8.48C Vancouver 8.48C VancouverMay 3, 2022 10:24 PM - The Canadian Press
ਬੀ.ਸੀ. ਦਾ ਇੱਕ ਆਦਮੀ ਜਿਸ ਨੂੰ ਬੀਤੇ ਹਫ਼ਤੇ ਕੈਨੇਡਾ ਦੇ ਮੋਸਟ ਵਾਂਟਿਡ ਅਪਰਾਧੀਆਂ 'ਚ ਸ਼ਾਮਿਲ ਕੀਤਾ ਗਿਆ ਸੀ ਉਸ ਦੀ ਇੱਕ ਪਲੇਨ ਕਰੈਸ਼ 'ਚ ਮੌਤ ਹੋ ਗਈ ਹੈ।
36 ਸਾਲਾ ਜੀਨ ਕਾਰਲ ਲਾਹਰਕੈਂਪ ਨੂੰ ਕੈਨੇਡਾ ਦੇ ਮੋਸਟ ਵਾਂਟਿਡ ਅਪਰਾਧੀਆਂ ਦੀ ਸੂਚੀ 'ਚ ਦੂਜੇ ਨੰਬਰ 'ਤੇ ਸ਼ਾਮਿਲ ਕੀਤਾ ਗਿਆ ਸੀ।
26 ਅਪ੍ਰੈਲ ਨੂੰ ਉਸ ਦੀ ਗ੍ਰਿਫਤਾਰੀ 'ਚ ਮਦਦ ਕਰਨ ਸੰਬੰਧੀ ਜਾਣਕਾਰੀ ਦੇਣ ਵਾਲੇ ਲਈ $100,000 ਦੇ ਇਨਾਮ ਦਾ ਵੀ ਐਲਾਨ ਕੀਤਾ ਗਿਆ ਸੀ।
ਹੁਣ ਪੁਲਿਸ ਨੇ ਪੁਸ਼ਟੀ ਕੀਤੀ ਹੈ ਕਿ ਐਲਾਨ ਤੋਂ 4 ਦਿਨ ਬਾਅਦ ਉਹ ਇੱਕ ਛੋਟੇ ਹਵਾਈ ਜਹਾਜ 'ਚ ਸਵਾਰ ਸੀ ਜੋ ਕਿ ਸਿਓਕਸ ਲੁਕਆਊਟ ਦੇ ਨੇੜੇ ਕਰੈਸ਼ ਕਰ ਗਿਆ।
ਇਸ ਹਵਾਈ ਜਹਾਜ ਨੇ ਡਰਾਈਡਨ ਤੋਂ ਮੈਰਾਥਨ ਲਈ ਉਡਾਣ ਭਰੀ ਸੀ।
ਯਾਦ ਰਹੇ 26 ਅਪ੍ਰੈਲ ਨੂੰ ਕੈਨੇਡਾ ਦੇ 'ਬੀ ਔਨ ਦ ਲੁਕ ਆਊਟ ਪ੍ਰੋਗਰਾਮ' ਨੇ 25 ਅਪਰਾਧੀਆਂ ਦੀ ਸੂਚੀ ਜਾਰੀ ਕੀਤੀ ਸੀ।
ਐਬਟਸਫੋਰਡ ਦੇ ਸਾਬਕਾ ਗੈਂਗਸਟਰ ਜਿਮੀ ਸੰਧੂ ਦੇ ਕਤਲ ਮਾਮਲੇ 'ਚ ਇਸ ਵਿਅਕਤੀ 'ਤੇ ਦੋਸ਼ ਸਨ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਜਿਮੀ ਸੰਧੂ ਦਾ ਥਾਈਲੈਂਡ 'ਚ 5 ਫਰਵਰੀ ਨੂੰ ਕਤਲ ਹੋ ਗਿਆ ਸੀ।
ਥਾਈ ਪੁਲਿਸ ਦਾ ਕਹਿਣਾ ਸੀ ਕਿ ਜਿਮੀ ਸੰਧੂ ਨੂੰ 2 ਕਨੇਡੀਅਨ ਲੋਕਾਂ ਨੇ ਨਿਸ਼ਾਨਾ ਬਣਾਇਆ ਸੀ ਜੋ ਕਿ ਵਾਰਦਾਤ ਤੋਂ ਕੁਝ ਦਿਨ ਬਾਅਦ ਕੈਨੇਡਾ ਆ ਗਏ ਸਨ।
ਇਨ੍ਹਾਂ 'ਚ ਇੱਕ ਵਿਅਕਤੀ ਨੂੰ ਫਰਵਰੀ 'ਚ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
