15.04C Vancouver 15.04C VancouverAug 14, 2024 4:00 PM - The Canadian Press
ਜੈਸਪਰ ਟਾਊਨ ਵਿਚ ਲੱਗੀ ਜੰਗਲੀ ਅੱਗ ਕਾਰਨ ਤਕਰੀਬਨ $283 ਮਿਲੀਅਨ ਦੀ ਪ੍ਰਾਪਰਟੀ ਨੁਕਸਾਨੀ ਗਈ ਹੈ। ਸਾਰੇ ਬਿਜ਼ਨਸ ਅਤੇ ਹਾਊਸਿੰਗ ਯੂਨਿਟਸ ਨੂੰ ਮਿਲਾ ਕੇ ਕੁਲ 800 ਇਮਾਰਤਾਂ ਨੁਕਸਾਨੀਆਂ ਗਈਆਂ ਹਨ। ਮੁੱਖ ਪ੍ਰਸ਼ਾਸਨਿਕ ਅਧਿਕਾਰੀ ਬਿੱਲ ਨੇ ਮੰਗਲਵਾਰ ਵਰਚੁਅਲ ਮੀਟਿੰਗ ਵਿਚ ਕੌਂਸਲਰਜ਼ ਨੂੰ ਇਸ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਜਿਵੇਂ-ਜਿਵੇਂ ਇਸ ਦੀ ਗਿਣਤੀ ਹੋ ਰਹੀ ਹੈ
ਨੁਕਸਾਨੀਆਂ ਪ੍ਰਾਪਰਟੀਜ਼ ਦੀ ਗਿਣਤੀ ਵੱਧਦੀ ਜਾ ਰਹੀ ਹੈ ਜੋ ਕਿ ਸਲਾਨਾ ਸਲਾਨਾ ਟੈਕਸ ਆਮਦਨ ਦੇ ਬਰਾਬਰ ਹੋ ਗਈ ਹੈ। ਟਾਊਨ ਵਲੋਂ ਸੂਬਾ ਸਰਕਾਰ ਅਤੇ ਹੋਰ ਸੰਸਥਾਵਾਂ ਨੂੰ ਮਦਦ ਕਰਨ ਦੀ ਅਪੀਲ ਕੀਤੀ ਗਈ ਹੈ।
ਮੀਟਿੰਗ ਦੌਰਾਨ ਕੌਂਸਲ ਵਲੋਂ ਕਈ ਮਤੇ ਪਾਸ ਕੀਤੇ ਗਏ ਜੋ ਟਾਊਨ ਵਿਚ ਕਰੀਬ 5 ਹਜ਼ਾਰ ਲੋਕਾਂ ਦੀ ਰੀ-ਐਂਟਰੀ ਦੌਰਾਨ ਜ਼ਰੂਰੀ ਹੋਣਗੇ। ਇਸ ਵਿਚ ਪ੍ਰਾਪਰਟੀ ਟੈਕਸ ਦੀ ਪੇਮੈਂਟ ਅਤੇ ਮਿਊਂਸੀਪਲ ਉਪਯੋਗਤਾ ਖਰਚੇ ਨੂੰ ਰੱਦ ਕਰਨਾ ਸ਼ਾਮਿਲ ਹੈ।
ਮੇਅਰ ਰਿਚਰਡ ਆਇਰਲੈਂਡ ਨੇ ਕਿਹਾ ਕਿ ਟਾਊਨ ਦੀ ਵੈੱਬਸਾਈਟ ’ਤੇ ਲੋਕ ਇਸ ਸਬੰਧੀ ਡਾਟਾ ਭਰਨ ਤਾਂ ਕਿ ਸਰਵੇ ਹੋ ਸਕੇ ਕਿ ਕਿੰਨੇ ਲੋਕਾਂ ਨੂੰ ਟੈਂਪਰੇਰੀ ਘਰਾਂ ਦੀ ਜ਼ਰੂਰਤ ਹੈ। ਉਨ੍ਹਾਂ ਦੱਸਿਆ ਕਿ ਜੋ ਲੋਕ ਐਡਮਿੰਟਨ, ਕੈਲਗਰੀ ਅਤੇ ਗ੍ਰੈਂਡ ਪ੍ਰੈਰੀ ਦੇ ਈਵੈਕਿਊ ਰਿਸੈਪਸ਼ਨ ਸੈਂਟਰਜ਼ ਵਿਚ ਰਹਿ ਰਹੇ ਹਨ, ਉਹ ਇੱਥੇ 24 ਅਗਸਤ ਤੱਕ ਰਹਿ ਸਕਦੇ ਹਨ।
