦੀ ਆਵਾਜ਼ ਪਹੁੰਚੀ ਹੈ।
ਸਸਕੈਚਵਿਨ ਦੇ ਹਾਈਵੇਸ ਮੰਤਰੀ ਨੇ ਦਿੱਤਾ ਅਸਤੀਫਾ
ਕੈਨੇਡਾ 'ਚ ਗੈਰ ਜ਼ਰੂਰੀ ਵਿਦੇਸ਼ ਯਾਤਰਾ ਵਿਵਾਦ 'ਚ ਕਈ ਲੀਡਰਾਂ ਦੇ ਨਾਮ ਸ਼ਾਮਿਲ ਹੋ ਚੁੱਕੇ ਹਨ।
ਹੁਣ ਇਸ ਸੂਚੀ 'ਚ ਕਈ ਅਜਿਹੇ ਨਾਮ ਸ਼ਾਮਿਲ ਹੋ ਚੁੱਕੇ ਹਨ, ਜਿੰਨਾ ਨੂੰ ਆਪਣੀਆਂ ਜ਼ਿੰਮੇਵਾਰੀਆਂ ਤੋਂ ਹੱਥ ਧੋਣਾ ਪਿਆ ਹੈ।
ਸਸਕੈਚਵਿਨ ਦੇ ਹਾਈਵੇਸ ਮੰਤਰੀ ਜੋ ਹਾਰਗ੍ਰੇਵ ਨੇ ਕੈਲੀਫੋਰਨੀਆ ਦੇ ਟ੍ਰਿਪ ਤੋਂ ਬਾਅਦ, ਹੁਣ ਅਸਤੀਫਾ ਦੇ ਦਿੱਤਾ ਹੈ।
